Дзень трэці: акцыі пратэсту перамясціліся ў мікрараёны Мінска

67
На трэці дзень пасля прэзідэнцкіх выбараў пратэсты ў сталіцы працягнуліся ў спальных раёнах, сутыкненні з праваахоўнікамі насілі не такі масавы характар, як днём раней.

Несанкцыянаваныя акцыі пратэсту не суціхаюць у Мінску ўжо трэці дзень. Увечары ў аўторак, 11 жніўня, дэманстранты выходзілі ў розных раёнах сталіцы - Уручча, Серабранка, Каменная горка, Малінаўка і ст. м. "Пушкінская" - аднак усе яны заканчваліся хутка. Вартавыя парадку паспяхова спынялі спробы збору дэманстрантаў. Пры разгоне сілавікі выкарыстоўвалі дубінкі, шумавыя гранаты і гумовыя кулі.

Рух на частцы вуліц і праспектаў сталіцы быў перакрыты, установы грамадскага харчавання спынілі працаваць раней, чым звычайна.

Пацярпелі не толькі людзі, але і журналісты. Вядома, што фотакарэспандэнту Associated Press Сяргею Грыцу разбілі камеру, таксама паведамлялася аб затрыманні журналістаў шэрагу беларускіх выданняў.

Глядзіце на відэа, як праходзілі пратэсты ў спальных раёнах.

67
Тэги:
Беларусь
Тэмы:
Пратэсты пасля выбараў у Беларусі (148)

Рэкорд па выкананні "мёртвай пятлі" на Як-52. Каго ўпішуць у гісторыю?

4
(абноўлена 13:08 25.09.2020)
Лётчыкі 11 разоў запар выканалі "пятлю Несцерава" на Як-52. Глядзіце, як выглядае гэтая фігура вышэйшага пілатажу, на відэа.

Пілатажная група "Першы палёт" ўстанавіла сусветны рэкорд. Лётчыкі адзінаццаць разоў запар выканалі "пятлю Несцерава" на Як-52.

Лічба "11" выбралі невыпадкова: менавіта столькі гадоў у гэтым годзе спаўняецца авіягрупе. Рэкорд зафіксавалі на падмаскоўным аэрадроме Вялікае Грызлова. Героямі сталі майстры спорту Канстанцін Баравік, Алег Шпалянскі і Антон Беркутаў.

Пятлю яшчэ называюць "мёртвай" - некаторы час яе разлічвалі толькі на паперы, лётчыкі не выконвалі яе на самалётах. У 1913 годзе ў Кіеве паветраны ас Пётр Несцераў упершыню выканаў гэтую найскладанейшую фігуру вышэйшага пілатажу.

Дарэчы, у мінулым годзе памятны знак "Пятля Несцерава" адкрылі ў беларускіх Баранавічах - у скверы імя лётчыка двойчы Героя Савецкага Саюза Міхаіла Сцепанішчава.

Фігуры вышэйшага пілатажу ў выкананні самалётаў, здольных дзейнічаць сінхронна на мінімальнай дыстанцыі, - глядзіце ў нашым відэа.

4
Тэги:
авіяцыя
(16:17 / 113.72Mb / просмотров видео: 3992)

Крывашэеў пра "Еўразія.DOC": дзівяць працы, класна знятыя на звычайныя гаджэты

8
(абноўлена 13:08 25.09.2020)
Апошнія навіны пра фэст дакументальнага кіно краін СНД ад старшыні Беларускага саюза журналістаў, дырэктара "Еўразія.DOC" Андрэя Крывашэева.

Фестываль дакументальнага кіно краін СНД "Еўразія.DOC" 2020 пройдзе з 28 верасня па 4 кастрычніка ў Смаленску і Мінску, аб развіцці фестывалю, галоўнай тэматыцы кінастужак гэтага года і вядомых гасцях гледачам Sputnik распавёў дырэктар фестывалю, старшыня Беларускага саюза журналістаў Андрэй Крывашэеў.

"Старшынёй журы будзе вядомы расійскі журналіст, дэкан Вышэйшай школы тэлебачання МДУ Віталь Траццякоў, ён прывязе два прызы пераможцам - ад МДУ і ад журы фестывалю. Спадзяюся, асобны прыз будзе ад Пасольства Расійскай Федэрацыі ў Беларусі, сумесны прыз ад Міністэрства інфармацыі Беларусі і Беларускага саюза журналістаў і, вядома, спецыяльны прыз ад Sputnik", - адзначыў Крывашэеў.

Па словах суразмоўцы Sputnik, вельмі парадавала моладзь, якая ўдзельнічае ў конкурсе, на звычайныя гаджэты хлопцы здымаюць проста "шэдэўральныя" рэчы, дэманструючы дзіўную сінэргію асабістага светаадчування і сучасных тэхнічных магчымасцяў звычайных камунікатараў.

Праграму "Гарызонт падзей" з удзелам дырэктара Міжнароднага фестывалю "Еўразія.DOC" Андрэя Крывашэева глядзіце на Sputnik Беларусь.

8
Тэги:
Андрэй Крывашэеў, Еўразія.doc
Лес, архіўнае фота

Святкуем узвіжанне і гатуем пачастунак для Вужынага Цара

0
(абноўлена 12:37 25.09.2020)
Этнограф Ларыса Мятлеўская распавядае пра сённяшняе містычнае свята і вучыць гатаваць калдуны.

