Пуцін: "нармандскі фармат" прывёў да пацяплення адносінаў Расіі і Украіны

34
(абноўлена 16:07 10.12.2019)
Прэзідэнт Расіі Уладзімір Пуцін заявіў, што сустрэча "нармандскай чацвёркі" зрушыла справу з "мёртвай кропкі". Глядзіце на відэа, што сказаў расійскі лідар падчас сустрэчы ў Парыжы.

Перамовы лідараў Германіі, Расіі, Украіны і Францыі доўжыліся каля пяці з паловай гадзін, паўтара з іх было выдзелена на сустрэчу Уладзіміраў - Пуціна і Зяленскага. Да гэтага яны размаўлялі толькі па тэлефоне.

"Што тычыцца таго, ці ёсць пацяпленне нейкае, я думаю, што так. Ну а як жа. Па-першае, ужо адбыўся абмен затрыманымі асобамі, гэта ж адбылося. Мы дамагліся разводу сіл у трох кропках, гэта адбылося. Мы сустрэліся цяпер у "нармандскім фармаце" і абмеркавалі вельмі важнае шырокае кола пытанняў і па многіх з іх дасягнулі прагрэсу. Гэта адбылося, таму ўсё гэта разам дае нам падставы меркаваць, што працэс развіваецца ў правільным кірунку", - сказаў Пуцін на прэс-канферэнцыі.

Падчас сустрэчы кіраўнікі дзяржаў дамовіліся аб безальтэрнатыўным выкананні Мінскіх пагадненняў. У бліжэйшы час пачнецца развядзенне сіл і сродкаў на трох пілотных участках паўднёва-усходу Украіны.

"Нармандская чацвёрка" з'явілася ўлетку 2014 года, калі лідары Германіі, Расіі, Украіны і Францыі ўпершыню абмеркавалі шляхі вырашэння канфлікту на паўднёвым усходзе Украіны. Годам пазней яны падпісалі Мінскія пагадненні, якія прадугледжваюць спыненне агню, аднак баявыя дзеянні пасля гэтага не скончыліся.

34
Тэги:
Украіна, Расія, Уладзімір Зяленскі, Уладзімір Пуцін

Відэафакт: карціны на заснежаным хакейным стадыёне

7
(абноўлена 15:29 16.01.2021)
Жыхар Екацярынбурга малюе велізарныя снежныя карціны, замест палатна ў яго хакейная пляцоўка, а рыдлёўка замяняе пэндзаль і фарбы. Глядзіце на відэа, як ствараюцца гіганцкія малюнкі.

Ужо другую зіму Леанід Валітаў, масажыст па прафесіі, але мастак па прызначэнні, радуе сваіх суседзяў гіганцкімі малюнкамі на хакейным корце. Для стварэння снежных карцін мужчына выкарыстоўвае ўсяго два прадмета: малюнак і рыдлёўку.

Леанід стварае эскізы ў фоташопе, робіць разметку, а затым пераносіць яе на стадыён. Дзеля свайго хобі ён нават ахвяруе сном: мужчына малюе карціны ноччу, паколькі ў такі час на корце амаль пуста. Снег кладзецца роўным пластом, што значна спрашчае працэс. Праца над адным стандартным малюнкам займае да пяці гадзін.

"Пачалося з таго, што я гуляў студзеньскім снежным адвячоркам, падаў такі ж снег, як сёння. Я ўбачыў, што корт пакрыты роўным пластом снегу. Гэта вельмі натхніла мяне. Я паглядзеў, што ля ўваходу на корт ляжыць рыдлёўка, і я падумаў: "А чаму б не намаляваць што-небудзь вялікае, а потым паглядзець на гэта зверху?", - распавёў мастак.

Так і з'явілася першая праца: у студзені мінулага года мужчына намаляваў на корце вялікія лічбы "2020".

"Пасля першых жа малюнкаў я ўбачыў, што суседзі вельмі зацікавіліся гэтым, паколькі яны бачаць з сваіх вокнаў гэтыя малюнкі і гэта падымае ім настрой. Яны дзеляцца сваім захапленнем у каментарыях, хваляць - гэта вельмі прыемна, гэта вельмі грэе сэрца, душу і натхняе на далейшы працяг такой творчасці", - адзначыў Леанід.

7

Скульптар стварае творы мастацтва з металу ў стылі стымпанк - відэа

8
(абноўлена 16:00 16.01.2021)
Зварачны апарат, фантазія і залатыя рукі скульптара з Краснадара ператвараюць груду старых непатрэбных жалязяк з гаража ў творы мастацтва. Глядзіце на відэа, як аўтар стварае арт-аб'екты і дзе бярэ ідэі.

Скульптар Аляксей Кашанаў, вядомы таксама пад творчым псеўданімам "Панкрат", стварае творы мастацтва з металу ў стылі стымпанк з дапамогай самых простых інструментаў.

Аляксей у юнацтве захапляўся музыкай у жанры панк-рок, а стымпанк прыцягнуў яго спачатку з-за назвы. Пасля знаёмства з працамі ў гэтым стылі скульптар вырашыў стварыць нешта падобнае.

"Першае, што было зроблена ў гэтым кірунку, гэта такая рыбіна, там ужо балты былі, шасцерні, шрубы, калючы дрот, ланцугі. Мне спадабаўся вынік, і я вырашыў працягнуць рух у гэтым напрамку", - распавёў Аляксей.

Скульптар прызнаецца, што для працы выкарыстоўвае простыя інструменты: электразварку, балгарку, маску і малаток. А ідэі для новых твораў узнікаюць "сумбурна". Падштурхнуць аўтара да стварэння скульптуры можа радок з кнігі, куплет песні ці яркае перажыванне. І, як толькі з'яўляецца час, майстар рэалізуе задуманае.

У лістападзе 2020 года Аляксей Кашанаў прадставіў свае работы на персанальнай выставе, арганізаваць якую прапанавалі ў Краснадарскай краявой выставачнай зале выяўленчых мастацтваў. У 2020 годзе скульптар ужо выстаўляў там свае працы сумесна з Саюзам мастакоў авангарду. У снежні 2020 года Аляксей таксама прыняў удзел у сумеснай выставе ў музеі сучаснага мастацтва Эрарта ў Санкт-Пецярбургу.

Глядзіце таксама:

8
Тэги:
мастацтва, скульптура