ПАОК - БАТЭ: барысаўчане павінны гуляць на перамогу

12
(абноўлена 11:48 11.12.2018)
БАТЭ ў матчы супраць ПАОК можа задаволіць і нічыя, але, упэўнены заўзятар з 40-гадовым стажам Алег Дзмітрыеў, гэта можа згуляць злы жарт з падапечнымі Аляксея Багі. Глядзіце на відэа прагноз Дзмітрыева на гульню.

У чацвер, 13 снежня, барысаўскі БАТЭ правядзе матч заключнага тура групавога раўнду Лігі Еўропы УЕФА супраць грэчаскага ПАОК. Паядынак адбудзецца ў Салоніках, пачатак у 20:55 (па мінскім часе).

БАТЭ, які займае ў квартэце L другое месца, дастаткова згуляць з ПАОК унічыю, каб выйсці ў плэй-оф турніру, але для гэтага яшчэ неабходна, каб у паралельным матчы "Відзі" - "Чэлсі" венгры саступілі лонданскаму клубу.

"Вельмі спадзяюся, што БАТЭ ўдасца згуляць унічыю, але толькі ў тым выпадку, калі яны будуць гуляць на перамогу. Калі будуць гуляць на нічыю, беларускі клуб зламаецца", - лічыць Дзмітрыеў.

У гэтым выпадку, упэўнены Дзмітрыеў, барысаўчанам не дапаможа нават упэўненая гульня галкіпера Дзяніса Шчарбіцкага.

Дзмітрыеў адзначыў: каб адолець ПАОК, барысаўчанам трэба "ўключаць хуткасць на контратаках". "Калі гэта здарыцца, БАТЭ парадуе Беларусь тым, што выйдзе ў еўракубкавую вясну", - сказаў на заканчэнне ён.

12
Тэги:
Футбол, ФК "БАТЭ"

Відэа