Сустрэча з Барысам Герстэнам у студыі Sputnik адбылася пасля прысуджэння яму прэміі "Беларускі спартыўны Алімп". Высокую ўзнагароду з рук прэзідэнта Беларусі Герстэн атрымаў за шматгадовую працу на спартыўнай ніве краіны: яркія рэпартажы і публіцыстычныя праграмы, асвятленне знакавых для Беларусі і свету спартыўных падзей: Алімпіяд і Паралімпійскіх гульняў, чэмпіянатаў і матчаў.
"Я ўвогуле хацеў стаць журналістам, можа, нават не сапртыўным, а наогул журналістам, хоць у мяне ўся сям'я медыцынская. Начальнікам майго бацькі на фронце быў прафесар Вішнеўскі, так-так, вынаходнік той самай знакамітай мазі. Дык вось "Мазь Вішнеўскага" тэлефанавала мне дамоў, калі я заканчваў школу, і пыталася: ці пайду я ў ваенна-медыцынскую акадэмію?" - смяецца Герстэн.
Але да таго моманту малады чалавек ужо друкаваўся ў раённай газеце "Зара камунізму" і не бачыў сябе без рэпарцёрскай працы. У тэлебачанне Герстэн прыйшоў з газеты "Лiтаратура i мастацтва", дзе часта пісаў і аб спартыўных падзеях. Матэрыялы Барыса Герстэна заўсёды адрозніваюцца багаццем цікавых дэталяў і фактаў.
Напрыклад, мала хто ведае, што першую Алімпіяду 1896 года асвятляў наш суайчыннік Зігмунд Мінейка, па сутнасці, родапачынальнік сусветнай спартыўнай журналістыкі.
Дарэчы, сфера інтарэсаў Барыса Герстэна не абмяжоўваецца спортам. Ён - аўтар сцэнарыя 40 дакументальных фільмаў у рамках праекта "Зваротны адлік", а таксама суаўтар трылогіі "Хронікі Мінскага гета". Сёння Герстэн працуе над чацвёртай серыяй "Харонік Мінскага гета".
Таксама ў суаўтарстве з маладой рэжысёрскай групай Барыс Герстэн таксама ў працуе над цікавым праектам "100 імёнаў Беларусі" аб народжаных у гарадах і мястэчках краіны людзях, якія зрабілі вялікі ўнёсак у сусветную навуку, вытворчасць, гісторыю і культуру.
Поўную версію размовы з вядомым беларускім спартыўным тэлежурналістам на радыё Sputnik Беларусь глядзіце на відэа.
