Гайдукевіч пра дзядулю: прагучаў званок на тэлефонную станцыю - вайна

8
(абноўлена 09:20 07.05.2020)
Калі пачалася вайна, пятнаццацігадовы Васіль Гайдукевіч заступіў на сваё першае дзяжурства дыспетчарам тэлефоннай станцыі. Аповяд яго ўнука - на відэа Sputnik.

Палкоўнік Васіль Сяргеевіч Гайдукевіч, дзядуля дэпутата Алега Гайдукевіча, вайну застаў зусім маладым чалавекам.

Васіль Гайдукевіч нарадзіўся ў простай сялянскай шматдзетнай сям'і ў Мінскай вобласці. Яго бацька быў кавалём.

Разумеючы, што сын не хоча пераймаць прафесію, бацька накіраваў юнага Васіля Гайдукевіча дыспетчарам на тэлефонную станцыю. Там пятнаццацігадовы малады чалавек і дзяжурыў 22 чэрвеня 1941 года.

Калі пачуўся званок з паведамленнем пра тое, што пачалася вайна, ён разгубіўся.

"Бамбёжкі - пра што гаворка? Малады хлопчык, наперадзе летнія канікулы, ён думаў пра добрае, а яму кажуць, што тэрмінова трэба ўсіх мабілізаваць, эвакуіраваць. Нават запісаўшы усё ў журнал, ён не да канца разумеў, што адбылося. Бо вайну заспелі людзі розных узростаў і пакаленняў. Людзі будавалі планы, хацелі жыць, думалі пра сваю будучыню. і мой дзед быў такім простым хлопчыкам. Яму было 15 гадоў, калі пачалася Вялікая Айчынная вайна", - успамінае гісторыю дзеда Алег Гайдукевіч.

Васіль Гайдукевіч на свае вочы ўбачыў і акупацыю. У партызанскі атрад яго спачатку не ўзялі з-за ўзросту, але некаторыя заданні давяралі. Паўнавартасным партызанам ён стаў ў 1943 годзе.

Пазней ён успамінаў свой першы бой.

"Скончыліся патроны. Ён не разумеў, што рабіць далей. Баявыя таварышы падтрымалі, далі наган. Ён расказваў гэта без налёту пафасу. І ты разумееш, наколькі гэта страшна - тое, што людзі перажылі", - успамінае Алег Гайдукевіч.

Ён запэўнівае - менавіта дзед, партызан, падпольшчык, франтавік, афіцэр, аказаў моцны ўплыў на яго выхаванне.

Каб памяць пра Васіля Сяргеевіча захоўвалася, сям'я выдала кнігу яго ўспамінаў пра вайну.

"Кнігу выдалі яшчэ пры яго жыцці, калі дзядулі было 75 гадоў. Яна напісана простай мовай простага чалавека. Мне пашчасціла дзеда чуць, а маім дзецям не пашчасціла, і дзякуючы гэтай кнізе яны могуць сцісла даведацца пра яго шлях", - кажа Алег Гайдукевіч.

Вайна для Васіля Гайдукевіча скончылася толькі ў 1949 годзе.

"Ён прадоўжыў службу ў войсках НКУС, вёў барацьбу з бандытамі ў лясах нашай краіны", - кажа Гайдукевіч.

А далей пачалося цяжкае мірнае жыццё - аднаўленне Мінска, краіны.

"Я застаў яго жывым, ён мяне і на руках трымаў, паспеў паглядзець, як я вырас", - успамінае дзеда Алег Гайдукевіч.

Яго ўспаміны глядзіце ў праекце Sputnik "Франтавая пераклічка".

"Франтавая пераклічка" - традыцыйны праект прэс-цэнтраў Sputnik Блізкае Замежжа. У 2020 годзе мерапрыемства будзе праводзіцца ў трэці раз. Але абмежавальныя меры па прычыне пандэміі COVID-19 унеслі карэктывы.

