Відэафакт: жаночы разлік МУС трэніруецца ўпершыню выйсці на парад 3 ліпеня

44
(абноўлена 09:12 16.05.2019)
Чатыры парадных разлікі МУС прымуць удзел у парадзе на Дзень Незалежнасці Беларусі 3 ліпеня. Глядзіце на відэа, як праходзяць трэніроўкі праваахоўнікаў.

У гэтым годзе да курсантаў факультэта ўнутраных войскаў і вайскоўцаў брыгады спецназа ўнутраных войскаў далучацца атрад міліцыі асаблівага прызначэння і жаночы разлік. Супрацоўніцам МУС такая місія будзе даручана ўпершыню.

Кантраляваў трэніроўкі "жаночай каробкі" ад пачатку сакавіка асабіста намеснік міністра, камандуючы Унутранымі войскамі МУС генерал-маёр Юрый Караеў. Ён распавёў, што прыгожая палова калектыву з энтузіязмам паставілася да прапановы ўдзельнічаць у парадзе.

"Яны пускаліся на розныя хітрыкі, дадавалі сабе лішнія сантыметры росту, каб толькі ўдзельнічаць у парадзе", - падзяліўся камандуючы ВВ.

У разлік ўключаны як прадстаўніцы ГУУС, так і АМАПу, ДАІ, ППС і ІСН. З красавіка трэніроўкі праходзяць ужо разам з вайскоўцамі часці 3214. Для дзяўчат падрыхтавана спецыяльная парадная форма з дыхаючай тканіны, пашытая па індывідуальных мерках, а таксама спецыяльна выраблены абутак.

44
Тэги:
Беларусь, Мінск, МУС Беларусі, Дзень Незалежнасці Рэспублікі Беларусь
Тэмы:
75 гадоў вызвалення Беларусі (30)

Козыраў: "Песняры" выканаюць жывы канцэрт у інтэрнэце

9
(абноўлена 17:09 03.04.2020)
Анлайн-канцэрт у рамках праекта # БЕЗАНТРАКТА праанансаваў кіраўнік БДА "Песняры" Раман Козыраў.

Няпростая пара прыйшла для артыстаў і творчых калектываў: адмяняюцца канцэрты, даводзіцца праядаць "падушкі бяспекі". А калі запасу фінансаў няма, трэба ўжо зараз пачынаць ствараць хіты, каб закласці падмурак на будучыню. Але ёсць яшчэ адна новая іпастась, якую ўжо асвоілі творчыя калектывы - канцэрты анлайн.

"Песняры" таксама ідуць у нагу з часам. Канцэрт у новым фармаце ў бліжэйшы час у рамках праекта #БЕЗАНТРАКТА ўбачаць гледачы Sputnik разам з аўдыторыяй партала Fontanka.ru. Што гэта будзе за канцэрт, якія песні прагучаць і як жывецца ансамблю сёння, у студыі радыё Sputnik распавёў дырэктар і мастацкі кіраўнік Беларускага дзяржаўнага ансамбля "Песняры" Раман Козыраў.

"Паспрабуем выканаць цікавую, насычаную праграму. Каб гэты момант, калі "Песняры" самі прыйдуць у кожны дом, запомніўся нашым любімым гледачам і ў Расіі, і ў Беларусі. Мы перавярнулі старонкі 50-гадовага юбілею калектыву. І гэтым канцэртам адкрываем нашу новую вяху, дзе будуць і новыя песні, і новы стылістычны фармат, і, вядома, класічныя, незабыўныя хіты "Песняроў", - сказаў суразмоўца Sputnik.

Праграму "Гарызонт падзей" з удзелам дырэктара і мастацкага кіраўніка БДА "Песняры" Рамана Козырава глядзіце на Sputnik Беларусь.

9
Тэги:
Музыка, "Песняры"

Як змянілася жыццё ў доме састарэлых з-за пандэміі каронавіруса?

20
(абноўлена 14:24 03.04.2020)
Стэрыльная чысціня, строгая дысцыпліна і ніякай панікі. Дом-інтэрнат для ветэранаў вайны і працы "Світанак" працуе ў антывірусным рэжыме. Якія меры прымаюць ва ўстанове глядзіце на відэа.

