Пяты дзень пратэстаў: мірныя акцыі прайшлі ў Беларусі - відэа

19
(абноўлена 09:00 14.08.2020)
Акцыі салідарнасці пачаліся яшчэ ўдзень - жанчыны ў белых вопратках выстройваліся ўздоўж вуліц і праспектаў у Мінску і рэгіёнах. А ўвечары сталіца запалілася агнямі - глядзіце, як гэта было, на відэа.

Чацвер стаў самым мірным днём пратэстаў у Беларусі - на працягу дня людзі выходзілі на акцыі ў розных рэгіёнах краіны. Ужо ў першай палове дня беларусы пачалі выбудоўвацца ў доўгія ланцугі салідарнасці - дзяўчаты з кветкамі ў руках і ў белых вопратках выходзілі на цэнтральныя вуліцы і праспекты гарадоў.

Тым часам на некалькіх прадпрыемствах прайшлі мітынгі. У Жодзіне з незадаволенымі навалай АМАПа на гарадскіх вуліцах супрацоўнікамі БелАЗа выйшаў пагаварыць мэр горада.

Днём паслы замежных дзяржаў усклалі кветкі да стыхійнага мемарыяла ля станцыі метро Пушкінская, дзе ў ноч на 11 жніўня загінуў дэманстрант.

А ўвечары сотні агеньчыкаў запаліліся на вуліцах. Хтосьці уключаў ліхтарык на тэлефоне, нехта прынёс з сабой шары. У Мінску людзі сталі ўздоўж праспекта Дзяржынскага - хтосьці з кветкамі, а хтосьці з ліхтарыкамі ў руках.

За мінулыя дні падчас акцый пратэсту міліцыя затрымала каля сямі тысяч чалавек. У эфіры агульнанацыянальнага тэлебачання міністр унутраных спраў Юрый Караеў узяў на сябе віну за гвалт пры разгоне пратэстуючых. Старшыня Савета Рэспублікі Наталля Качанава паведаміла, што больш за тысячу затрыманых на акцыях пратэсту ўжо адпушчаны пад абавязацельства няўдзелу ў пратэстах.

19
Тэги:
Беларусь, Мінск, акцыі пратэстаў
Тэмы:
Пратэсты пасля выбараў у Беларусі (145)

Відэафакт: вучэнні "Каўказ-2020" стартавалі ў Расіі

10
(абноўлена 14:45 21.09.2020)
У буйных манеўрах прымаюць удзел вайскоўцы з пяці краін, у тым ліку і Беларусі. Глядзіце на відэа, як праходзяць вучэнні.

Стратэгічнае камандна-штабное вучэнне "Каўказ-2020" стартавала ў Расіі ў панядзелак. Тэрыторыяй была абраная Паўднёвая ваенная акруга і яе палігоны Прудбой, Ашулук, Капусцін Яр, наземныя авіяцыйныя палігоны Арзгірскі і Капанскі.

"У акваторыях Чорнага і Каспійскага мораў будуць праведзены розыгрышы эпізодаў дзеянняў груповак Чарнаморскага флоту і Каспійскай флатыліі, у тым ліку з удзелам караблёў ваенна-марскіх сіл Ірана", - паведамляе Мінабароны Расіі.

У манеўрах удзельнічаюць і беларускія вайскоўцы, а таксама ваенныя з Арменіі, Кітая, М'янмы і Пакістана - усяго да тысячы прадстаўнікоў замежных армій.

Вайскоўцы з Азербайджана, Шры-Ланкі і іншых краін запрошаны ў якасці назіральнікаў.

Усяго ж у манеўрах ўдзельнічаюць каля 80 тысячаў расійскіх вайскоўцаў, каля 250 танкаў і да 450 БМП і БТР, каля 200 артсістэм і РСЗА. Пры гэтым максімальную колькасць асабістага складу воінскіх часцей, якія падпадаюць пад дзеянне Венскага дакумента 2011 года, на вучэнні, якое праводзіцца пад агульным камандаваннем, складзе да 12 тысяч 900 вайскоўцаў.

