(3:41 / 27.93Mb / просмотров видео: 1585)

Акцёр Валянцін Салаўёў: медаль бацькі нашу з сабой на спектаклі як талісман

72
(абноўлена 12:59 02.05.2019)
Глядзіце на відэа Sputnik ваенныя гісторыі беларускіх артыстаў і іх сем'яў - шакіруючыя, вясёлыя і кранальныя.

Бацька заслужанага артыста Рэспублікі Беларусь Валянціна Салаўёва з Расіі прыехаў на Стаўбцоўшчыну ў 1947 годзе і застаўся тут назаўсёды.

"Тут ужо быў яго бацька, мой дзед Назар, які збег з нямецкага палону. Цягнік з ваеннапалоннымі ішоў у Германію, у Стоўбцах ён спыніўся і дзед збег. Як яму ўдалося вырвацца, не ведаю", - распавядае акцёр.

Бацька, каб пайсці на фронт, дадаў сабе некалькі гадоў, стаў разведчыкам і атрымаў медаль "За адвагу!". Узнагародзілі маладога героя за тое, што разам з таварышамі яны "узялі языка". Служыць давялося нядоўга, ён быў паранены і ўсё жыццё прахадзіў з кульбачкай.

"З гэтым медалём я гуляю ў спектаклі на ваенную тэму "Дзед". Ён заўсёды са мной, як талісман", - падзяліўся акцёр.

Калі пачалася вайна, мама Валянціна Мікалаевіча знаходзілася ў тыле, ёй было 15 гадоў.

"Немцы тут былі добрыя, куплялі за маркі яйкі і малако. Мама расказвала, што яны прыходзілі ў клуб на танцы і яна нават танчыла з адным немцам. Бацька, калі чуў такія гісторыі, страшна нерваваўся", - смяецца акцёр.

Валянцін Мікалаевіч упэўнены, што ў людзей яго пакалення вайна "знаходзіцца ў генах, сядзіць у крыві".

72
Тэги:
Дзень Перамогі, Вялікая Айчынная вайна (1941-1945)
Тэмы:
Дзень Перамогі - 2019 (68)

Абаронены на 100%: выпісаны добраахвотнікі, што выпрабоўвалі вакцыну ад COVID

2
(абноўлена 14:27 16.07.2020)
Медыкі адзначаюць, што, мяркуючы па аналізах добраахвотнікаў, у іх фармуецца ўстойлівы імунітэт, а значыць, вакцына працуе.

Першую групу добраахвотнікаў, якія ўдзельнічалі ў выпрабаваннях вакцыны ад каронавіруса, выпісалі са шпіталя імя Бурдэнкі. Асноўная мэта дадзенага этапу даследавання - праверка бяспекі і пераноснасці кампанентаў прэпарата.

Два тыдні 18 добраахвотнікаў знаходзіліся пад пільнай увагай урачоў. Ускладненняў і пабочных эфектаў медыкі не выявілі.

Група складалася з двух падгруп - ім уводзіліся розныя кампаненты, на працягу ўсіх выпрабаванняў добраахвотнікі адчувалі сябе добра.

Іх усіх выпісалі на 28 суткі пасля вакцынацыі, зрабіўшы ўсе неабходныя кантрольныя аналізы.

Медыкі адзначаюць, што, мяркуючы па аналізах добраахвотнікаў, у іх фармуецца ўстойлівы імунітэт, антыцелы выпрацоўваюцца, а значыць, вакцына працуе.

Было выяўлена некалькі неістотных пабочных эфектаў, але ні адзін з іх не быў палічаны настолькі істотным, каб спыніць выпрабаванні.

Як адзначыў добраахвотнік Юрый, цяпер ім няма чаго баяцца - яны выпісваюцца з адчуваннем, што абаронены на 100%.

2
Тэги:
каронавірус, Вакцынацыя, Расія
Тэмы:
Каронавірус COVID-19

Карагін: я мару, каб беларусы атрымлівалі па 3-5 тысяч еўра

8
(абноўлена 14:01 16.07.2020)
Чаму ў Беларусі прыйшла пара кардынальна мяняць структуру адносін улады і бізнесу, у вялікім інтэрв'ю для радыё Sputnik Беларусь разважае старшыня Вышэйшага каардынацыйнага савета Рэспубліканскай канфедэрацыі прадпрымальніцтва Уладзімір Карагін.

Беларускія прадпрымальнікі падрыхтавалі спецыяльны маніфест, у якім па пунктах пералічваюцца неабходныя эканамічныя рэформы ў краіне. Якая доля прыватнага бізнесу ў фарміраванні бюджэту, які прырост працоўных месцаў забяспечваюць прадпрымальнікі, і ў якіх абставінах сёння існуе і развіваецца беларускі бізнэс?

На гэтыя ды іншыя пытаньні адказвае першы беларускі прадпрымальнік, старшыня Вышэйшага каардынацыйнага савета Рэспубліканскай канфедэрацыі прадпрымальніцтва Уладзімір Карагін у праграме "Гарызонт падзей" на Sputnik Беларусь.

8
Тэги:
бізнес, Беларусь, Уладзімір Карагін
Бізнес-разлікі

Белстат: ВУП за першае паўгоддзе "асеў" на 1,7%

0
(абноўлена 17:07 16.07.2020)
Сярод сфер эканомікі са знакам мінус спрацавалі горназдабыўная і апрацоўчая галіны, а таксама энергетыкі.

МІНСК, 16 ліп - Sputnik. За першае паўгоддзе ВУП Беларусі ўпаў на 1,7% у параўнанні з аналагічным перыядам мінулага года, паведамілі ў Нацыянальным статыстычным камітэце.

Валавы ўнутраны прадукт (ВУП) - адзін з асноўных паказчыкаў эканомікі, ён з'яўляецца сумарным коштам поўнага аб'ёму тавараў і паслуг, вырабленых за справаздачны перыяд.

Па ацэнцы Белстата, за першыя шэсць месяцаў 2020 года аб'ём валавога ўнутранага прадукту ў бягучых цэнах склаў 66,3 мільярда рублёў. Што складае 98,3% у супастаўных цэнах да ўзроўню першага паўгоддзя 2019 года.
"Індэкс-дэфлятар ВУП у першым паўгоддзі 2020 года па адносінах да аналагічнага перыяду папярэдняга года склаў 111%", - удакладнілі ў камітэце.

Паводле звестак Белстата, аб'ём прамысловай вытворчасці за першае паўгоддзе ўпаў на 3,1% у параўнанні з аналагічным перыядам мінулага года. Ён склаў 52,9 мільярда рублёў у бягучых цэнах. Са знакам мінус спрацавалі горназдабыўная і апрацоўчая прамысловасці, сфера забеспячэння электраэнергіяй, газам, парай, гарачай вадой і кандыцыянаваным паветрам.

Менш запатрабаваным у першым паўгоддзі стаў пасажырскі транспарт. Ім па ўсёй краіне скарысталіся 823,2 мільёна чалавек, што ніжэй на 16,3% да адпаведнага перыяду 2019 года.

Таваразварот грамадскага харчавання ўпаў на 21,2%, склаўшы 1,1 мільярда рублёў. Аптовы тавараабарот склаў 45,1 мільярда рублёў, што ніжэй на 8,9% да ўзроўню першага паўгоддзя 2019 года. Раздробны таваразварот, наадварот, падрос на 2,6% і склаў 25,1 мільярда рублёў.

0
Тэги:
Эканоміка, Беларусь