(1:39 / 10.18Mb / просмотров видео: 2422)

Урачыстасці з нагоды 100-годдзя крымінальнага вышуку МУС прайшлі ў Мінску

26
(абноўлена 16:22 05.10.2018)
Лепшым беларускім сышчыкам у дзень стагоддзя крымінальнага вышуку міністр унутраных спраў Беларусі генерал-лейтэнант міліцыі Ігар Шуневіч уручыў узнагароды. Глядзіце на відэа Sputnik, як на плошчы Дзяржаўнага сцяга прайшлі ўрачыстыя мерапрыемствы.

Цэнтральным момантам мерапрыемства стала цырымонія ўручэння сцяга падраздзяленняў крымінальнага вышуку крымінальнай міліцыі органаў унутраных спраў Беларусі. З рук міністра яго прыняў начальнік ГУКВ МУС Анатоль Савіцкі. Кіраўнік ведамства падкрэсліў: сцяг для кожнага з іх стане сімвалам гонару і доблесці.

На ўрачыстых мерапрыемствах на плошчы, акрамя кіраўніцтва і супрацоўнікаў органаў унутраных спраў, прысутнічалі ветэраны крымінальнага вышуку.

26
Тэги:
Узнагароды, МУС Беларусі, Ігар Шуневіч, Мінск

Рапота пра Дзень яднання: проста "аўтаматычна" дух яднання захаваць нельга

4
(абноўлена 10:39 02.04.2020)
Глядзіце на відэа словы віншавання дзяржсакратара Саюзнай дзяржавы Рыгора Рапоты да Дня яднання народаў Расіі і Беларусі.

Можна прывесці масу прыкладаў таго, што дваццаць гадоў, на працягу якіх Беларусь і Расія будавалі саюзную дзяржаву, прайшлі не дарма, перакананы дзяржсакратар Рыгор Рапота.

"Мы стварылі нейкае разуменне таго, што з'яўляецца саюзнай дзяржавай. Мы вызначыліся з кароткатэрміновымі, а па некаторых пытаннях - і з доўгатэрміновымі перспектывамі. Мы ведаем, над чым працаваць. Цалкам відавочна, што мы можам казаць пра дасягненні", - перакананы дзяржсакратар.

Сярод дасягненняў ён прызнае і той факт, што за дваццаць гадоў удалося сфармаваць асаблівае асяроддзе, якое дазваляе жыхарам Беларусі адчуваць сябе як дома на тэрыторыі Расіі, а расіянам - у Беларусі.

"Нас многае аб'ядноўвала ў гісторыі, нам ёсць чым ганарыцца - у нашых адносінах Расіі і Беларусі. Хацелася б, каб гэты дух адзінства захоўваўся і ў будучыні", - кажа Рапота і прызнае: аўтаматычна гэтага можа і не адбыцца.

Народам абодвух краін варта працаваць для таго, каб мэта была дасягнутая.

"Мы можам ганарыцца сваёй гісторыяй, мы павінны рэальна ацэньваць наш час, мы павінны стварыць нешта, чым бы маглі ганарыцца нашы нашчадкі", - перакананы Рапота.

Глядзіце на відэа, як дзяржсакратар Саюзнай дзяржавы звярнуўся да беларусаў з віншаваннем у Дзень яднання народаў Расіі і Беларусі.

4
Тэги:
Расія, Беларусь, Рыгор Рапота

Відэафакт: італьянцы дзякуюць расіянам за дапамогу ў барацьбе з каронавірусам

22
(абноўлена 16:35 31.03.2020)
Плакаты з надпісамі на рускай мове, падарункі і падтрымка з вокнаў. Як італьянцы дзякуюць расійскім вайскоўцам за дапамогу, глядзіце на відэа.

Вайсковыя спецыялісты Мінабароны Расіі сумесна з італьянскімі калегамі правялі санітарную апрацоўку пансіяната кардынала Джорджа Гусміні ў Вертове. Расійскае ваеннае ведамства паказала, як праходзіла дэзінфекцыя, у кароткім відэароліку.

