Відэафакт: беларусы адсвяткавалі дзень нараджэння Максіма Багдановіча
(абноўлена 17:10 10.12.2018)
Глядзіце на відэа, як беларусы чыталі сёння любімыя вершы класіка і неслі чырвоныя ружы да яго помніка.Прыхільнікі творчасці Максіма Багдановіча сабраліся напярэдадні ў аднайменным музеі, каб ушанаваць памяць беларускага класіка.
Максім Багдановіч быў паэтам, які паспрабаваў упісаць беларускую літаратуру ў еўрапейскі кантэкст. Ён пісаў санеты - складаныя формы, якія раней на беларускай мове не гучалі. А пра сябе казаў - добра быць коласам, але вялікае шчасце быць васільком. Гэтыя словы можна лічыць алегорыяй да жыцця ці ледзь не кожнага паэта.
Нарадзіўся беларускі пясняр у Расіі, а памёр у Ялце ў 25 гадоў. Туды ён адправіўся паправіць здароўе, захварэўшы на сухоты. Да помніка класіку беларускай літаратуры неслі чырвоныя ружы, а ў ягоным музеі чыталі вершы.
З відэа са святкавання 127-годдзя паэта добра зразумела, чаму гэтая сустрэча называецца "Багдановіч. Жыццё". Бо вершы класіка гучаць праз больш, чым сто гадоў пасля яго смерці.
Тэги:
Падняцца на Рэйхстаг: цяпер кожны можа стаць сцяганосцам – віртуальна
(абноўлена 13:32 07.04.2020)
Пакуль зачыненыя межы, і на Рэйхстаг доступу няма, сучасныя тэхналогіі дазволілі зрабіць гэта віртуальна, прычым у ролі сцяганосца савецкай арміі. Як гэта адбываецца - глядзіце на відэа.Падняцце сцягоў Чырвонай арміі над Рэйхстагам зараз даступна ў фармаце VR-рэканструкцыі - у рамках праекта "Невядомы сцяганосец", які створаны сумесна Грамадскім грамадзянска-патрыятычным рухам "Бессмяротны полк Расіі" і РІА "Новости" пры падтрымцы медыягрупы "Чырвоны квадрат".
Праект падрыхтаваны да 75-годдзя Вялікай Перамогі і ў фармаце віртуальнай рэальнасці распавядае аб устанаўленні на Рэйхстаг сцягоў Чырвонай арміі, аб сімвалічным і стратэгічным значэнні спецаперацыі "Сцяг Перамогі", у якой планава і стыхійна прымалі ўдзел дзясяткі штурмавых груп і байцоў-адзіночак.
У праекце, які выкананы ў тэхналогіі VR-рэканструкцыі, прадстаўлена гісторыя 12 сцягоў, а таксама груп чырвонаармейцаў, якія імкнуліся і змаглі ўсталяваць свае сцягі над Рэйхстагам.
Праект узнаўляе падзеі 30 красавіка - 2 мая 1945 года. У першай сцэне праекта карыстальнік аказваецца "у целе" аднаго з байцоў Чырвонай арміі, яго задача - усталяваць Сцяг Перамогі. У другой распавядаецца гісторыя цэлага тузіна чырвоных сцягоў, якія развязаліся над зрынутай сталіцай Трэцяга рэйха падчас і пасля баёў. У эпілогу прадстаўлена сцэна-метафара вызваленай ад нацызму Еўропы.
Агучвалі праект вядомыя расійскія артысты Ягор Бяроеў, Віктар Дабранраваў, Ігар Пятрэнка, Максім Дземчанка. У запісе прыняў удзел тэлевядучы, генеральны дырэктар МІА "Россия сегодня" Дзмітрый Кісялёў.
"Для працы мы выкарыстоўвалі вялікую колькасць архіўных матэрыялаў, фотаздымкаў, дакументальнай здымкі. Увесь дах Рэйхстага цалкам нам прыйшлося ўзнаўляць па чарцяжах і абрывачных малюнках, - распавяла намеснік галоўнага рэдактара МИА "Россия сегодня" Наталля Лосева. - Я рада, што нам удалося па кавалачках сабраць нейкую частку асабістых гісторый байцоў і груп. Гэта ж тычыцца гісторыі сцягоў, абставінаў баявых дзеянняў тых дзён".
"Адкрываючы новыя старонкі гісторыі, асабліва звязаныя з пераможным завяршэннем страшнай вайны, мы яшчэ глыбей апускаемся не проста ў мінулае, а ў тую рэальнасць, у якой жылі нашы бабулі і дзядулі. Яны не шкадавалі свайго жыцця і здароўя дзеля сваіх унукаў. Каб яны маглі намі ганарыцца, кожны з нас павінен быць сцяганосцам ў добрых мэтах і ў працы, - лічыць кіраўнік Выканкама руху "Бессмяротны полк Расіі" Арцём Хутарскі. - Інтэрактыўны праект "Невядомы сцяганосец" - гэта частка вялікага праекту "Сцяганосцы Перамогі".
