(0:46 / 5.82Mb / просмотров видео: 2518)

Відэафакт: незвычайнае для горада моднае шоу паказалі ў Віцебску

19
(абноўлена 17:20 10.11.2019)
Паказ у выглядзе тэатралізаваных прадстаўленняў правялі сумесна дызайнеры адзення і ўпрыгожванняў з Віцебска і Мінска ў арт-прасторы VZAP. Як прайшло незвычайнае для Віцебска мерапрыемства, глядзіце на відэа.

Па запэўненнях арганізатараў, шоў Design stories - гэта "нестандартны фармат" моднага мерапрыемства. Асноўнай мэтай яга было прадставіць жыхарам і гасцям горада "арыгінальныя, вытанчаныя і стыльныя" ўпрыгажэнні і вопратку.

У паказе ўдзельнічалі чатыры пары дызайнераў з Мінска і Віцебска, якія працуюць у супрацоўніцтве. Каб данесці да гледачоў унутраны пасыл калекцыі, майстры прадстаўлялі свае творы ў выглядзе своеасаблівых пастановак.

"Мерапрыемства правялі на дастойным узроўні. Гэта не першы падобны вопыт сумеснай працы з дызайнерамі адзення, але ўсё роўна ўдзельнічаць у падобных паказах заўсёды цікава. Спецыяльна для шоу я распрацавала новую калекцыю", - распавяла карэспандэнту дызайнер упрыгожванняў з Віцебска Анастасія Герасімава.

Паводле яе слоў, да паказу пачалі рыхтавацца за два месяцы. Паколькі ў прадстаўленні важную ролю адыгрывае ўсё: мадэлі, святло, пастаноўка, музыка - іх трэба было аб'яднаць адзіным сцэнаром і давесці да ідэалу. Гэта і было самым складаным.

Як адзначыла дызайнер, у Віцебску падобныя мерапрыемствы толькі набіраюць абароты, але мяркуючы па колькасці гледачоў і іх зацікаўленасці, такія паказы будуць праходзіць і далей.

19
Тэги:
Беларусь, Віцебск, мода

Пульс гонкі: галоўнае пра выбарчую кампанію да гэтай гадзіны

11
(абноўлена 14:53 06.07.2020)
Працэдура рэгістрацыі кандыдатаў пачалася 5 ліпеня. Хто трапіць у выбарчыя бюлетэні - даведаемся дакладна да 14 ліпеня. Трымаем руку на пульсе выбарчай кампаніі разам са Sputnik.

Працэдура рэгістрацыі кандыдатаў у прэзідэнты Беларусі пачалася 5 ліпеня. Дакументы ў ЦВК падалі сямёра прэтэндэнтаў на прэзідэнцкую пасаду.

На гэтым этапе гонкі з яе выбыў экс-кіраўнік ПВТ Валерый Цапкала. ЦВК "адбракаващ" вялікую частку пададзеных за яго подпісаў.

Таксама не прайшлі праверку каля 200 тысяч подпісаў, сабраных у падтрымку былога банкіра Віктара Бабарыкі. Аднак тых, што засталіся, хапіла яму для рэгістрацыі кандыдатам.

Некаторыя грамадзяне спрабуюць "адстаяць" свае подпісы ў падтрымку альтэрнатыўных кандыдатаў. Яны звяртаюцца ў мясцовыя выбаркамы з просьбай паведаміць пра лёс свайго подпісу.

ЦВК праводзіць такія "праверкі" не згаджаецца.

"Выбарчае заканадаўства не прадугледжвае працэдуры пераправеркі подпісу выбаршчыка па яго патрабаванню, прадастаўлення яму копій матэрыялаў па праверцы подпісаў і індывідуальнага або групавога абскарджвання выбаршчыкамі вынікаў праверак у судовым парадку. На практыцы гэта не можа быць рэалізавана з-за шматтысячнай колькасці падпісных лістоў і подпісаў у іх", - паведамілі ў Цэнтрвыбаркаме.

Чые прозвішчы ў выніку апынуцца ў бюлетэні для галасавання - ЦВК павінен паведаміць да 14 ліпеня. Да гэтага дня завершыцца рэгістрацыя кандыдатаў на прэзідэнцкі пост.

Пакуль што ў гонцы працягваюць удзел шасцёра прэтэндэнтаў: Віктар Бабарыка, Андрэй Дзмітрыеў, Ганна Канапацкая, Аляксандр Лукашэнка, Святлана Ціханоўская, Сяргей Чарэчань.

11
Тэги:
Выбары, Беларусь
Тэмы:
Выбары прэзідэнта Беларусі - 2020

"Ужо няма соннай сітуацыі": пісьменніца аб пераездзе ў Беларусь з Германіі

6
(абноўлена 12:35 05.07.2020)
Член саюза пісьменнікаў Беларусі Святлана Кандрашова - пра рашэнне вярнуцца на радзіму пасля 20 гадоў жыцця ў Германіі, нямецкай і беларускай тактыцы барацьбы з COVID-19, афіцыйнай медыцыне і фітатэрапіі, паэзіі і ўражаннях ад перадвыбарчай кампаніі ў Беларусі.

