Google паказаў, што добрага шукалі людзі у 2018 годзе

6
(абноўлена 14:22 13.12.2018)
Па дадзеных Google Trends, у 2018 годзе людзі ва ўсім свеце фармавалі запыты са словам "добра" часцей, чым калі-небудзь раней: відэа з пазітыўнымі запытамі апублікавана на youtube-канале карпарацыі.

"Ад эпічных загалоўкаў да паўсядзённых момантаў: тут распавядаецца пра ўсё добрае, што людзі шукалі ў 2018 годзе", - сказана ў апісанні да роліка.

Мяркуючы па відэа, у 2018 годзе людзей цікавілі добрыя фільмы, добрыя навіны, добрае ў свеце (і жыцці). Яны таксама пыталіся пра тое, як быць добрым грамадзянінам, добрым сябрам або настаўнікам, як падаваць добры прыклад. Акрамя таго, інтэрнэт-карыстальнікі задаваліся пытаннямі, як добра спяваць, танцаваць, цалавацца і чуць іншых.

Самыя папулярныя запыты у 2018 годзе тычыліся Чэмпіянату свету, авіяцыі і Мака Мілера. Персонамі-лідарамі сталі Меган Маркл, Дэмі Лаваці і Сільвестр Сталонэ. А ў першай пяцёрцы па запытах, звязаных з кіно, апынуліся "Чорная пантэра", другая частка баевіка "Дэдпул", "Веном", "Мсціўцы: вайна бясконцасці" і "Багемская рапсодыя".

Напярэдадні сэрвіс прадаставіў дадзеныя па Беларусі: так, у гэтым годзе суайчыннікаў больш за ўсё цікавілі ЧС-2018, серыялы "Мажор 3" і "Паліцэйскі з Рублёўкі 3 сезон", "Еўрабачанне 2018", Алімпіяда-2018, а ў раздзеле "Персоны года" пазначаныя Стывен Хокінг, XXXTentacion, Іосіф Кабзон, Алег Табакоў і Фрэдзі Мэрк'юры.

6
Тэги:
Google

Відэа