"Аб Перамозе можна расказваць рознай мовай, у тым ліку з дапамогай такіх імерсіўных, высокатэхналагічных праектаў, - адзначыў генеральны дырэктар "Чырвонага квадрата" Ілля Крывіцкі. - Зараз канкурэнцыя за ўвагу аўдыторыі асабліва высокая, і маладых людзей, дзяцей трэба ўражваць, дзівіць, каб прымусіць спыніцца і задумацца. Магчыма, паглядзеўшы "Невядомага сцяганосца", хтосьці ўпершыню вырашыць прачытаць кнігу пра вайну ці паглядзіць гістарычны фільм. Увогуле, такія праекты - гэта свайго роду працэс выхавання, пытанне культуры".
Праект "Невядомы сцяганосец" працягвае серыю эксперыментаў МІА "Россия сегодня" ў галіне высокатэхналагічнай журналістыкі. Ён даступны ў дадатку РІА.Lab, які можна спампаваць на прылады з iOS ў AppStore і Android у Google Play у дадатку. Для прагляду карыстачу неабходныя акуляры віртуальнай рэальнасці любога фармату, уключаючы кардонныя. Таксама даступны прагляд без кардборда ў рэжыме 360.
РІА "Новости" - флагманскі інфармацыйны рэсурс медыягрупа "Россия сегодня". Агенцтва з'яўляецца самым цытуемым сярод расійскіх СМІ і ў сацсетках. Сайт RIA.ru чытаюць каля чатырох з паловай мільёнаў карыстальнікаў штодня, што выводзіць рэсурс у лідары сярод усіх навінавых парталаў Рунэту. Карэспандэнцкая сетка агенцтва ахоплівае больш за 100 гарадоў свету. Сукупная аўдыторыя РІА "Новости" ў сацыяльных сетках Facebook, Twitter, УКантакце, Аднакласнікі, Instagram, G + і Youtube складае каля дзевяці мільёнаў падпісчыкаў.
Агульнарасійски грамадски грамадзянска-патрыятычны рух "Бессмяротны полк Расіі" быў створаны 30 верасня 2015 года. Яго задача - увекавечанне подзвігу салдат Вялікай Айчыннай вайны, захаванне памяці аб доблесці і гераізме народа, асэнсаванне вопыту гераічных продкаў, аднаўленне пераемнасці пакаленняў. Афіцыйны сайт: http://polkrf.ru.
Тэги:
Выратавацца ад каронавіруса: Мінздароўя паказала, як апрацаваць смартфон
Сучасныя мабільнікі ў большасці сваёй маюць пластыкавы корпус, а спецыялісты, якія даследавалі каронавірус, адзначаюць, што ён можа "жыць" на такой паверхні на працягу некалькіх дзён.
Улічваючы тое, што смартфон даволі часта бывае ў руках карыстальнікаў, яго таксама неабходна апрацоўваць, каб абараніць сябе ад заражэння. Міністэрства аховы здароўя Беларусі раіць не выкарыстоўваць для гэтага бытавую хімію і антысептыкі - гэта можа пашкодзіць смартфон.
Для апрацоўкі смартфона, як адзначае ведамства, трэба працерці корпус і шкло невялікай колькасцю вадкага мыла, нанесенага на сурвэтку з мікрафібры. Тэлефон пры гэтым не павінен знаходзіцца на зарадцы. Міністэрства аховы здароўя раіць апрацаваць і ахоўны чахол сваёй прылады.
Апрацоўваць смартфон трэба ў канцы працоўнага дня і пасля наведвання грамадскіх месцаў.
Тэги:
Азербайджан паставіць Беларусі чарговую партыю нафты
(абноўлена 15:16 07.04.2020)
Беларускія ўлады заявілі, што працягнуць ажыццяўляць закупкі сыравіны на свае НПЗ з альтэрнатыўных крыніц, нягледзячы на падпісанне кантракту аб пастаўках у красавіку па нафтаправодзе "Дружба".МІНСК, 7 кра - Sputnik. Танкерныя пастаўкі чорнага золата для беларускіх нафтаперапрацоўчых заводаў працягнуцца, паведаміў прэс-сакратар канцэрна "Белнафтахім" Аляксандр Цішчанка.
Кіраўнік канцэрна раней распавёў, што ў красавіку будзе працягнутая праца як па альтэрнатыўных пастаўках нафты, так і трубаправодным транспартам з Расіі.
У бліжэйшыя дні ў канцэрне чакаюць прыбыццё танкера з азербайджанскай нафтай з грузінскага порта Супса ва ўкраінскі порт у Адэсе. Агульны аб'ём дадзенай партыі складзе каля 90 тысяч тон "чорнага золата".
"Танкерныя пастаўкі па паўночным і паўднёвым маршрутах будуць працягвацца", - запэўніў прэс-сакратар канцэрна "Белнафтахім".
Раней стала вядома, што ў красавіку нафта на беларускія НПЗ будзе паступаць з Расіі па нафтаправодзе "Дружба". Кошт аднаго барэля расійскай сыравіны будзе складаць каля 4 долараў. Усяго беларускі бок разлічвае атрымаць у красавіку 2 мільёны тон сыравіны.
У кампаніі "Раснафта" паведамілі, што будуць пастаўляць у Беларусь нафту з прэміяй у 5 долараў за кожную тону. Пры гэтым звярнулі ўвагу, што раней яна складала 12 долараў.
Тэги: