(2:28 / 18.31Mb / просмотров видео: 828)

Апытанне Sputnik: ці добра вы ведаеце беларускія прымаўкі?

108
(абноўлена 13:43 21.02.2020)
"Каб рыбу з'есці, трэба ў ваду ўлезці" - а як сказаць гэта па-руску? Праверце сябе разам з іншымі мінчанамі на веданне беларускіх прымавак.

"Абое рабое!" - скажа беларус аб тых, пра каго рускі сказаў бы "Два сапога - пара". А наколькі вобразная ваша беларуская мова?Карэспандэнты Sputnik у Дзень роднай мовы выйшаў на вуліцы, каб нагадаць мінчанам, якой вобразнай можа быць беларуская мова. Беларусы - народ гасцінны, а пра гасцей у нас кажуць так - "Дзе госць, там і бог ёсць". А таго, хто плача над невялічкай драпінай, суцяшаюць вось так - "Пакуль жаніцца - загаіцца". Чакаючы складаныя часы, беларусы спадзяюцца - "Загляне сонца і ў наша аконца".

"Пераначуем - то болей пачуем" - так можна сказаць, калі трэба падбадзёрыць суразмоўцу тым, што "утро вечера мудренее". Многія прымаўкі іранічныя - "Вольнаму воля, шалёнаму поле", смяюцца над сабой і адзін з аднаго беларусы.

Прымавак і прыказак у беларускай мове велізарнае мноства. Некаторыя з гэтых нi сугучныя з рускамоўным аналагам - напрыклад, беларусы таксама кажуць, што "за грошы шчасця не купіш". А іншыя ўжывае толькі беларус - або той, хто вельмі хоча размаўляць па-беларуску.

108
Тэги:
Беларуская мова, Міжнародны дзень роднай мовы, Беларусь

Козыраў: "Песняры" выканаюць жывы канцэрт у інтэрнэце

8
(абноўлена 17:09 03.04.2020)
Анлайн-канцэрт у рамках праекта # БЕЗАНТРАКТА праанансаваў кіраўнік БДА "Песняры" Раман Козыраў.

Няпростая пара прыйшла для артыстаў і творчых калектываў: адмяняюцца канцэрты, даводзіцца праядаць "падушкі бяспекі". А калі запасу фінансаў няма, трэба ўжо зараз пачынаць ствараць хіты, каб закласці падмурак на будучыню. Але ёсць яшчэ адна новая іпастась, якую ўжо асвоілі творчыя калектывы - канцэрты анлайн.

"Песняры" таксама ідуць у нагу з часам. Канцэрт у новым фармаце ў бліжэйшы час у рамках праекта #БЕЗАНТРАКТА ўбачаць гледачы Sputnik разам з аўдыторыяй партала Fontanka.ru. Што гэта будзе за канцэрт, якія песні прагучаць і як жывецца ансамблю сёння, у студыі радыё Sputnik распавёў дырэктар і мастацкі кіраўнік Беларускага дзяржаўнага ансамбля "Песняры" Раман Козыраў.

"Паспрабуем выканаць цікавую, насычаную праграму. Каб гэты момант, калі "Песняры" самі прыйдуць у кожны дом, запомніўся нашым любімым гледачам і ў Расіі, і ў Беларусі. Мы перавярнулі старонкі 50-гадовага юбілею калектыву. І гэтым канцэртам адкрываем нашу новую вяху, дзе будуць і новыя песні, і новы стылістычны фармат, і, вядома, класічныя, незабыўныя хіты "Песняроў", - сказаў суразмоўца Sputnik.

Праграму "Гарызонт падзей" з удзелам дырэктара і мастацкага кіраўніка БДА "Песняры" Рамана Козырава глядзіце на Sputnik Беларусь.

8
Тэги:
Музыка, "Песняры"

Як змянілася жыццё ў доме састарэлых з-за пандэміі каронавіруса?

18
(абноўлена 14:24 03.04.2020)
Стэрыльная чысціня, строгая дысцыпліна і ніякай панікі. Дом-інтэрнат для ветэранаў вайны і працы "Світанак" працуе ў антывірусным рэжыме. Якія меры прымаюць ва ўстанове глядзіце на відэа.

З-за пандэміі каронавіруса ў Гарадскім доме-інтэрнаце для ветэранаў вайны і працы "Світанак" змяніўся лад жыцця. Дом зачынілі для наведванняў, новых жыхароў часова не засяляюць. Таксама не прымаюцца пасылкі, а выезды тых, хто тут пражыве,  абмежаваныя. Такія меры тут прымаюць, каб не падвяргаць рызыцы самую ўразлівую перад COVID-19 катэгорыю, бо сярэдні ўзрост пастаяльцаў інтэрната - 84 гады. Самому старэйшаму жыхару 98 гадоў.

"Нашы супрацоўнікі працуюць у сродках індывідуальнай абароны - гэта маскі, пальчаткі, капялюшыкі. У выпадку кантакту з тымі, хто пражывае, яны мяняюцца, як мае быць, раз на дзве гадзіны, імкнемся папярэдзіць магчымыя рызыкі. У дастатковай колькасці сродкі дэзінфекцыі маюцца, праводзім штодня ўборку адзін раз на дзень па віруліцыдным рэжыме. Па неабходнасці праз кожныя 3 гадзіны апрацоўваем дзвярныя ручкі, парэнчы, поручні, ручкі зліўных бачкоў. Увогуле ўсё тое, да чаго датыкаюцца часта рукі", - кажа дырэктар Гарадскога дома-інтэрната для ветэранаў вайны і працы "Світанак" Ала Грыбок.

Акрамя захавання чысціні і дысцыпліны, штодня з самай раніцы супрацоўнікам і пастаяльцам дома-інтэрната вымераюць тэмпературу.

Унутры "Світанка" жыццё ідзе сваёй чаргой, бабулі і дзядулі выходзяць на прагулкі і не панікуюць.

"Змянілася толькі толькі ў тым, што мы не прыцягваем звонку для правядзення мерапрыемстваў валанцёраў, усё робім сваімі сіламі. У нас працуе працатэрапеўт, 2 майстэрні працоўныя, культарганізатар, бібліятэкар. Па сваім штодзённаму плане-графіку праводзім мерапрыемствы сваімі сіламі ўнутры", - дадае Ала Грыбок.

Хутчэй за ўсё, каранцін працягнецца і да 9 мая, таму канцэрт да Дня Перамогі тут рыхтуюць сваімі сіламі. Галоўнымі артыстамі стануць бабулі і дзядулі.

18
Тэги:
каронавірус, Беларусь
Тэмы:
Успышка каронавіруса з Уханя