Экзамен здадзены: як прайшоў турнір па лёгкай атлетыцы на стадыёне "Дынама"

22
Першая матчавая сустрэча па лёгкай атлетыцы адбылася на мінскім стадыёне "Дынама" напярэдадні. Як праходзілі спаборніцтвы, глядзіце на відэа Sputnik.

Абноўлены легендарны стадыён "Дынама" пасля шасцігадовай рэканструкцыі ўрачыста адчыніў свае вароты 21 чэрвеня, а ўжо на наступны дзень тут адбыўся першы афіцыйны турнір па лёгкай атлетыцы сярод зборных Беларусі, Украіны, Балканскіх краін і Прыбалтыкі.

На трыбуны падтрымаць айчынных спартсменаў прыйшло мноства заўзятараў. Беларускія лёгкаатлеты ў сваю чаргу паказалі выдатныя вынікі, атрымаўшы перамогу над прадстаўнікамі краін-удзельніц: так, бягуха Аліна Талай выйграла золата ў бегу на 100 метраў з бар'ерамі, а кідальнік молата Іван Ціхан заняў другое месца.

Медалі беларускай зборнай таксама прынеслі кідальнікі кап'я Таццяна Халадовіч і Валерый Ізотаў, скакуны Андрэй Скабейка і Максім Недасекаў, малатабоец Павел Барэйша, штурхальніца ядра Алена Дубіцкая, бегуны Станіслаў Дарагакупец, Аляксандр Ліннік, Дар'я Барысевіч, Святлана Кудзеліч, Таццяна Шабанава і Эльвіра Герман. Дарэчы, пасля ўзнагароджання спартсменка падарыла выйграны срэбны медаль хлопчыку з ДЦП Паўлу Рашчынскаму, якога Герман запрасіла на "Дынама".

Мінскі стадыён "Дынама" афіцыйна адкрыўся 21 чэрвеня, удзел ва ўрачыстым мерапрыемстве прыняў і прэзідэнт Беларусі Аляксандр Лукашэнка.

Умяшчальнасць новага стадыёна складае больш за 22 тысяч гледачоў, сярод іх месца і для інвалідаў на калясках. У падтрыбунных памяшканнях арэны размясціліся канферэнц-залы, офісы, распранальні, склады, магазіны, фізкультурна-аздараўленчы комплекс, сямейна-забаўляльны цэнтр, бары, кафэ і рэстараны.

З тэхнічнага пункту гледжання, аснашчэнне арэны самае сучаснае — падобных стадыёнаў няма ні ў Польшчы, ні ў Літве.

Ужо праз год тут жа, на дарожках і сектарах найбуйнейшага стадыёна сталіцы адбудуцца II Еўрапейскія гульні.

Як адзначыў кіраўнік Беларускай федэрацыі лёгкай атлетыкі Вадзім Дзевятоўскі, пасля рэканструкцыі на стадыёне можна праводзіць не толькі беларускія спаборніцтвы, але і прымаць спаборніцтвы еўрапейскага і нават сусветнага узроўняў.

Дарэчы, Дзевятоўскі таксама адзначыў, што падчас адкрыцця арэны адбылася размова з Аляксандрам Лукашэнкам аб магчымым правядзенні на "Дынама" ЧЕ-2024 па лёгкай атлетыцы.

22
Тэги:
стадыён "Дынама", Іван Ціхан, Аліна Талай, Мінск
По теме
Аліна Талай стала лепшай у бегу на 100 метраў з бар'ерамі на "Дынама"
Бандаровіч: памятаю "Дынама" і 60 гадоў таму, і ў часы "вар'яцкага рынку"
Цырымонія адкрыцця стадыёна "Дынама" за паўтары хвіліны

Відэафакт: Пуціна спыталі пра заяву Трампа пра "заробак" Байдэна

12
(абноўлена 16:00 26.10.2020)
Прэзідэнту Расіі Уладзіміру Пуціну задалі пытанне, якое датычыцца заявы амерыканскага лідара Дональда Трампа аб тым, што Масква нібыта плаціць ягонаму суперніку на выбарах Джо Байдэну. Глядзіце на відэа, што адказаў Пуцін.

Пытанні, якія тычацца кандыдата ў прэзідэнты ЗША Джо Байдэна, былі зададзены Пуціну ў эфіры тэлеканала "Расія-1". У прыватнасці, гаворка ішла і пра фрагмент з дэбатаў, падчас якіх Трамп заявіў, што ў Байдэна ёсць бізнес-кантакты з жонкай экс-мэра Масквы Аленай Батурынай.

"Вядома, што Алена Батурына займалася, а можа, займаецца, я нават не ведаю пра гэта, бізнесам. І, напэўна, у яе былі шматлікія бізнес-кантакты, дзелавыя сувязі са сваімі замежнымі партнёрамі. Ці ёсць у гэтым ліку амерыканцы? Я проста пра гэта нічога не ведаю, і мне проста пра гэта нічога не вядома", - сказаў Пуцін.

Запыталіся ў расійскага лідара і пра тое, што ён думае пра заяву Трампа з нагоды нібыта атрымання Байдэнам 3,5 мільёна долараў ад Расіі. Сам жа дзеючы прэзідэнт пры гэтым удакладніў, што ніколі не атрымліваў грошай ад Расіі.

"Без каментароў", - адказаў Пуцін.

У ходзе дэбатаў сам Байдэн заявіў, што Расія не хоча, каб ён перамог на выбарах.

Прэзідэнцкія выбары ў ЗША пройдуць 3 лістапада, датэрміновае галасаванне ў шэрагу штатаў ужо пачалося. Супернікамі на выбарах з'яўляюцца кандыдат ад рэспубліканцаў і дзейны кіраўнік Белага дома Трамп і кандыдат ад дэмакратаў Джо Байдэн.

12
Тэги:
Дональд Трамп, Уладзімір Пуцін
(0:00 / .00Mb / )

Паўфінал чацвёртага сезона "Ты супер!" - відэа

16
(абноўлена 10:01 26.10.2020)
Папулярны музычны праект "Ты супер!" праводзяць сумесна тэлеканал НТБ і Міжнароднае агенцтва і радыё Sputnik. Глядзіце на відэа паўфінал вакальнага конкурсу.

У цяперашнім сезоне "Ты супер!" удзельнічаюць новыя выканаўцы і фіналісты мінулых сезонаў. Усяго ў конкурсе бяруць удзел 58 дзяцей з Расіі, Грузіі, Азербайджана, Абхазіі, Кыргызстана, Беларусі, Эстоніі, Украіны і Малдовы.

У журы праекта - вядомыя расійскія зоркі: Дыяна Арбеніна, Аляксей Вараб'ёў, спявачка Ёлка і кампазітар Ігар Крутой.

Нагадаем, у першым выпуску шоу прыняла ўдзел беларуска Даша Чарнова, якая да гэтага два разы прымала ўдзел у конкурсе. Адораная выканаўца распавяла і пра тое, як складаецца яе творчая кар'ера.

Міжнародны вакальны праект для дзяцей, якія засталіся без апекі бацькоў, "Ты супер!" праводзяць тэлеканал НТБ сумесна з Міжнародным інфармацыйным агенцтвам і радыё Sputnik пры падтрымцы Міністэрства асветы РФ.

16
Тэги:
"Ты супер", НТБ (тэлеканал)
На беразе Бярэзіны знайшлі ўнікальны шлем

"Шлем Марзалюка" атрымаў статус гісторыка-культурнай каштоўнасці

0
(абноўлена 17:37 28.10.2020)
У красавіку мінулага года ў Бабруйску на беразе Бярэзіны знайшлі шлем X-XI стагоддзяў, які паспелі абвясціць шлемам полацкага князя Ізяслава. Што вядома пра артэфакт, разбіраўся Sputnik.

Нядаўна стала вядома, што ў кастрычніку на пасяджэнні Беларускага рэспубліканскага навукова-метадычнага савета было прынята рашэнне аб прысваенні шлему, знойдзенаму ў Бабруйску, статуса гісторыка-культурнай каштоўнасці.

Адразу пасля таго, як у красавіку ў ходзе работ па паглыбленні дна ракі ў затоцы правага берага Бярэзіны, быў знойдзены сярэднявечны шлем, да вывучэння знаходкі падключыўся дэпутат і па шчаслівым збегу абставінаў археолаг Ігар Марзалюк.

Дзякуючы яго намаганням шлем быў перададзены кваліфікаваным спецыялістам на рэстаўрацыю ў Беларускі дзяржаўны музей гісторыі Вялікай Айчыннай вайны. Гісторыкі прыйшлі да высновы, што дадзены артэфакт з'яўляецца нічым іншым, як помнікам зброевага мастацтва Х-ХІ стагоддзяў.

Ігар Марзалюк выказаў здагадку, што гэты статусны прадмет належаў Ізяславу, сыну полацкай князёўны Рагнеды і кіеўскага князя Уладзіміра.

Шлем, пячатка і экспедыцыя

"Менавіта такія шлемы называлі залатымі. Такія шлемы належалі, як правіла, менавіта тым, хто кіраваў дружынай, як правіла, першым у бой ішоў князь.

Усё гэта дазваляе казаць, што гэта ўнікальная рэч, якая, безумоўна, належала чалавеку з высокім сацыяльным статусам", - тлумачыў Ігар Марзалюк.

Па версіі беларускіх гісторыкаў, шлем, знойдзены ў Бабруйску, быў зроблены ў Скандынавіі, а затым ужо прывезены ў Беларусь па старажытным гандлёвым шляху "з варагаў у грэкі".

Родапачынальнік дынастыі полацкіх князёў Ізяслаў памёр прыблізна на пачатку XI стагоддзя, але інфармацыі пра месца яго пахавання няма. Адзінай вядомай археалагічнай знаходкай, якая пэўна звязана з яго імем, з'яўляецца пячатка з надпісам князь Ізяслаў і горад Полацак. У 1954 годзе яна была знойдзена на раскопках у Ноўгарадзе. Цікава, што на пячатцы таксама намаляваны трызубец - радавы знак Рурыкавічаў.

Князь Ізяслаў вядомы не толькі як палітык, які здолеў аднавіць разбураны яго бацькам Полацк, але і як дзед Усяслава Чарадзея. Пры кіраванні апошняга ў горадзе быў узведзены Сафійскі сабор як сімвал магутнасці княства.

Погляд з Кіева на бабруйскі шлем

У сваю чаргу кандыдат гістарычных навук, выкладчык кафедры гісторыі Цэнтральнай і Усходняй Еўропы Кіеўскага нацыянальнага універсітэта Арцём Папакін распавёў, што знаходка сапраўды унікальная для Беларусі, але ні пра якую сенсацыі не можа ісці і гаворкі.

"Вось так ствараюцца міфы. Цудоўнай захаванасці шлем тыпу "Чорная Магіла" (курган пад Чарнігавам, які, на думку даследчыкаў, з'яўляецца помнікам эпохі вікінгаў - Sputnik), знойдзены ў Бярэзіне каля Бабруйска - адзіная знаходка такога тыпу на тэрыторыі Беларусі - "спрытным рухам рукі" ператварылася ў шлем Ізяслава Уладзіміравіча і адначасова ў сімвал беларускай дзяржаўнасці. Разам з тым агучылі няправільную колькасць шлемаў гэтага тыпу (ужо вядома больш за 40 цэлых і фрагментаў), недарэчна параўналі з "шапкай Манамаха" і прыпісалі аўтарства выраба скандынавам", - лічыць украінскі гісторык.

Паводле яго слоў, "ні пра якую прывязку да гістарычных асобаў гаворкі быць не можа. Гэтыя шлемы разам з арабскім срэбрам і іншымі рэчамі ўсходняга паходжання распаўсюджваліся ў Х стагоддзі ў многіх рэгіёнах ваенна-гандлёвай актыўнасці ўсходніх вікінгаў: у Ноўгарадзе, Сярэднім Падняпроўі, Прусіі і Вялікай Польшчы".

Спецыяліст па гісторыі зброі упэўнены, што бабруйскі шлем варта разглядаць у кантэксце такіх знаходак, як Брылеўскі скарб (знойдзены ў Барысаўскім раёне і адносіцца да IX стагоддзя і эпохі вікінгаў - Sputnik), месца яго знаходкі паказвае не на цэнтр княжацкай улады, а на гандлёвы і ваенны шлях па Дняпры да Балтыкі.

Рэха ўнікальнай знаходкі

У маі бягучага года непадалёк ад таго месца, дзе быў знойдзены адзіны ў Беларусі шлем тыпу "Чорная магіла", атрымалася знайсці меч эпохі высокага Сярэднявечча.

Средневековый меч найден в Бобруйске на берегу Березины
© Photo : Николай Силков
Сярэднявечны меч знойдзены ў Бабруйску на беразе Бярэзіны

"Гэты меч датуецца XI-XIII стагоддзямі і адносіцца да поствікінгскай эпохі. На дзяржальні захаваліся сляды серабрэння. Стан для археалагічнага артэфакта ў яго добры", - распавёў гісторык Мікалай Сілкоў.

У цэлым меч захаваўся амаль цалкам і толькі часткова згублена лязо. Гэта дазваляе яго датаваць і аднесці да пэўнага тыпу.

Пры гэтым ён удакладніў, што цяпер меч пры захаванасці каля 80% адсоткаў важыць прыблізна 1,2 кілаграма і мае даўжыню ў 70 сантыметраў. На жаль, нельга вызначыць дакладна, дзе быў выраблены меч.

"Меч трэба чысціць і рэстаўраваць, тады можна будзе вызначыць ўсё больш дакладна. Пакуль можна казаць толькі пра тое, што ён належаў або князю ці дружынніку. Простыя воіны ў гэты час былі ўзброены дзідай і сякерай", - падкрэсліў гісторык.

Знойдзеныя ў Бабруйску шлем і меч, могуць быць паміж сабой звязаныя, таму што маглі існаваць у адзін час. Абедзве знаходкі вельмі статутныя, але сур'ёзных доказаў гэтаму пакуль няма.

0
Тэги:
Бабруйск