МАЗ паказаў на відэа свой новы аўтобус-гармонік

14
(абноўлена 16:25 23.10.2018)
Унікальны для Беларусі сучленены аўтобус пабудавалі на Мінскім аўтазаводзе. Глядзіце на відэа, як выглядае навінка.

МАЗ-216 незвычайны не толькі для Беларусі, але і для нямецкай фірмы Хюбнер, якая паставіла мінчанам новы вузел сучлянення, што ўпершыню ў свеце будзе апрабаваны на беларускіх аўтобусах.

Даўжыня навінкі - 18 метраў, шырыня - крыху больш за 2,5 метры. У аўтобусе усталяваны 326-моцны сілавы агрэгат Mercedes, які адпавядае экалагічным нормам Еўра-5 і АКПП Allison. Па жаданні заказчыка аўтазавод можа ўсталяваць і больш "зялёны" даймлераўскі матор.

Аўтобус будавалі ў Дзяржынску і Мінску, занялі працы над навінкай усяго паўгода. МАЗаўцы плануюць прадаваць 216-ы як у краіны СНД, так і Еўрасаюза, завадчане кажуць, што навінкай ужо зацікавіліся ў некалькіх краінах ЕС. А пакуль аўтобус, размаляваны ў колеры II Еўрапейскіх гульняў, якія Мінск прыме ў наступным годзе, з'ехаў на выставу Busworld у Маскве.

14
Тэги:
Грамадскі транспарт, аўтобус, МАЗ
Каментары