(18:08 / 124.82Mb / просмотров видео: 2287)

Выпускніца кінашколы: што дае фільму і яго аўтару ўдзел у фестывалях

17
(абноўлена 13:01 09.09.2019)
Аб удзеле ў кінафестывалях як спосабе зірнуць з боку на сваю творчасць і зацвердзіцца ў прафесіі разважаюць рэжысёр прадзюсер Аляксандра Бутар і выпускніца кінашколы "Тэрыторыя кіно", юрыст і рэжысёр Алена Судак.

Камедыя "Наша ўсё", знятая у 2018 годзе маладым рэжысёрам Аленай Судак з вядомым беларускім рок-выканаўцам і музыкам Іванам Вабішчэвічам у галоўнай ролі, за кароткі перыяд часу сабрала адразу некалькі значных узнагарод.

Карціна стала лідарам інтэрнэт-галасавання на беларускім незалежным фестывалі "Кіназмена", на фестывалі пазітыўнага кіно ў Расіі атрымала прыз за лепшы сцэнар і рэжысуру, а таксама была адабрана ў асноўны конкурс "Кінадуэль" і ўвайшла ў спіс паўфіналістаў маскоўскага фестывалю "Новы ўраджай".

"Калі ты сядзіш на кінафестывалі, і там сядзяць гледачы, ты бачыш свой фільм на вялікім экране, і людзі сапраўды смяюцца ці неяк рэагуюць, ты разумееш, што нешта ў цябе атрымалася... То бок, гэта магчымасць атрымаць нейкую зваротную сувязь, куды ісці далей, убачыць, наколькі твой узровень адпавядае ўзроўню фестывалю", - кажа Алена.

У той жа час па-за залежнасці ад фестывальных узнагарод магчымасць далейшага пракату фільма і яго камерцыйны поспех - гэта ўжо зусім іншая гісторыя, адзначае настаўніца Алены, рэжысёр Аляксандра Бутар, разважаючы аб тым, як ад разавых поспехаў асобна ўзятых рэжысёраў можна прыйсці да стабільнай кінавытворчасці.

"Я не кажу, што дзяржава павінна нам узяць і вываліць мільён долараў. Я маю на ўвазе, што яны павінны неяк стымуляваць. Яны спрабуюць, але мне здаецца, што гэта трэба рабіць актыўна, стымуляваць незалежную кінавытворчасць, таму што акрамя "Беларусьфільма" ёсць яшчэ куча таленавітых хлопчыкаў і дзяўчынак, але мы іх не бачым, таму што вельмі хаатычна хтосьці шалее ў сваіх норах", - адзначае Бутар.

Поўную версію размовы ў студыі радыё Sputnik Беларусь глядзіце ў відэатрансляцыі.

17
Тэги:
кіно, Беларусь

Бусляня выкінулі з гнязда бацькі, а неабыякавы чалавек выратаваў

9
(абноўлена 09:18 04.08.2020)
Жыхар Навагрудскага раёна два месяцы даглядае бусляня, якога бацькі яшчэ драбком выкінулі з гнязда. Як адчувае сябе выхаваная чалавекам птушка, глядзіце ў відэароліку Sputnik.

Прытуліў кінутае бацькамі птушаня пенсіянер Мікалай Перко з вёскі Папковічы Навагрудскага раёна. На пачатку лета ён знайшоў яго каля старога дуба, на якім буслы зладзілі гняздо. Гэта адбылося праз некалькі дзён пасля таго, як птушкі вывелі нашчадства - дваіх буслянят. Ад малодшага птушаня птушкі вырашылі пазбавіцца, але малы апынуўся шчасліўчыкаў: зваліўся на мяккую кучу свежескошенной травы, таму не разбіўся і не атрымаў траўмаў.

Мікалай Міхайлавіч падабраў бусляня, назваў яго Гошам і з першага дня стаў клапаціцца пра яго. Першы час птушка хадзіла толькі на напаўсагнутых нагах. Зараз Гоша ўсё часцей становіцца ў поўны рост, важна пахаджвае па двары, перыядычна трэніруе крылы і трымае ў страху суседскіх котак. На ноч яго адносяць у вальер.

"Жыве ў мяне каля двух месяцаў, вырас, стаў на ногі, актыўна крыламі махае, хутка пачне лётаць. Есць свежую кільку, курыныя сэрцайкі, пячонку, пупкi, не грэбуе ялавічынай без тлушчу. Ён драпежнік, усё есць толькі ў сырам выглядзе. Кармлю яго пяць разоў на дзень. За дзень Гоша з'ядае паўкілаграма корму", - распавядае пра звычкі гадаванца Мікалай Міхайлавіч.

Што будзе з буслом, Мікалай Міхайлавіч не ведае, кажа, што гвалтоўна трымаць яго ў двары не стане. Калі ён захоча паляцець, знойдзе сабе зграю, значыць, так трэба, калі ж застанецца, тут у яго заўсёды будзе ежа і месца ў вальеры. Мужчына прывязаўся да птушаня і верыць, што ўжо дарослым буслом Гоша вернецца ў родны двор і, магчыма, пазнае таго, хто выратаваў яго ад пагібелі.