Відэамастоў, якія злучаюць прэс-цэнтры розных рэдакцый, не будзе. Будуць публікавацца відэаролікі з вядомымі грамадзянамі і дзяржаўнымі дзеячамі гэтых краін, якія раскажуць сямейныя гісторыі пра ўдзельнікаў Вялікай Айчыннай вайны.

8
Тэги:
Дзень Перамогі, Алег Гайдукевіч
Тэмы:
Дзень Перамогі - 2020 (104)

Пульс гонкі: галоўнае пра выбарчую кампанію да гэтай гадзіны

10
(абноўлена 14:53 06.07.2020)
Працэдура рэгістрацыі кандыдатаў пачалася 5 ліпеня. Хто трапіць у выбарчыя бюлетэні - даведаемся дакладна да 14 ліпеня. Трымаем руку на пульсе выбарчай кампаніі разам са Sputnik.

Працэдура рэгістрацыі кандыдатаў у прэзідэнты Беларусі пачалася 5 ліпеня. Дакументы ў ЦВК падалі сямёра прэтэндэнтаў на прэзідэнцкую пасаду.

На гэтым этапе гонкі з яе выбыў экс-кіраўнік ПВТ Валерый Цапкала. ЦВК "адбракаващ" вялікую частку пададзеных за яго подпісаў.

Таксама не прайшлі праверку каля 200 тысяч подпісаў, сабраных у падтрымку былога банкіра Віктара Бабарыкі. Аднак тых, што засталіся, хапіла яму для рэгістрацыі кандыдатам.

Некаторыя грамадзяне спрабуюць "адстаяць" свае подпісы ў падтрымку альтэрнатыўных кандыдатаў. Яны звяртаюцца ў мясцовыя выбаркамы з просьбай паведаміць пра лёс свайго подпісу.

ЦВК праводзіць такія "праверкі" не згаджаецца.

"Выбарчае заканадаўства не прадугледжвае працэдуры пераправеркі подпісу выбаршчыка па яго патрабаванню, прадастаўлення яму копій матэрыялаў па праверцы подпісаў і індывідуальнага або групавога абскарджвання выбаршчыкамі вынікаў праверак у судовым парадку. На практыцы гэта не можа быць рэалізавана з-за шматтысячнай колькасці падпісных лістоў і подпісаў у іх", - паведамілі ў Цэнтрвыбаркаме.

Чые прозвішчы ў выніку апынуцца ў бюлетэні для галасавання - ЦВК павінен паведаміць да 14 ліпеня. Да гэтага дня завершыцца рэгістрацыя кандыдатаў на прэзідэнцкі пост.

Пакуль што ў гонцы працягваюць удзел шасцёра прэтэндэнтаў: Віктар Бабарыка, Андрэй Дзмітрыеў, Ганна Канапацкая, Аляксандр Лукашэнка, Святлана Ціханоўская, Сяргей Чарэчань.

10
Тэги:
Выбары, Беларусь
Тэмы:
Выбары прэзідэнта Беларусі - 2020

"Ужо няма соннай сітуацыі": пісьменніца аб пераездзе ў Беларусь з Германіі

5
(абноўлена 12:35 05.07.2020)
Член саюза пісьменнікаў Беларусі Святлана Кандрашова - пра рашэнне вярнуцца на радзіму пасля 20 гадоў жыцця ў Германіі, нямецкай і беларускай тактыцы барацьбы з COVID-19, афіцыйнай медыцыне і фітатэрапіі, паэзіі і ўражаннях ад перадвыбарчай кампаніі ў Беларусі.

Госця з Германіі, паэтка і пісьменніца Святлана Кандрашова прыляцела ў Беларусь адразу пасля аднаўлення авіязносін паміж дзвюма краінамі ў сувязі з некаторым паляпшэннем эпідэмічнай сітуацыі.