З-за пандэміі каронавіруса ў Гарадскім доме-інтэрнаце для ветэранаў вайны і працы "Світанак" змяніўся лад жыцця. Дом зачынілі для наведванняў, новых жыхароў часова не засяляюць. Таксама не прымаюцца пасылкі, а выезды тых, хто тут пражыве,  абмежаваныя. Такія меры тут прымаюць, каб не падвяргаць рызыцы самую ўразлівую перад COVID-19 катэгорыю, бо сярэдні ўзрост пастаяльцаў інтэрната - 84 гады. Самому старэйшаму жыхару 98 гадоў.

"Нашы супрацоўнікі працуюць у сродках індывідуальнай абароны - гэта маскі, пальчаткі, капялюшыкі. У выпадку кантакту з тымі, хто пражывае, яны мяняюцца, як мае быць, раз на дзве гадзіны, імкнемся папярэдзіць магчымыя рызыкі. У дастатковай колькасці сродкі дэзінфекцыі маюцца, праводзім штодня ўборку адзін раз на дзень па віруліцыдным рэжыме. Па неабходнасці праз кожныя 3 гадзіны апрацоўваем дзвярныя ручкі, парэнчы, поручні, ручкі зліўных бачкоў. Увогуле ўсё тое, да чаго датыкаюцца часта рукі", - кажа дырэктар Гарадскога дома-інтэрната для ветэранаў вайны і працы "Світанак" Ала Грыбок.

Акрамя захавання чысціні і дысцыпліны, штодня з самай раніцы супрацоўнікам і пастаяльцам дома-інтэрната вымераюць тэмпературу.

Унутры "Світанка" жыццё ідзе сваёй чаргой, бабулі і дзядулі выходзяць на прагулкі і не панікуюць.

"Змянілася толькі толькі ў тым, што мы не прыцягваем звонку для правядзення мерапрыемстваў валанцёраў, усё робім сваімі сіламі. У нас працуе працатэрапеўт, 2 майстэрні працоўныя, культарганізатар, бібліятэкар. Па сваім штодзённаму плане-графіку праводзім мерапрыемствы сваімі сіламі ўнутры", - дадае Ала Грыбок.

Хутчэй за ўсё, каранцін працягнецца і да 9 мая, таму канцэрт да Дня Перамогі тут рыхтуюць сваімі сіламі. Галоўнымі артыстамі стануць бабулі і дзядулі.

20
Тэги:
каронавірус, Беларусь
Тэмы:
Успышка каронавіруса з Уханя
Які сёння дзень: 4 красавіка

Які сёння дзень: 4 красавіка 2020 года

0
(абноўлена 16:17 02.04.2020)
Гэты дзень з'яўляецца дзевяноста пятым па грыгарыянскім календары, да канца года засталося 271 дзень.

Сёння адзначаецца Дзень інтэрнета. Якія яшчэ падзеі адбыліся 4 красавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 4 красавіка

У 1919 годзе літоўская Тарыба ўключыла ў свой склад прадстаўнікоў Беларускай рады Гродзеншчыны.

Хто нарадзіўся 4 красавіка

1557 год: Леў Сапега, канцлер Вялікага княства Літоўскага.

1893 год: Мікалай Шчаглоў-Куліковіч, беларускі кампазітар, этнограф, паэт.

1967 год: Алег Хаменка, беларускі музыка, лідар гурта "Палац".

Таксама сёння нарадзіліся англійскі пісьменнік Майн Рыд і кінарэжысёр Андрэй Таркоўскі.

4 красавіка ў народным календары

Сёння праваслаўныя вернікі шануюць памяць святапакутніка Васілія. У народзе гэты дзень называюць Васіль Цёплы або Васіль Сонечнік.

Да 4 красавіка ўжо прыкметна цяплела, сонейка з'яўлялася ўсё часцей. Па надвор'ю ў гэты дзень прадказвалі, якім будзе ўраджай у гэтым годзе. Убачыць на зямлі павуцінне лічылася дрэнным знакам. 

Сілія лёккія аблокі прадвяшчаюць добрае і сонечнае надвор'е.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей