(19:12 / 129.25Mb / просмотров видео: 2470)

Беларускі баец ММА: трэба проста выйсці і адкалашмаціць гэтага француза

39
(абноўлена 09:41 27.09.2019)
Легендарны беларускі суперцяжкавагавік Аляксей Кудзін і прэс-сакратар Акадэміі ММА Аляксандр Абдулхакаў распавялі пра паядынак з французам Рашыдам Метлуці - галоўную падзею міжнароднага турніру ў Мінску 27 верасня.

У агульнай складанасці чарговы івэнт галоўнага беларускага прамоўшэну New Fighting Generation падорыць беларускім заўзятарам 14 прафесійных рэйтынгавых баёў. Супрацьстаяць айчынным байцам будуць сапернікі з Афганістана, Ірана, Казахстана, Расіі і Францыі. Натуральна, уся ўвага прыкавана да паядынку Кудзін - Метлуці, але і ў іншых баях таксама будзе на што паглядзець.

"Гледачы любяць супрацьстаянне нашых з"нянашых". Дык вось "нянашыя" пачынаюцца з пятага бою. Таму раю ўсім прыходзіць з самага пачатку, будзе цікава", - рэкамендуе прэс-сакратар Акадэміі ММА.

Паядынак Кудзін - Метлуці вынеслі ў галоўныя падзеі вечара невыпадкова: супрацьстаянне суперцяжаў традыцыйна лічыцца самым эфектным відовішчам у адзінаборствах. Натуральна, гледачы будуць чакаць перамогі беларуса, Кудзін абяцае не падвесці.

"Цяжы заўсёды лічыліся класікай. Прычым, людзі заўсёды ішлі глядзець не столькі на цяжаў, колькі на добры накаўт, - кажа Кудзін. - Не кажу, што я такая зорка, але цяпер у Беларусі менавіта па ММА я не бачу сабе суперніка".

Глядзіце поўную версію размовы з беларускім байцом Аляксеем Кудзіным і прэс-сакратаром Акадэміі ММА Аляксандрам Абдулхакавым у відэатрансляцыі Sputnik. Вы даведаецеся, у чым Конар Макгрэгар круцейшы за Хабіба, як Кудзін адвучыў дачок ад гаджэтаў і чаму ён не стаў бы сустракацца з дзяўчынай, якая займаецца адзінаборствамі.

39
Тэги:
Беларусь, Мінск, адзінаборствы

Піцерскія майстры ўзяліся за рэстаўрацыю гадзінніка Нотр-Дама - відэа

19
(абноўлена 11:00 03.03.2021)
Спецыялісты гадзіннікавага завода "Ракета", які знаходзіцца ў Санкт-Пецярбургу, рамантуюць гадзіннік сабора Парыжскай Божай Маці, пацярпелы ў выніку моцнага пажару. Як гэта адбываецца - глядзіце на відэа.

Аб'ём работ, які неабходна выканаць піцерскім майстрам, на заводзе назвалі даволі значным - гадзіннікавым майстрам трэба будзе вырабіць каля двух тысяч дэталяў.

"Мы думаем у нас у кампаніі вырабляць колы для механізма", - распавёў інжынер-канструктар прадпрыемства Віталь Камароў.

Ён адзначыў, што завод ужо вырабіў сігнальную прыладу, якая ўнутры будынка будзе паказваць час вялікага гадзінніка на фасадзе Нотр-Дама.

Раней на прадпрыемстве адзначылі, што ў Францыі цяпер няма тэхналогій для выпуску манументальных гадзіннікаў, а піцерскі завод мае такі вопыт - прыкладам гэтаму механізм у атрыуме ЦДМ у Маскве. Гадзіннік памерам шэсць на сем метраў важыць больш за чатыры тоны і складаецца з тысяч дэталяў, выкананых з розных матэрыялаў.

Пажар у саборы Парыжскай Божай Маці адбыўся 15 красавіка 2019 года. Абрынуўся шпіль сабора, полымем была агорнутая апорная канструкцыя. Як паведамілі пажарныя, структура Нотр-Дама і галоўныя творы мастацтва, рэліквіі, якія захоўваліся ў саборы, ацалелі. Пракуратура Парыжа выключае крымінальную версію ўзгарання. У якасці магчымых прычын пажару разглядаюцца непатушаная цыгарэта ці праблемы з электрычнасцю.

Прэзідэнт Францыі Эмануэль Макрон раней заявіў пра амбіцыйную мэту аднавіць Нотр-Дам за пяць гадоў, хоць многія эксперты кажуць, што на рэканструкцыю можа сысці да 15 гадоў.

19
Тэги:
гадзіннік, Санкт-Пецярбург, Францыя

Каралеўскі парад пінгвінаў: хвіліна замілавання вам гарантавана

30
(абноўлена 18:18 01.03.2021)
Масавыя шэсці ў каронавірус непажаданыя. Але калі гаворка ідзе пра пінгвінаў, то цалкам можна дапусціць нават парад. Паглядзіце - і самі ж папросіце пінгвінаў паўтарыць!

Каралеўскім пінгвінам, якія жывуць у амерыканскім заапарку Цынцынаці, дазволілі прагуляцца ў кампаніі наведвальнікаў.

Такія прагулкі каралеўскім пінгвінам дазваляюць, калі тэмпература апускаецца ніжэй за 10 градусаў па Цэльсіі. Калі тэмпература вышэй, то на парад выходзіць іншы від.

З улікам каронавіруса гасцей папрасілі выконваць сацыяльную дыстанцыю - і адзін ад аднаго, і ад пінгвінаў. І вядома, насіць маскі. Гасцей папярэджваюць: пінгвіны пройдуць парадам міма вас, не трэба іх праследаваць!

Дарэчы, у каралеўскіх пінгвінаў, якія жывуць у заапарку, і імёны "каралеўскія". Так, сярод пастаяльцаў заапарка ёсць Марцін Лютэр Кінг, Карэта Скот Кінг, Бі Бі Кінг і Лары Кінг. У заапарку ёсць нават Бургер Кінг, але падчас гэтага параду ён пасаромеўся выйсці да гасцей і застаўся ў звыклым асяроддзі пражывання.

Глядзіце на відэа, як выглядае самы каралеўскі парад пінгвінаў.

Глядзіце таксама:

30
Тэги:
каронавірус, заапарк