(17:25 / 122.83Mb / просмотров видео: 1613)

нас ужо амаль ёсць Дзень бацькі": якімі пытаннямі зоймецца Савет бацькоў

14
(абноўлена 16:43 21.10.2019)
Індэкс ўцягнутасці бацькоў у сямейныя пытанні і выхаванне дзяцей у Беларусі пакуль складае ўсяго 4% - нават тыя айцы, якія сядзелі ў дэкрэце з дзіцем, не заўсёды гатовы ў адкрытую казаць пра гэты вопыт.

Новае грамадскае аб'яднанне "Савет бацькоў" бачыць адной са сваіх задач барацьбу з так званым "сацыяльным безбацькоўствам". Пакуль працэс выхавання дзяцей у нас сканцэнтраваны на жанчынах, а мужчыны часам і самі не ведаюць, што яны могуць рабіць у сям'і і чым займацца з дзіцем, кажа госць радыё Sputnik Беларусь, трэнер-кансультант, педагог-псіхолаг, заснавальнік сямейнага цэнтра "Тата можа" член праўлення ГА "Савет бацькоў" Кірыл Будкевіч.

"Ёсць рэкамендацыя - муж прыходзіць дадому, дайце яму 20 хвілін адпачыць, пакарміце, і потым усё будзе значна лягчэй. Мы выступаем за тое, што адпачынак можа быць сумесным, дзеці - гэта не цяжар. Гэта зараджае энергіяй, гэта значыць, калі ідзе пазітыўны ўзаемаабмен, тады знаходзяцца сілы ўнутры нас, а калі яго не адбываецца, натуральна, сіл няма - мы ўсе стаміліся", - распавядае Будкевіч.

У якасці прыкладаў сумеснага баўлення часу ў перспектыўным графіку грамадскага аб'яднання - Баль бацькоў, велапрабег, валейбольны і футбольны турніры, а таксама шахматны трыятлон.

"У нас ужо амаль ёсць Дзень бацькі. То ён святкуецца, то не вельмі, з розным размахам. Як раз у нас нядаўна была вельмі вялікае шчасце - горад Мінск нас падтрымаў з гэтай ідэяй, і ў 2020 годзе плануецца двухдзённы фестываль, прымеркаваны да Дня бацькі", - кажа Будкевіч. Нагадаем, ушанаванне тат у многіх краінах штогод адбываецца ў трэцюю нядзелю чэрвеня.

Пры гэтым госць радыё Sputnik прызнае - стаўленне да дэкрэтнага водпуску для бацькоў у нашым грамадстве пакуль неадназначнае. У большасці выпадкаў сем'і прымаюць рашэнне пра сыход у дэкрэт таго, хто зарабляе меншую суму грошай ці мае магчымасць выдаленай працы альбо фрыланс.

"Але тут можна сказаць, што я пакуль не бачыў ні аднаго незадаволенага таты, які сышоў у дэкрэт з дзіцем. Не ўсе гатовыя абмяркоўваць, але ў прыватнай гутарцы кажуць, што гэта выдатна, я шмат чаго даведаўся, зразумеў, ацаніў працу сваёй жонкі, убачыў знутры, паспрабаваў, адчуў. Незадаволеных няма", - адзначае Будкевіч.

Поўную версію размовы з педагогам-псіхолагам, членам праўлення грамадскага аб'яднання "Савет бацькоў" Кірылам Будкевічам глядзіце ў відэатрансляцыі.

14
Тэги:
Беларусь, Бацькі і дзеці, Дзень бацькі
(13:11 / 103.61Mb / просмотров видео: 19)

Пуцін усклаў кветкі да Магілы Невядомага салдата - відэа

12
(абноўлена 17:45 22.06.2021)
Прэзідэнт Расіі Уладзімір Пуцін у Дзень памяці і смутку ўсклаў кветкі да Магілы Невядомага салдата ў Маскве. Падрабязнасці глядзіце на відэа.

Цырымонія прайшла ў аўторак у Аляксандраўскім садзе расійскай сталіцы. У ёй прынялі ўдзел ветэраны Вялікай Айчыннай вайны, міністр абароны Расіі Сяргей Шайгу, мэр Масквы Сяргей Сабянін.

Пасля ўскладання кветак Пуцін выступіў з кароткай прамовай, адзначыўшы, што гісторыя не ведала такога жорсткага генацыду да з'яўлення нацызму.

"Ворагу было мала завалодаць чужой зямлёй. Ён прыйшоў, каб знішчыць наш народ. А тых, хто застанецца - ператварыць у рабоў, пазбавіўшы роднай мовы, традыцый продкаў, нашай культуры", - сказаў прэзідэнт Расіі.

Ён адзначыў, што адказам злу стаў масавы гераізм савецкага народа, адзінства і згуртаванасць людзей, якія прайшлі праз гора, пакуты і смерць.

Дзень памяці і смутку - дзень пачатку Вялікай Айчыннай вайны. У гэтым годзе 22 чэрвеня - васьмідзесятая гадавіна нападзення фашысцкай Германіі на СССР.

Чытайце таксама:

12
Тэги:
Расія, прэзідэнт, відэа, Масква, магіла Невядомага салдата, магіла, кветкі, Уладзімір Пуцін
(5:33 / 44.06Mb / просмотров видео: 206)

"Мы памятаем!": медыягрупа "Россия сегодня" расказвае пра тых, хто прайшоў вайну

8
(абноўлена 17:08 22.06.2021)
МІА "Россия сегодня" падрыхтавала відэаролік "Мы помним!", прысвечаны 80-годдзю пачатку Вялікай Айчыннай вайны. Падрабязнасці глядзіце на відэа.

У роліку - фатаграфіі і скупыя радкі біяграфіі родных і блізкіх супрацоўнікаў медыягрупы. Гэта - яшчэ адно, вельмі асабістае сведчанне таго, што тая страшная вайна закранула літаральна кожнага чалавека.

Бацькі, дзяды, бабулі, прадзеды i прабабулі супрацоўнікаў медыягрупы змагаліся на франтах, сыходзілі ў партызаны, працавалі ў тыле. Прыглядзіцеся ў іх твары. За кожным радком іх біяграфіі - лёсы не абстрактных абаронцаў Радзімы, а канкрэтных людзей, якія перажылі голад, холад, шмат хто быў паранены, кантужаны, некаторыя прапалі без вестак. Але яны выстаялі і перамаглі. Для таго, каб жылі мы - нашчадкі іх подзвігаў і славы.

Ролік трансліруецца ў Маскве на медыяфасадзе будынка МІА "Россия сегодгня" на Зубаўскім 4.

22 чэрвеня - дзень смутку, нагода ўспомніць тых, хто загінуў, тых, хто не вярнуўся з палёў бітваў.

У Беларусі па традыцыі асноўныя мерапрыемствы, прысвечаныя гэтай даце, прайшлі ў мемарыяльным комплексе "Брэсцкая крэпасць-герой". У памяць аб загінуўшых у першыя хвіліны і гадзіны вайны, аб іх бяспрыкладнай мужнасці на ваду Заходняга Буга былі спушчаны вянкі з запаленымі ад Вечнага агню свечкамі.

Глядзіце таксама:

8
Тэги:
Вайна, Вялікая Айчынная вайна, відэа, МІА "Россия сегодня"