Госця з Германіі, паэтка і пісьменніца Святлана Кандрашова прыляцела ў Беларусь адразу пасля аднаўлення авіязносін паміж дзвюма краінамі ў сувязі з некаторым паляпшэннем эпідэмічнай сітуацыі.

"Вы ведаеце, чым больш панікі, тым больш адрэналіну ў крыві ў людзей, тым больш псіхозу і дэпрэсіі. У нас у Германіі нават ёсць выпадкі суіцыду маладых, яны не могуць сядзець пад замком вельмі доўга, а самаізаляцыя была вельмі жорсткая, закрыліся 22 сакавіка, і практычна ўвесь час цягнулі-цягнулі і дацягнулі да 2 чэрвеня. Потым пачалі патрошку выпускаць маленькіх дзяцей, улічваючы, што яны быццам не могуць быць пераносчыкамі, а групы старэйшыя - нам наогул забаранілі выязджаць", - успамінае суразмоўніца.

Таксама госця распавядае аб нюансах жыцця ў Германіі, розніцы паміж даходамі і бытавымі выдаткамі ў насельніцтва і мігрантаў, ўласным рашэнні вярнуцца на радзіму, зносінах з беларускімі чыноўнікамі з гэтай нагоды і ўражаннях аб ходзе перадвыбарчай кампаніі.

"Мне падабаецца такая хваля ўздыму ў людзей, што ўжо няма такой соннай сітуацыі, але штосьці хутка гэтая хваля паднялася, я не паспяваю вывучаць, хто яны і што яны, ... улічваючы сітуацыю ў сусветным плане я як міратворац лічу, што трэба пачакаць, пакінуць пакуль сітуацыю, каб крыху разруліць. Давайце паглядзім, што будзе, і якія опцыі мы атрымаем", - адзначае Кандрашова.

Таксама ў размове: афіцыйная медыцына супраць фітатэрапіі на фоне эпідэміі COVID-19 і парады - як з дапамогай траў падтрымаць імунітэт у неспрыяльнай эпідэміялагічнай абстаноўцы, падрабязнасці ў відэатрансляцыі.

*Меркаванне спікера можа не супадаць з меркаваннем рэдакцыі

6
Тэги:
Германія, Беларусь
Будаўніцтва шматпавярховых дамоў

Мінстрой пракаментаваў новы ўказ па будаўніцтве жылля

4
(абноўлена 16:18 07.07.2020)
Як адзначылі ў міністэрстве, указ прыняты для зніжэння кошту будаўніцтва жылля ў Беларусі.

МІНСК, 7 чэр - Sputnik. Міністэрства архітэктуры і будаўніцтва Беларусі пракаментавала апублікаваны сёння ўказ прэзідэнта ад 2 лiпеня 2020 года №247.

Кіраўнік дзяржавы падпісаў указ "Аб будаўніцтве жылых памяшканняў" 2 ліпеня, апублікаваны дакумент быў у аўторак.

"Дакумент прыняты ў мэтах зніжэння кошту будаўніцтва жылля ў рэспубліцы. Згодна з указам, узвядзенне шматкватэрных жылых дамоў з прыцягненнем грашовых сродкаў грамадзян ажыццяўляецца забудоўшчыкамі (заказчыкамі) з памерам прыбытку не больш за 5% ад каштарыснага кошту памяшканняў, які вызначаецца ў бягучых цэнах, калі іншае не ўстаноўлена прэзідэнтам", - пракаментавалі ўказ у Мінбудархітэктуры.

Як дадалі ў ведамстве, пераважнае права будаўніцтва шматкватэрных жылых дамоў будзе прадастаўлена камунальным унітарным прадпрыемствам і бударганізацыям, якія маюць уласную тэхнічную базу і спецыялістаў.

"Забудоўшчыкі па заканчэнні будаўніцтва дамоў абавязаны праводзіць незалежны аўдыт для ўдакладнення ступені выканання даручэння адносна абмежавання памеру прыбытку. Яго вынікі будуць перадавацца ў мясцовыя выканаўчыя і распарадчыя органы. У выпадку выяўлення па выніках экспертызы, перавышэння памеру прыбытку залішне выплачаныя сумы сродкаў падлягаюць вяртанню ва ўстаноўленым заканадаўствам парадку фізічным асобам не пазней за месяц з дня атрымання аўдытарскага заключэння", - дадалі ў Мінбудархітэктуры.

Указ уступіць у сілу праз паўгода. Як адзначылі ў міністэрстве, новыя нормы не будуць распаўсюджвацца на аб'екты, дазволы па будаўніцтве якіх былі дадзены да ўступлення дакумента ў сілу, а таксама на тыя аб'екты, якія ўзводзяцца ў рамках дагавораў, заключаных раней.

"Абмежаванне рэнтабельнасці не распаўсюдзіцца на прадпрыемствы, якія будуць будаваць жыллё за кошт уласных сродкаў і затым рэалізоўваць яго грамадзянам. У такім выпадку арганізацыі могуць ўсталёўваць іншы памер прыбытку", - заключылі ў ведамстве.

4
Тэги:
Жыллёвае будаўніцтва, Міністэрства архітэктуры і будаўніцтва РБ, Беларусь