Бачна, як апранутыя ў ахоўнае адзенне ваенныя апрацавалі спецыяльным растворам памяшкання і самі будынкі, уключаючы асфальтавае пакрыццё вакол іх. Італьянцы, якія знаходзяцца ў пансіянаце, вывесілі плакаты са словамі падзякі. Адзін з іх - на рускай мове. "Вялікі дзякуй" - так напісалі жыхары пансіяната.

Некаторыя выглядалі з вокнаў, каб пракрычаць словы падзякі, а супрацоўнікі пансіяната вынеслі ваенным падарункі.

Паводле справаздачы Мінабароны РФ, ваенныя спецыялісты прадэзінфікавалі 18 тысяч квадратных метраў памяшканняў у пансіянатах для пажылых людзей у Вертова, Клузоне і Чэне. У апошнім горадзе былі апрацаваны і вуліцы - з дапамогай аўтаразлівачных станцый.

Італія з'яўляецца першай у Еўропе па колькасці тых, хто захварэў на каронавірус і знаходзіцца на другім месцы ў свеце па распаўсюджванню COVID-19 пасля ЗША. На паўвостраве зафіксавана больш за 96 тысяч заражаных, каля 11 тысяч загінулі, больш за 13 тысяч - ачунялі.

22
Тэги:
каронавірус, Італія, Расія
Урач паказвае бокс транспарціроўкі пацыентаў

Статыстыка каронавіруса: 4 пацыенты з каронавірусам памерлі ў Беларусі

0
(абноўлена 16:31 02.04.2020)
Міністэрства аховы здароўя напярэдадні афіцыйна пацвердзіла два факты смерці пацыента з дыягнаставаным каронавірусам.

МІНСК, 2 кра - Sputnik. У краіне на дадзены момант 4 выпадкі смерцяў ад пнеўманіі, дзе каронавірус даў ускладненні на фоне іншых сур'ёзных праблем са здароўем, заявіў у чацвер прэзідэнт Беларусі Аляксандр Лукашэнка.

 "У нас іх усяго чацвёра, якія памерлі ад пнеўманіі, дзе ўскладненні даў коронавирус. Мы яшчэ ўдакладняем па чацвёртай смерці, ці быў там каронавірус. - Любы вірус ускладніць хранічныя захворванні", - паведаміў ён, падчас інтэрв'ю МТРК "Мір".

Кіраўнік дзяржавы нагадаў, што першыя выпадкі заражэння каронавірусам у Беларусі былі прывазныя.

Паводле яго слоў, у цэлым па смяротнасці ў Беларусі ў бягучым годзе дынаміка лепшая ў параўнанні з аналагічнымі перыядамі мінулых гадоў.

Лукашэнка таксама анансаваў на 7 красавіка нараду на высокім узроўні на якой ён плануе апублікаваць падрабязную статыстыку, атрыманую з ЗАГС і іншых кампетэнтных органаў.

Між тым, паводле інфармацыі Міністэрства аховы здароўя на ўчорашні дзень, "за апошнія суткі выпісана 5 пацыентаў, у якіх раней тэст на COVID-19 даў станоўчы вынік. Пад медыцынскім наглядам і на лячэнні знаходзяцца 157 чалавек". Зыходзячы з разлікаў пасля супастаўлення з папярэднімі паведамленнямі ведамства, можна меркаваць, што яно складае 217 чалавек, аднак такія падлікі могуць быць памылковымі.

Пацвердзіла 1 красавіка Міністэрства аховы здароўя і інфармацыю пра другую смерць ад каронавіруса ў рэспубліцы. Як і ў першым выпадку, гаворка ідзе аб пажылым пацыенце з хранічнымі захворваннямі.

0
Тэги:
Беларусь, каронавірус
Тэмы:
Успышка каронавіруса з Уханя