"Снежны шторм" у ЗША: амерыканец паказаў, як засыпала яго дом і ўчастак

8
(абноўлена 14:30 10.12.2018)
Моцныя снегапады абрынуліся на Паўночную і Паўднёвую Караліну і шэраг іншых амерыканскіх штатаў. Адзін з жыхароў ЗША зняў на відэа наступствы прыроднай стыхіі.

Па некаторых дадзеных, у шэрагу штатаў назіраюцца перабоі з электразабеспячэннем, якія закранулі ўжо больш за 200 тысяч спажыўцоў. У Паўночнай Караліне адменена больш за тысячу авіярэйсаў, разам з Паўднёвай Каралінай гэты паказчык перавышае 1,3 тысячы.

Жыхар гарадка Уінстан-Салем Луіс Боргес зняў кароткі ролік, у якім паказаў, колькі снегу выпала за апошні час. Паводле яго слоў, на яго ўчастку больш за 20 сантыметраў снежнага покрыва. Яго аўтамабілі цалкам замяло снегам, на даху дома таксама ўтварыўся даволі тоўсты белы пласт. Пры гэтым аўтар роліка адзначае, што яму падабаецца такое надвор'е, а яго сабака вельмі рады снегу.

Мэр Паўночнай Караліны Рой Купер у сваім Twitter настойліва рэкамендаваў жыхарам штата пакуль устрымацца ад паездак на асабістым транспарце. Напярэдадні Раства ён параіў прыбіраць елкі і глядзець футбол.

У штаце абвешчаны рэжым надзвычайнай сітуацыі, камунальнікам дапамагаюць падраздзяленні Нацгвардыі.

8
Тэги:
ЗША, снег