Чэрышава і Вышынскі правялі пікет ля пасольства Эстоніі ў Маскве - відэа

13
(абноўлена 14:14 24.02.2020)
Галоўны рэдактар ​​Sputnik Esti Алена Чэрышава і выканаўчы дырэктар МІА "Россия сегодня" выйшлі на пікет да будынка пасольства Эстоніі ў Маскве. Глядзіце на відэа, што адбывалася каля будынку эстонскага дыппрадстаўніцтва.

Эстонія 24 лютага адзначае Дзень незалежнасьці, і журналісты вырашылі нагадаць уладам краіны аб тым, які ціск аказваюць на журналістаў агенцтва Sputnik. Асвятляць пратэст прыехалі прадстаўнікі расійскіх СМІ.

"На самой справе сёння жалоба і па незалежнасці, і па дэмакратыі, і па свабодзе слова. Не можа дзяржава адзначаць Дзень незалежнасці, калі яна, дзяржава, пазбавіла сродкаў да існавання ўласных грамадзян, прымусіўшы іх, пагражаючы турмой, разарваць працоўныя адносіны з МІА "Россия сегодня", - распавяла Чэрышава.

Яна нагадала, што супрацоўнікі эстонскага хаба Sputnik атрымалі ад паліцыі і памежнай аховы пагрозы распачынання ў дачыненні да іх крымінальных спраў, у выпадку калі яны не спыняць працоўныя адносіны з галаўным офісам - МІА "Россия сегодня". Рэдакцыя ў сувязі з гэтым прыпыніла сваю працу.

"Мы тут, у Дзень незалежнасці Эстоніі, каб яшчэ раз заклікаць эстонскі МЗС і іншыя афіцыйныя ўлады адрэагаваць на сітуацыю з нашымі калегамі з эстонскага Sputnik", - распавёў Вышынскі, адзначыўшы, што лёсы журналістаў Sputnik Эстонія нагадваюць яго вопыт, але супрацоўнікі Sputnik Эстонія знаходзяцца на свабодзе, а яму давялося правесці больш за год ва ўкраінскай турме.

Прэзідэнт Расіі Уладзімір Пуцін, каментуючы сітуацыю вакол Sputnik Эстонія, заяўляў, што расійскія ўлады будуць рабіць усё, каб падтрымліваць Sputnik пры працы ў іншых краінах. Ціск на журналістаў асудзілі таксама ў МЗС РФ, АБСЕ і шэрагу іншых міжнародных арганізацый.

13
Тэги:
Кірыл Вышынскі, Sputnik Эстонія, МІА "Россия сегодня"
Тэмы:
Ціск на журналістаў Sputnik Эстонія (49)

COVID-19 перахварэюць многія: медыкі звярнуліся да беларусаў відэа

20
(абноўлена 14:50 04.04.2020)
Больш за два дзясяткі ўрачоў з розных медустаноў Беларусі звярнуліся па падтрымку і дапамогу да жыхароў роднай краіны.

Медыкі розных спецыялізацый запісалі відэазварот беларусам: у ім спецыялісты распавялі, як паводзіць сябе ва ўмовах пандэміі COVID-19, каб засцерагчыся ад захворвання самім і зберагчы блізкіх.

"Мы, урачы, звяртаемся да вас і просім вас аб падтрымцы. Пандэмія каронавіруснай інфекцыі ахапіла практычна ўсе краіны свету, на жаль, гэтага лёсу не пазбегла і наша родная Беларусь", - гаворыцца ў звароце.

Аўтары мяркуюць, гледзячы на вопыт іншых краін, што "перахварэе і заразіцца большая частка насельніцтва". На шчасце, у большасці захворванне пройдзе без якіх-небудзь прыкмет, ці як звычайная прастуда, аднак для некаторых можа стаць смяротным: гэта людзі старэйшыя за 60 гадоў, пацыенты з хранічнымі захворваннямі і самі медработнікі.

"Нават калі ў вас няма прыкмет захворвання, вы можаце быць крыніцай інфекцыі. Менавіта вы можаце заразіць іншых, у тым ліку і сваіх блізкіх (...). І менавіта вы можаце захаваць здароўе сабе і сваім блізкім", - наказваюць урачы.

Грамадзян заклікаюць быць свядомымі і выконваць рэкамендацыі па прафілактыцы заражэння ВРІ. Нагадаем, асноўныя меры засцярогі для абароны ад новай каронавіруснай інфекцыі можна знайсці на сайце Сусветнай арганізацыі аховы здароўя (СААЗ).

У Беларусі, паводле апошніх звестак, зарэгістраваны 351 выпадак каронавіруса COVID-19 (больш за ўсё захварэлых у Мінску - 190). У Віцебскай вобласці, якая апынулася ў цэнтры ўвагі грамадскасці ў сувязі з сітуацыяй, зафіксавана куды менш - 89 выпадкаў. Трэцяя па колькасці выпадкаў - Мінская вобласць, тут іх паўсотні.

20
Тэги:
Беларусь, каронавірус
Тэмы:
Успышка каронавіруса з Уханя

Козыраў: "Песняры" выканаюць жывы канцэрт у інтэрнэце

15
(абноўлена 17:09 03.04.2020)
Анлайн-канцэрт у рамках праекта # БЕЗАНТРАКТА праанансаваў кіраўнік БДА "Песняры" Раман Козыраў.

Няпростая пара прыйшла для артыстаў і творчых калектываў: адмяняюцца канцэрты, даводзіцца праядаць "падушкі бяспекі". А калі запасу фінансаў няма, трэба ўжо зараз пачынаць ствараць хіты, каб закласці падмурак на будучыню. Але ёсць яшчэ адна новая іпастась, якую ўжо асвоілі творчыя калектывы - канцэрты анлайн.

"Песняры" таксама ідуць у нагу з часам. Канцэрт у новым фармаце ў бліжэйшы час у рамках праекта #БЕЗАНТРАКТА ўбачаць гледачы Sputnik разам з аўдыторыяй партала Fontanka.ru. Што гэта будзе за канцэрт, якія песні прагучаць і як жывецца ансамблю сёння, у студыі радыё Sputnik распавёў дырэктар і мастацкі кіраўнік Беларускага дзяржаўнага ансамбля "Песняры" Раман Козыраў.

"Паспрабуем выканаць цікавую, насычаную праграму. Каб гэты момант, калі "Песняры" самі прыйдуць у кожны дом, запомніўся нашым любімым гледачам і ў Расіі, і ў Беларусі. Мы перавярнулі старонкі 50-гадовага юбілею калектыву. І гэтым канцэртам адкрываем нашу новую вяху, дзе будуць і новыя песні, і новы стылістычны фармат, і, вядома, класічныя, незабыўныя хіты "Песняроў", - сказаў суразмоўца Sputnik.

Праграму "Гарызонт падзей" з удзелам дырэктара і мастацкага кіраўніка БДА "Песняры" Рамана Козырава глядзіце на Sputnik Беларусь.

15
Тэги:
Музыка, "Песняры"