Домрачава, Б'ёрндален і Якубовіч: як адкрывалі ЧС па верталётным спорце

24
(абноўлена 09:35 25.07.2018)
Мінск упершыню прымае Чэмпіянат свету па верталётным спорце. Глядзіце на відэа, як прайшоў першы дзень спаборніцтваў.

Урачыстае адкрыццё 16-га па ліку ЧС па верталётным спорце прайшло ў аўторак на аэрадроме Ліпкі. З прывітальным словам перад спартсменамі выступіў прэм'ер-міністр рэспублікі Андрэй Кабякоў.

Адкрываў першынство вядомы расійскі вядучы і пілот з амаль 20-гадовым стажам Леанід Якубовіч, які ў пары з лётчыкам Гары Геваркянам выканаў на верталёце Мі-2 некалькі пілатажных фігур.

Сярод гасцей Чэмпіянату была заўважаная і вядомая пара біятланістаў — Дар'я Домрачава і Уле Эйнар Б'ёрндален. Яшчэ адзін не менш вядомы госць — ураджэнец Беларусі, касманаўт Алег Навіцкі.

24 ліпеня ўжо былі разыграныя камплекты ўзнагарод. У спаборніцтве па паралельнай развозцы грузаў уладальнікамі "золата" сталі прадстаўнікі аэраклуба з Віцебска — Уладзімір Бугаёў і аператар Андрэй Роганаў. Трэцяе месца ў гэтай дысцыпліне таксама за беларусамі — Мікітам Лапцевым і Уладзіславам Курсам.

Усяго на чэмпіянат прыбылі 37 экіпажаў з розных краін свету. Найбольшая колькасць пілотаў прадстаўляе Расію. Спаборніцтвы праходзяць на верталётах Мі-2 і Robinson R-44, прычым большасць выступае на ўласнай тэхніцы. У мінулым годзе на ЧС, які праходзіў у Польшчы, беларуская зборная стала другой.

24
Тэги:
Чэмпіянат свету па верталётным спорце, Леанід Якубовіч, Уле Эйнар Б'ёрндален, Дар'я Домрачава, Мінск

Нябеснае шоу: аблокі "сцякаюць" з гор і раствараюцца ў паветры - відэа

22
(абноўлена 13:10 04.03.2021)
Турысты захавалі незвычайную прыродную з'яву ў раёне Новарасійска. Яны падняліся на вышыню 540 метраў над узроўнем мора і ўбачылі, як аблокі быццам "сцякаюць" у Цемескую бухту і растаюць. Глядзіце на відэа, як гэта адбывалася.

Пара турыстаў з Сібіры стала сведкамі зачаравальнай прыроднай з'явы ў гарах каля Новарасійска. Падняўшыся на вышыню 540 метраў над узроўнем мора, маладыя людзі ўбачылі, як аблокі быццам сцякаюць у Цемескую бухту і раствараюцца ў паветры, так і не дасягнуўшы горада.

Сіноптыкі патлумачылі - гэта з'ява адбываецца нячаста ў асноўным з-за перападу тэмператур. Наварасійск вядомы сваім нестабільным надвор'ем. З лістапада па сакавік у горадзе ўзнікае шквалісты вецер, які нясе халоднае паветра з Паўночна-Каўказскага плато на ўзбярэжжы Чорнага мора.

Парывы ​​могуць дасягаць 50 м/с.

22
Тэги:
Новарасійск, турыст, паветра, горы, шоу

Мінабароны РФ паказала відэа стральбы ракетамі "Уран" з борта фрэгата

21
(абноўлена 13:13 04.03.2021)
Расійскі фрэгат "Маршал Шапашнікаў", які нядаўна прайшоў мадэрнізацыю, правёў выпрабавальныя пускі супрацькарабельных ракет "Уран". Глядзіце на відэа, як прайшлі стрэльбы.

Ваенны карабель прыпісаны да Ціхаакіянскага флоту, і цяпер ён праходзіць выпрабаванні пасля мадэрнізацыі, падчас якой судна і аснасцілі супрацькарабельнымі ракетамі "Уран", перадае Мінабароны Расіі.

"З борта фрэгата выкананы паспяховы пуск супрацькарабельнай крылатай ракеты комплексу "Уран", - гаворыцца ў паведамленні ведамства.

Раней "Маршал Шапашнікаў" праводзіў стрэльбы з карабельнай артылерыі па паветраных і марскіх цэлях, экіпаж выкарыстаў для гэтага ўніверсальную артустановку А-190.

Рамонт і мадэрнізацыя фрэгата, які нясе сваю службу з 1986 года, праводзіўся на "Дальзаводзе" ва Уладзівастоку. Карабель ўзброілі сучаснымі комплексамі ўдарнай ракетнай зброі "Калібр-НК", "Уран", найноўшым артузбраеннем. Да канца года фрэгат плануюць вярнуць у склад сіл Ціхаакіянскага флоту.

21
Тэги:
відэа, фрэгат, Міністэрства абароны РФ
Які сёння дзень: 5 сакавіка 2021 года

Які сёння дзень: 5 сакавіка 2021 года

214
(абноўлена 18:10 04.03.2021)
Гэты дзень з'яўляецца шэсцьдзясят чацвёртым па грыгарыянскім календары, да канца года застаўся 301 дзень.

Якія падзеі адбыліся 5 сакавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 5 сакавіка

  • У 1279 годзе войска ВКЛ на чале з князем Трайдзенем перамагло ордэнскае войска ў бітве пры Ашарадэне.
  • У 1562 годзе магістр Лівонскага ордэна Готхард Кетлер у Рыжскім замку перадаў Мікалаю Радзівілу Чорнаму пячатку Ордэна і ключы ад Рыгі, прызнаючы свае ўладанні часткай ВКЛ.
  • У 1992 годзе Беларусь устанавіла дыпламатычныя адносіны з Грэцыяй і Малайзіяй.

Хто нарадзіўся 5 сакавіка

  • 1777 год: Юзаф Маралёўскі, беларускі паэт і педагог.
  • 1896 год: Кандрат Крапіва, беларускі навуковец і пісьменнік.
  • 1910 год: Аўген Калубовіч (Каханоўскі), беларускі гісторык, палітычны дзеяч, настаўнік.

Таксама сёння нарадзіліся нямецкая рэвалюцыянерка Роза Люксембург і італьянскі пісьменнік і рэжысёр П'ер Пазаліні.

5 сакавіка ў народным календары

Сёння Праваслаўная Царква шануе памяць вялебнага Льва Катанскага.

Па народным павер'і, у гэты дзень дрэнным знакам было ўбачыць упаўшую зорку – гэта, быццам бы, непазбежна прывядзе да цяжкай хваробы або нават смерці таго, хто назіраў за небам або кагосьці з яго блізкіх.

Калі птушкі ў гэты дзень пачынаюць мыцца ў снезе, будзе адліга. Снег або дождж прадвяшчаюць паводку.

214
Тэги:
народны каляндар, які сёння дзень