(1:28 / 10.75Mb / просмотров видео: 2031)

Пасол Расіі ўручыў медалі беларусам, якія будавалі БАМ

6
(абноўлена 17:26 07.08.2019)
Памятныя ўзнагароды перадалі ветэранам камсамольскай будоўлі з нагоды 45-й гадавіны пачатку будаўніцтва Байкала-Амурскай магістралі.

Падчас урачыстай цырымоніі пасол Расіі Дзмітрый Мезенцаў падзякаваў беларусам, якія ўдзельнічалі ў будаўніцтве, і падкрэсліў гістарычную значнасць іх працы.

Па словах Мезенцава, Байкала-Амурская магістраль сёння адыгрывае значную ролю ў пабудове транспартных і лагістычных ланцугоў не толькі для Далёкага Усходу, але і ўсёй прасторы СНД.

Расійскі пасол распавёў, што ў гады яго вучобы быў сапраўдны конкурс, каб напісаць заяву ў будатрад. "Неверагодна цяжка было патрапіць на БАМ", - адзначыў ён.

Мезенцаў успомніў, што правёў на будоўлі БАМ тры месяцы, дзе ўсе працавалі з 8 гадзін раніцы і да 20 гадзін вечара. "Адзіным выхадным быў дзень будаўніка", - падкрэсліў ён.

Ва ўрачыстай цырымоніі ўручэння памятных узнагарод у пасольстве прыняў удзел і легендарны начальнік Глаўбамбуда Герой Сацыялістычнай працы Яфім Басін.

Падчас узнагароджання ветэраны, якія будавалі БАМ успомнілі, што заслужаны будаўнік, які ўзводзіў магістраль, сваю адукацыю атрымаў у Гомельскім універсітэце транспарту.

Сям'я Жэгалка правяла на БАМе цэлых 10 гадоў. Муж і жонка і зараз гатовыя адправіцца на знакамітую будоўлю, адкуль у 1988 годзе яны з двума сынамі на "Жыгулях", пераадолеўшы 11 тысяч кіламетраў, вярнуліся ў Мінск.

6
Тэги:
Пасольства Расіі ў Беларусі, Дзмітрый Мезенцаў

Відэа