(0:41 / 5.27Mb / просмотров видео: 4879)

Відэафакт: віцебскія дэсантнікі паказалі відовішчнае выступленне ў Дзень ПДВ

21
(абноўлена 17:02 02.08.2019)
2 жніўня - свята для ўсіх хто служыць і праходзіць службу ў шэрагах паветрана-дэсантных войскаў. Як адсвяткавалі гэты дзень у адной з самых вядомых брыгад ПДВ Беларусі - глядзіце на відэа.

"Дэсантнікі - гэта загартаваныя фізічна і маральна байцы. Яны ўдасканальваюць уменні і навыкі, навострываючы свае дзеянні да аўтаматызму на штодзённых занятках. Гэта цяжка, але толькі так можна стаць сапраўдным дэсантнікам", - распавёў вядучы гледачам паказальнага выступу.

Паглядзець было на што: салдаты паказалі не толькі армейскі рукапашны бой, які увабраў у сябе лепшае з многіх адзінаборстваў свету, але і элементы тактычнай стральбы, а таксама аказанне медыцынскай дапамогі параненаму на полі бою.

Па словах вядучага, за бачнай лёгкасцю выканання задач стаіць цяжкая праца па адточванні майстэрства і фізічнай падрыхтоўкі.

"Штомесяц з вайскоўцамі разведвальна-дэсантнай роты на палігоне праводзяцца комплексныя палявыя заняткі, яны здзяйсняюць маршы і пешым парадкам праходзяць на час у поўнай экіпіроўцы і са зброяй больш за 80 кіламетраў. Акрамя таго, асаблівая ўвага надаецца рукапашнаму бою", - распавёў вядучы.

Нягледзячы на тое, што паказальныя выступы ў частцы праходзілі ў будні дзень, людзей на іх прыйшло шмат. Большасць наведвальнікаў самі праходзілі службу ў дэсантных войсках і ведаюць усё, пра што казаў вядучы не па чутках.

"Кожны год 2 жніўня прыходзім сюды, бо гэта наша свята. Мы ганарымся тым, што адслужылі ў паветрана-дэсантных войсках, мы і дзяцей сюды прыводзім, якія, спадзяемся, таксама пойдуць служыць у дэсантныя войскі", - распавёў карэспандэнту Раман, які адслужыў у разведроце ПДВ.

Паводле яго слоў, паняцце "братэрства ПДВ" - не пустыя словы, бо "брата свайго можаш не паважаць, а дэсантніка паважаеш, паколькі ён адслужыў і мае права насіць цяльняшку".

21
Тэги:
Дзень ПДВ, Віцебск

Відэа