"Вы ведаеце, чым больш панікі, тым больш адрэналіну ў крыві ў людзей, тым больш псіхозу і дэпрэсіі. У нас у Германіі нават ёсць выпадкі суіцыду маладых, яны не могуць сядзець пад замком вельмі доўга, а самаізаляцыя была вельмі жорсткая, закрыліся 22 сакавіка, і практычна ўвесь час цягнулі-цягнулі і дацягнулі да 2 чэрвеня. Потым пачалі патрошку выпускаць маленькіх дзяцей, улічваючы, што яны быццам не могуць быць пераносчыкамі, а групы старэйшыя - нам наогул забаранілі выязджаць", - успамінае суразмоўніца.

Таксама госця распавядае аб нюансах жыцця ў Германіі, розніцы паміж даходамі і бытавымі выдаткамі ў насельніцтва і мігрантаў, ўласным рашэнні вярнуцца на радзіму, зносінах з беларускімі чыноўнікамі з гэтай нагоды і ўражаннях аб ходзе перадвыбарчай кампаніі.

"Мне падабаецца такая хваля ўздыму ў людзей, што ўжо няма такой соннай сітуацыі, але штосьці хутка гэтая хваля паднялася, я не паспяваю вывучаць, хто яны і што яны, ... улічваючы сітуацыю ў сусветным плане я як міратворац лічу, што трэба пачакаць, пакінуць пакуль сітуацыю, каб крыху разруліць. Давайце паглядзім, што будзе, і якія опцыі мы атрымаем", - адзначае Кандрашова.

Таксама ў размове: афіцыйная медыцына супраць фітатэрапіі на фоне эпідэміі COVID-19 і парады - як з дапамогай траў падтрымаць імунітэт у неспрыяльнай эпідэміялагічнай абстаноўцы, падрабязнасці ў відэатрансляцыі.

*Меркаванне спікера можа не супадаць з меркаваннем рэдакцыі

5
Тэги:
Германія, Беларусь
Які сёння дзень: 7 ліпеня 2020 года

Які сёння дзень: 7 ліпеня 2020 года

0
(абноўлена 07:39 06.07.2020)
Гэты дзень з'яўляецца сто восемдзесят дзявятым па грыгарыянскім календары, да канца года засталося 177 дзён.

У гэты дзень святкуецца Купалле. Якія яшчэ падзеі адбыліся 7 ліпеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 7 ліпеня

  • У 1864 годзе была адкрыта Маладзечанская настаўніцкая семінарыя.
  • У 1992 годзе Беларусь усталявала дыпламатычныя адносіны з Уругваем.
  • У 2007 годзе была афіцыйна зарэгістравана Віцебская аматарская астранамічная абсерваторыя.

Хто нарадзіўся 7 ліпеня

  • 1796: Ян Чачот, беларускі і польскі паэт.
  • 1882: Янка Купала, класік беларускай літаратуры.

Таксама сёння нарадзіліся аўстрыйскі дырыжор і кампазітар Густаў Малер і французскі мадэльер П'ер Кардэн.

7 ліпеня ў народным календары

Сёння праваслаўныя вернікі святкуюць дзень нараджэянна Іаана Хрысціцеля. У народным календары гэты дзень вядомы як Іван Купала – працягваецца святкаванне Купалля, якое пачалося ў ноч з 6 на 7 ліпеня.

Раніцай 7 ліпеня дзяўчыны хадзілі ўмывацца расой, таму што лічылася, што так атрымаецца захаваць прыгажосць. Таксама купаліся ў рацэ, каб змыць усё дрэннае і пазбавіцца ад нядугаў.

Калі на Івана Купалу шоў дождж, гэта значыла, што праз тыдзень настане цёплае і яснае надвор'е. Калі на небе шмат зорак, будзе добры ўраджай грыбоў, а вось навальніца сведчыла пра дрэнны ўраджай лясных арэхаў.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей