(49:05 / 362.78Mb / просмотров видео: 122)

Вяцкая і Дзермант: як забяспечыць культурную непахіснасць грамадства

21
(абноўлена 18:46 22.08.2018)
Дырэктар радыё "Минская волна" Тамара Вяцкая і палітычны эксперт, філосаф Аляксей Дзермант разважаюць пра тое, як нацыянальная культура можа стаць сродкам развіцця грамадства, а таксама заслонам ад нізкапробных масавых псеўдакультурных захапленняў.

Нацыянальная культура не толькі як падмурак нашай ідэнтычнасці, але і як сродак развіцця грамадства, яго базавых каштоўнасцяў, традыцый і ўсяго таго, што адрознівае беларусаў ад іншых народаў і соцыум, робіць нас унікальнымі, здольнымі дэманстраваць сваю культурную непахіснасць перад выклікамі глабалізму і нізкапробнай поп-культуры разам з яе ненарматыўнай лексікай і пасоўваннем вобразаў геданізму, адзначаюць суразмоўцы ў праграме "Гарызонт падзей" на радыё Sputnik Беларусь.

Поўную версію размовы з дырэктарам радыё "Минская волна" Тамарай Вяцкай і палітычным экспертам, філосафам Аляксеем Дзермантам у праграме "Гарызонт падзей" на радыё Sputnik Беларусь глядзіце на відэа.

 

21
Тэги:
Радыё Sputnik Беларусь, Беларусь

Каўбасная прынцэса і "Спутник V": парад калясак прайшоў у Гродна - відэа

27
(абноўлена 13:12 16.05.2021)
Традыцыйна ў Дзень сям'і ў абласным цэнтры прайшоў крэатыўны парад калясак. Як творчыя гродзенцы падышлі да ўпрыгожвання сябе, сваіх дзяцей і іх першых сродкаў перамяшчэння - глядзіце на нашым відэа.

Дзіцячая калыска ў выглядзе каронавіруса і вакцыны "Спутник V", пірацкага карабля, з батонаў каўбасы або букета дзьмухаўцоў - усё гэта можна было ўбачыць у цэнтры Гродна.

Крэатыўная калона дзіцячага транспарту з не менш чым за сотню ўдзельнікаў стартавала на плошчы Савецкай і дайшла да парку Жылібера, дзе ў гонар Дня сям'і мясцовыя ўлады арганізавалі свята. У галаве калоны ішоў духавы аркестр і група барабаншчыкаў, але ўсё ж прыцягвалі погляды мінакоў не яны, а "цюнінгаваных" калыскі і іх маленькія пасажыры.

У калоне былі заўважаны карэты хуткай дапамогі, пажарныя машыны, аптэкі, рэстараны ці кветкавыя букеты на колах, а таксама калыска, упрыгожаная батонамі каўбасы ад мясцовага вытворцы. Было шмат пірацкіх і ваенных караблёў, казачных і мульцяшных герояў - аднарогі, феі, Маша і Мядзведзь, піраты і нават чорныя і белыя анёлы з вялізнымі крыламі.

Кожны год знаходзяцца і такія бацькі, якія імкнуцца фантазіраваць на надзённыя тэмы. Першае месца тут можна аддаць лекарам дзіцячай абласной бальніцы, якія адлюстравалі дзіцячую калыску ў выглядзе малекулы COVID-19 са зброяй супраць дакучлівага ўсім віруса - вакцынай "Спутник V".

Парад калясак ў Гродне праводзіцца ўжо шмат гадоў у Дзень сям'і. Выключэннем стаў толькі мінулы год, тады масавыя мерапрыемствы адмяняліся з-за пандэміі.

Глядзіце таксама:

27
Тэги:
Міжнародны дзень сям'і, відэа, Гродна, "Спутник V"

Беларускі асілак працягнуў калону з 13 машынаў на 10 метраў

4
(абноўлена 20:16 15.05.2021)
Паглядзіце, як асілак з Гродна цягне на канаце 13 легкавых машын у счэпцы. Калона аўто расцягнулася на 30 метраў, асілак змог працягнуць іх на дзесяць метраў, выкарыстоўваючы толькі сваю сілу і цягавітасць. Як гэта было, глядзіце на відэа.

Незвычайную акцыю вырашыў правесці вядомы гродзенскі спартсмен Аляксандр Кодзіс, які заслужана лічыцца адным з наймацнейшых людзей у Еўропе. Некалькі гадоў таму на вачах у жыхароў Гродна ён цягнуў 12-тонны тралейбус з пасажырамі, пасля гэтага з'явілася новая цікавая мэта.

"Два гады таму паставіў мэту працягнуць у счэпцы не менш за дзесяць машын. Нарэшце, ажыццявіў задумку. У выніку атрымалася нават лепш - 13 машын і 10 метраў. Слава Богу! Далей - больш", - падзяліўся са Sputnik Аляксандр Кодзіс.

Паводле яго слоў, асаблівых трэніровак у яго не было. Адзінае - напярэдадні правялі дзве пробныя рэпетыцыі, спачатку з калонай з васьмі, затым - з калонай з дзесяці машын. У выніку, спартсмен зразумеў, што можа больш і павялічыў колькасць аўто.

"Узяў 13, таму што гэта наша шчаслівая сямейная лічба. Яшчэ ў дзяцінстве летам дапамагаў бацьку працаваць на камбайне, у якога быў нумар 13, і мы заўсёды перамагалі. З дзяцінства яна прыносіць поспех", - распавёў Аляксандр.

Паводле яго слоў, цягнуць калону машын аказалася складанай задачай з-за тэхнічнай складанасці, якую не ўдалося ліквідаваць. З-за вялікай даўжыні была вялікая сіла супраціву. Таксама ў некаторых машын была больш мяккая счэпкі з асфальтам і яны спружынілі і тармазілі ўсю калону.

"Калі б гэта быў адзін 20-ці або 25-тонны аўтамабіль, то цягнуць яго было б нашмат лягчэй. Тут самае складанае - гэта зрушыць з месца, а далей цягнуць лягчэй. Калі цягнеш 30-метровую калону, то кожны крок наперад як самы першы. Прыйшлося задзейнічаць не толькі сілу, але і агульную цягавітасць", - растлумачыў спартсмен.

Аляксандр Кодзіс займаецца паўэрліфтынгам каля 15 гадоў, шмат трэніруецца, удзельнічае ў міжнародных спаборніцтвах. Часта яго называюць "жалезным чалавекам" і адным з наймацнейшых людзей Еўропы. Александ Кодзіс - двухразовы чэмпіён свету і кубка свету, двухразовы чэмпіён Еўропы і кубка Еўропы па паўэрліфцінгу.

У прамежках паміж трэніроўкамі ён перыядычна робіць незвычайныя акцыі. Гадоў пяць таму спартсмен цягнуў у звязцы пяць машын, у 2018 годзе - працягнуў 12-тонны тралейбус з пасажырамі, пасля гэтага - нёс 200-кіляграмовых камень па гродзенскай "лесвіцы кахання".

Глядзіце таксама:

4
Які сёння дзень: 17 мая

Які сёння дзень: 17 траўня 2021 года

0
(абноўлена 18:07 13.05.2021)
Гэты дзень з'яўляецца сто трыццаць восмым па грыгарыянскім календары, да канца года засталося 228 дзён.

Якія падзеі адбыліся 17 траўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 17 траўня

  • У 1995 годзе была створана Ваенная акадэмія Рэспублікі Беларусь.

Хто нарадзіўся 17 траўня

  • 1681 год: Ян Мікалай Аляксандр Радзівіл, дзяржаўны дзеяч ВКЛ.
  • 1952 год: Анатоль Красоўскі, беларускі педагог, выдавец, прадпрымальнік.
  • 1952 год: Яўген Ксяневіч, беларускі калекцыянер, бібліяфіл, мецэнат, прадпрымальнік.

Таксама сёння нарадзіліся расійскі гісторык Сяргей Салаўёў і французскі кампазітар Эрык Саці.

17 траўня ў народным календары

Сёння праваслаўныя вернікі шануюць памяць пакутніцы Пелагеі Тарсійскай.

У сялян працягваліся працы ў гародз – сеялі агуркі, кукурузу і бабы. Калі ўжо квітнее каліна, гэтыя культуры дакладна не памерзнуць.

Дрэннай прыкметай было 17 траўня забіць птушку на мясу – лічылася, што ў таго, хто так зробіць, куры і качкі будут дрэнна несціся і куранят будзе мала.

Калі раніцай не выпала расы, надвор'е хутка зменіцца. Куванне зязюлі прадвяшчае добрае надвор'е.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей