Свята для сям'і і сяброў: як прайшоў "Хмельнов Fest"

24
(абноўлена 09:25 27.08.2018)
У цэнтры Мінска з поспехам прайшоў "Хмельнов Fest", заяўлены як свята для ўсёй сям'і і сяброў, на якім прадказальна апынуўся вядучы радыё Sputnik Беларусь Аляксандр Крывашэеў.

"Хмельнов Fest" нельга назваць толькі піўным фестывалем. Ён адбыўся ў беларускай сталіцы ўсяго ў другі раз, але размах свята ў гэтым годзе ўразіў. Нягледзячы на "піўное" паходжанне, у цэнтры ўвагі арганізатараў былі забавы для ўсёй сям'і і для гасцей фестывалю ўсіх узростаў.

Фестываль прайшоў у Старосцінскай слабадзе — гэта вялікі сквер паміж гасцініцай "Беларусь" і Свіслаччу. Тут ніколі раней нічога падобнага не адбывалася. Тэрыторыя свята склала квадратны кіламетр, на якім размясціліся шэсць зон разнастайных актыўнасцяў і вялікая канцэртная пляцоўка.

На фестывалі можна было згуляць у футбол са знакамітымі "Крумкачамі", паўдзельнічаць у сямейнай эстафеце, згуляць у бір-понг, пагутарыць з бьюці-блогерам, наведаць барбер-шоп і кальян, пачаставацца самымі разнастайнымі стравамі на фуд-корце. А сваёй музыкай гасцей радавалі ўдзельнікі нацыянальнай прэміі Беларусі Cover King, а таксама гурты Open Spase, "Песняры", "Крамбамбуля", "Крама" і легендарная "Машина времени".

Распачаты дождж цалкам не сапсаваў настрою ўдзельнікам і гасцям "Хмельнов Fest", які сабраў у суботу, 25 жніўня, па самых сціплых падліках, больш за дзесяць тысяч чалавек.

Як прайшоў фестываль, глядзіце на відэа Sputnik Беларусь.

24
Тэги:
"Хмельнов Fest", Мінск, Беларусь