(1:24 / 11.22Mb / просмотров видео: 2227)

Як Лукашэнка з арабскім шэйхам штучны інтэлект абмяркоўваў відэа

35
(абноўлена 08:56 08.11.2019)
У канцы сустрэчы кіраўнік дзяржавы падарыў саветніку па нацбяспецы ААЭ прысмакі і копію Слуцкага пояса.

Прэзідэнт Беларусі Аляксандр Лукашэнка сустрэўся напярэдадні з саветнікам па нацыянальнай бяспецы ААЭ шэйхам Тахнунам бен Заідам аль-Нахаянам, паведамілі Sputnik у прэс-службе кіраўніка дзяржавы.

На сустрэчы былі абмеркаваны ўжо рэалізаваныя і перспектыўныя сумесныя праекты, у тым ліку ў сферы штучнага інтэлекту, яго прымянення ў розных сферах.

"Я перш за ўсё хачу вам падзякаваць за тую адкрытасць, якую вы праяўляеце падчас майго візіту ў Эміраты. Не ва ўсім зразумелы, не ўсім зразумелы, нават яго актыўныя прапагандысты і распрацоўшчыкі не ведаюць, да чаго ён у рэшце рэшт прывядзе. Тым не менш ўвесь свет рухаецца ў гэтым кірунку. І Эміраты інвестуюць каласальныя сродкі ў развіццё штучнага інтэлекту", - адзначыў Лукашэнка.

Прэзідэнт падкрэсліў, што прапанова азнаёміць беларускую дэлегацыю з узроўнем развіцця штучнага інтэлекту ў ААЭ заслугоўвае асаблівай павагі.

"Таму што гэтая сфера пакуль што дастаткова закрытая. Кожная краіна, калі яна займаецца штучным інтэлектам, хавае вынікі гэтага тварэння адна ад адной. Вы праяўляеце найвышэйшую адкрытасць, і мы гэта вельмі цэнім", - растлумачыў кіраўнік дзяржавы.

Былі на сустрэчы таксама абмеркаваны і вынікі сустрэчы прэзідэнта з наследным прынцам Абу-Дабі, намеснікам Вярхоўнага галоўнакамандуючага Узброенымі Сіламі ААЭ шэйхам Мухамедам бен Заідам аль-Нахаянам, якая адбылася напярэдадні. Бакі, як удакладнілі ў прэс-службе, адзначылі яе прадуктыўнасць і абсалютную нацэленасць на аператыўную рэалізацыю ўсіх намечаных планаў.

На заканчэнне сустрэчы Лукашэнка падарыў шэйху беларускія прысмакі і створаную па старадаўняй тэхналогіі копію Слуцкага пояса.

35
Тэги:
ААЭ, Аляксандр Лукашэнка

Відэа