27 верасня адзначаецца адно са значных хрысціянскіх святаў у гонар Крыжа, які сімвалізаваў сабой выратаванне роду чалавечага. Ушаноўваючы яго ў гэты дзень вяскоўцы ставілі крыжы на ростанях.

Свята Уздзвіжанне Крыжа Гасподня ў Народным календары пазначана як Здзвіжанне, Уздзвіжанне, Звіжанне, Часнэйка і мае глыбокія старажытныя карані. Лічылася, што гэта свята "закрывання" зямлі на зіму. Згодна з народнымі ўяўленнямі, замыкаюць яе птушкі, якія, адлятаючы ў вырай, забіраюць з сабой ключы на неба. Аб гэтых падзеях нашы продкі казалі: "Уздвіжанне лета замыкае, ключык шызая галачка за мора панесла". Падчас гукання вясны гэтыя ключы просяць вярнуць з неба святога Георгія, каб адамкнуць зямлю і выпусціць цёплае лета.

У народных уяўленнях у прыродзе ўсё прыходзіць у рух або "здзвігаецца". Гэтым тлумачацца і назвы свята. Адна з іх – Здзвіжанне звязана з назіраннямі за сонцам, якое ў час блізкі да восеньскага раўнадзенства быццам рухаецца, купаецца, пераліваецца ўсімі колерамі вясёлкі, "іграе і дрыжыць", "грае, здзвігаецца". Такую з’яву можна назіраць толькі на Дабравешчанне, Вялікдзень і Купалле.

Іншае тлумачэнне – у прыбіранні рэшткаў ураджаю з палеткаў, у прадчуванні блізкіх прымаразкаў: "Усё ў хату ўздзвігаецца, каб мароз не пабіў".

Яшчэ адна назва – Дзвіжанне, звязана са змеямі, якія быццам бы менавіта ў гэты дзень пачынаюць выпаўзаць з нораў, каб рушыць на зімовы сон да вясны: "Дзвіжанне – гадзюкі здвігаюцца ў кучу".

З даўніх часоў вужам пакланяліся як істотам, ад якіх залежала пладароддзе зямлі, а значыць і само жыццё. Беларусы ў вужах бачылі пасланцоў добрых багоў. Яны нібыта прыйшлі на зямлю з нябёс. Да іх звярталіся з малітвамі аб хуткім дажджы, добрым ураджаі, а таксама з просьбамі аб прыватным шчасці.

Уздзвіжанне – чароўны дзень, у які, згодна з легендамі, можна было паспрабаваць здабыць для сябе звышнатуральныя здольнасці, атрымаўшы залатую карону або ражок з яе ад Вужынага Цара. Чалавек, у якога гэта атрымлівалася, з падобным дарункам станавіўся відушчым, мог угадваць чужыя думкі, надзяляўся моцным здароўем, незвычайнай мудрасцю, шчасцем і багаццем. Яму станавіліся бачны ўсе схаваныя скарбы, а таксама ён быццам бы мог здымаць усе замкі і засаўкі. Чалавека, які хацеў здабыць карону Вужынага Цара, чакалі сур’ёзныя выпрабаванні, якія патрабавалі кемлівасці, пачцівасці і вытрымкі. Трэба было, прыхапіўшы з сабой чысты рушнік і хлеб-соль, адважыцца ісці ў лес тады, калі гэта было вельмі небяспечна, нарэшце сустрэцца ў непралазных лясных нетрах з жахлівай вужынай працэсіяй, каб прапанаваць Вужынаму Цару пачастунак і чакаць, калі той скіне сваю карону ці хаця б ражок з яе.

Тыя, хто ў лес ісці не хоча, можа проста якую-небудзь смачную страву і ўявіць, што да яго ў госці прыедзе Вужыны Цар.

Булён з калдунамі

Інгрыдыенты:

для булёна:

  • 250 г мяса ялавічыны
  • 250 г мяса свініны
  • 1 цыбуліна
  • 1 морква
  • 1 корань пятрушкі
  • Соль
  • Лаўровы ліст

Для калдуноў:

  • 1,5 шклянкі мукі
  • 500 г мяса (мякаць)
  • 1 яйка
  • 1 цыбуліна
  • Соль
  • Перац

Як гатаваць:

Зварыць мясны булён, дадаўшы карэнне і цыбулю. Каб булён быў празрысты, трэба варыць яго на слабым агні і напрацягу гатавання, некалькі разоў падліваць па чвэрці шклянкі халоднай вады, у канцы варкі пасаліць, укласці лаўровы ліст. Гатовы булён працадзіць.

Мяса разам з цыбуляй двойчы прапусціць праз мясарубку, уліць трошкі вады або булёну, дадаць молаты перац, соль, старанна перамяшаць.

З прасеянай мукі, яйка, солі і вады замясіць крутое цеста, тонка раскачаць яго. Выразаць кубачкам кружкі, пакласці на сярэдзіну кожнага фарш, краі зашчыпаць.

Падрыхтаваныя калдуны на некалькі секунд апусціць у кіпень, затым перакласці ў булён і варыць на слабым агні 6-8 хвілін.

0
Тэги:
Узвіжанне, беларуская кухня, Ларыса Мятлеўская