Малітва песняра: Мулявін выконвае легендарны хіт Моўчана

54
(абноўлена 18:00 26.10.2019)
26 кастрычніка не стала беларускага кампазітара Алега Моўчана, які шмат гадоў працаваў з "Песнярамі".

Кампазітар-песеннік Алег Моўчан памёр у Жэневе пасля працяглай хваробы на 55-м годзе жыцця. Развітанне з ім адбудзецца на наступным тыдні ў вялікай зале Белдзяржфілармоніі.

На пачатку 90-х гадоў мінулага стагоддзя народны артыст СССР Уладзімір Мулявін запрасіў Моўчана ў "Песняры" у якасці піяніста, аранжыроўшчыка і кампазітара. У 1998-м ён атрымаў афіцыйную пасаду музычнага кіраўніка калектыву.

Моўчан напісаў для "Песняроў" песенныя цыклы "Вянок", "Ave Solе, Або Словы Скарыны" і мноства папулярных песень, у прыватнасці "Стася", "Маргарыта", "Мілая жанчына" і шэраг іншых.

Пасля сыходу з "Песняроў" Моўчан працягнуў актыўную творчую дзейнасць як кампазітар-песеннік і аранжыроўшчык, працаваў з многімі беларускімі выканаўцамі і творчымі калектывамі.

Песня "Малітва" на словы Янкі Купалы і кампазітара Алега Моўчана ў многіх асацыюецца з асобай народнага артыста СССР, саліста ансамбля "Песняры" Уладзіміра Мулявіна. На відэазапісы стваральнік легендарных "Песняроў", якія сталі адным з сімвалаў Беларусі, выконвае "Малітву" ў 1994 годзе на 25-годдзе калектыву.

54
Тэги:
Смерць публічных людзей, Беларусь, Алег Моўчан

Відэа