9
Тэги:
Бусел, Навагрудскі раён

Людзі крычалі "Света", хоць Светы не было: відэа з акцыі салідарнасці

7
(абноўлена 10:29 07.08.2020)
Арганізаванае ўладамі мерапрыемства ператварылася ў акцыю прыхільнікаў Ціханоўскай. Глядзіце на відэа, што ўчора адбывалася каля кінатэатра "Кіеў".

Мерапрыемства, арганізаванае ўладамі ў Кіеўскім скверы, ператварылася ў імправізаваную акцыю прыхільнікаў кандыдата ў прэзідэнты Святланы Ціханоўскай.

Учора каля кінатэатра "Кіеў" кіраўніцтва горада запланавала правядзенне Дня адчыненых дзвярэй устаноў дадатковай адукацыі "Калейдаскоп творчасці".

У размешчаным па суседстве парку Дружбы народаў кандыдат у прэзідэнты Святлана Ціханоўская планавала правесці свой мітынг, аднак за дзень да заяўленай даты атрымала адмову, бо на гэты час гарадскія ўлады ўжо запланавалі ўласнае мерапрыемства. Тады прадстаўніцы аб'яднанага штаба распавялі пра свой намер у прыватным парадку наведаць свята ў Кіеўскім скверы.

Прыхільнікі Ціханоўскай таксама вырашылі прыйсці на мерапрыемства ў Кіеўскім скверы. Усё ішло па плане уладаў да таго часу, пакуль гукарэжысёры, супрацоўнікі мінскага Палаца дзяцей і моладзі, не ўнеслі самавольныя змены ў запланаваную музычную праграму.

Замест зацверджанай кампазіцыі яны ўключылі песню Віктара Цоя "Перемен" і паднялі ўверх рукі з белымі бранзалетамі. Да іх далучылася і мноства людзей, якія сабраліся да гэтага моманту ў парку.

З меркаванняў бяспекі ахова кандыдата ў прэзідэнты не пусціла яе на пляцоўку, дзе яна планавала пагутарыць з тымі, хто сабраўся. Імправізаваная акцыя салідарнасці з Ціханоўскай пачалася без яе, каля гадзіны людзі працягвалі скандаваць пратэстныя слоганы.

Пазней прадстаўніцы штаба ўсё ж з'явіліся ў раёне Кіеўскага сквера. Глядзіце на відэа, як прайшла акцыя.

7
Тэги:
Беларусь, Мінск, Святлана Ціханоўская, Выбары
Тэмы:
Выбары прэзідэнта Беларусі - 2020
Складзены бюлетэнь падчас галасавання на выбарчым участку №1 на прэзідэнцкіх выбарах 2020 года

ЦВК: выбары адбыліся ў двух абласцях Беларусі

0
(абноўлена 12:29 09.08.2020)
У аўтсайдарах па актыўнасці галасавання на дадзены момант Мінск, дзе зафіксавана яўка 36,08% выбаршчыкаў.

МІНСК, 9 жні - Sputnik. Прэзідэнцкія выбары адбыліся ў двух абласцях Беларусі - Гомельскай і Магілёўскай - паведаміў ЦВК.

Па стане на 11:00 у Гомельскай вобласці прагаласавала амаль 58% выбаршчыкаў, у Магілёўскай — амаль 54%.

На трэцім месцы-Віцебская вобласць — 45,28%, у Гродзенскай — 42,47%, у Мінскай — 43,79%.

У аўтсайдарах па актыўнасці галасавання на дадзены момант сталіца рэспублікі — там галасы прыйшлі аддаць 36,08%.

Па дадзеных на 11:00, яўка па краіне склала 45,33%. Агульная колькасць выбаршчыкаў, уключаных у спісы, складае 6 829 937 чалавек.

Асноўны дзень галасаваннях на выбарах Прэзідэнта Беларусі праходзіць 9 жніўня. Кандыдатамі зарэгістраваныя пяць чалавек: Аляксандр Лукашэнка, Андрэй Дзмітрыеў, Ганна Канапацкая, Святлана Ціханоўская і Сяргей Чарачэнь.

Выбары прэзыдэнта адбыліся, калі ў галасаванні прыняло ўдзел больш за палову грамадзян краіны, уключаных у спіс выбаршчыкаў. Кіраўнік дзяржавы лічыцца абраным, калі за яго прагаласавала больш за палову грамадзян Рэспублікі, якія прынялі ўдзел у галасаванні.

За ходам выбараў Прэзідэнта Беларусі сачыце ў тэкставай анлайн-трансляцыі Sputnik.

0
Тэги:
Выбары, Беларусь
Тэмы:
Выбары прэзідэнта Беларусі - 2020