Канапацкая: у маім выпадку ўлада апынулася на прыступку вышэй за апазіцыю

12
(абноўлена 15:33 04.12.2019)
Пра свае заканадаўчыя ініцыятывы і далейшую грамадска-палітычную кар'еру распавядае вядомы апазіцыйны палітык Ганна Канапацкая

Імя дэпутата Палаты прадстаўнікоў Нацыянальнага Сходу Беларусі Ганны Канапацкай у апошнія дні стала настолькі часта згадвацца ў СМІ і сеткавых крыніцах, што мы палічылі неабходным сустрэцца з ёй у студыі радыё Sputnik, тым больш, што набліжаецца тэрмін заканчэння яе дэпутацкіх паўнамоцтваў і зусім недалёка той дзень, калі вядомы апазіцыйны дэпутат паўстане перад намі ў новай якасці.

Як набыты палітычны вопыт паўплываў на далейшы лёс, Ганна Канапацкая распавяла ў гутарцы з вядучым праграмы "Гарызонт падзей" Вячаславам Шарапавым.

"Я была першым прадстаўніком апазіцыйнай партыі ў Палаце прадстаўнікоў беларускага парламента, а цяпер стала першым палітыкам, рэпрэсаваным кіраўніцтвам уласнай партыі за мае палітычныя погляды. У чым несупадзенне нашых поглядаў? У аснове майго законапраекта аб гарантыях прэзідэнту, якi страцiў свае паўнамоцтвы, і членам яго сям'і , ляжыць асноватворны прынцып пабудовы дзяржавы і змяняльнасці ўлады, як гэта прадугледжана ў іншых краінах, я проста хацела ліквідаваць існуючы прабел у заканадаўстве", - растлумачыў ет дэпутат.

Раней стала вядома, што прэм'ер-міністр Беларусі Сяргей Румас прапанаваў Канапацкай пасля заканчэння тэрміну яе дэпутацкіх паўнамоцтваў нейкае месца працы ва ўрадзе.

"Улада ў асобе прэм'ера ў гэтай сітуацыі апынулася на прыступку, калі не на дзве, вышэй за апазіцыю, выказаўшы гатоўнасць узяць на працу адзінага апазіцыйнага дэпутата. Я не прыняла гэтай прапановы таму, што не лічу магчымым рэалізаваць на прапанаваным мне месцы тыя рэформы, прыхільнікам якіх я з'яўляюся", - сказала Канапацкая.

Нагадаем, раней таксама стала вядома, што прапанаваны Канапацкай законапраект аб гарантыях былым прэзідэнтам Беларусі можа быць разгледжана ўжо новым складам Палаты прадстаўнікоў. Прыняцце закона да першага чытання - гэта працяглая працэдура, якая пакуль яшчэ не завершана, паведаміла палітык.

Гутарку з вядомым апазіцыйным палітыкам Ганнай Канапацкай глядзіце на Sputnik Беларусь.

12
Тэги:
Беларусь, Ганна Канапацкая

Відэа