10
Тэги:
ваенныя вучэнні, Расія
(1:43 / 13.93Mb / просмотров видео: 2133)

Даша Чарнова выступіла на адкрыцці чацвёртага сезона "Ты Супер!" - відэа

5
(абноўлена 09:49 21.09.2020)
Беларуска, удзельніца двух сезонаў праекта НТБ і Sputnik, пераехала ў Маскву і вучыцца ў Ларысы Долінай. Падрабязнасці глядзіце на відэа.

Напярэдадні стартаваў чацвёрты сезон вакальнага конкурсу тэлеканала НТБ пры падтрымцы Міжнароднага агенцтва і радыё Sputnik "Ты Супер!". У гэтым годзе ў ім другі раз удзельнічае Маша Хархаль з Бабруйска.

Запрошанай госцяй на першым канцэрце стала яшчэ адна беларуская ўдзельніца - Даша Чарнова. Яна выканала песню, якую напісаў канцэртмайстар праекта і педагог па вакале Аляксандр Сцёпін.

Даша Чарнова двойчы ўдзельнічала ў праекце "Ты Супер!". З тых часоў яе жыццё змянілася, яна пераехала ў Маскву і вучыцца на другім курсе Маскоўскага дзяржаўнага інстытута культуры ў народнай артысткі Расіі Ларысы Долінай.

"Дзякуй вялікі за гэта праекту "Ты Супер!", тэлеканалу НТБ і інфармацыйнаму агенцтву Sputnik. Мара спраўдзілася", - сказала Даша.

Міжнародны вакальны праект для дзяцей, якія засталіся без апекі бацькоў, "Ты супер!" праводзіцца тэлеканалам НТБ сумесна з Міжнародным інфармацыйным агенцтвам і радыё Sputnik пры падтрымцы Міністэрства асветы РФ.

5
Тэги:
Конкурс "Ты супер!", НТБ (тэлеканал)
Тэмы:
Конкурс НТБ и Sputnik "Ты супер!"
Які сёння дзень: 22 верасня 2020 года

Які сёння дзень: 22 верасня 2020 года

0
(абноўлена 09:53 21.09.2020)
Гэты дзень з'яўляецца дзвесце шэсцьдзесят шостым па грыгарыянскім календары, да канца года застаецца 100 дзён.

Сёння адзначаецца сусветны дзень без аўтамабіля. Якія яшчэ падзеі адбыліся 22 верасня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 22 верасня

  • У 1919 годзе Цэнтральная беларуская рада Віленшчыны і Гродзеншчыны арганізавала ў Вільні настаўніцкія курсы для падрыхтоўкі настаўнікаў беларускіх школ
  • У 1943 годзе ў Мінску быў забіты Кубэ, кіраўнік акупацыйнай адміністрацыі Генеральнай акругі "Беларусь".
  • У 1949 годзе СССР правёў першае выпрабаванне ядзернай зброі.
  • У 1999 годзе Беларусь усталявала дыпламатычныя адносіны з М'янмай.

Хто нарадзіўся 22 верасня

  • 1903 год: Хвядос Шынклер, беларускі пісьменнік.
  • 1925: Алесь Траяноўскі, беларускі пісьменнік, перакладчык, крытык, публіцыст.

Таксама сёння нарадзіліся італьянскі оперны спявак Андрэа Бачэлі і бразільскі футбаліст Ранальда.

22 верасня ў народным календары

У праваслаўнай царкве сёння шануюць праведных Акіма і Ганну – бацькоў Панны Марыі. Ім моляцца аб вылячэнні ад бясплоддзя.

22 верасня — дзень восеньскага раўнадзенства. Пасля гэтага дня ноч паступова становіцца даўжэй за дзень. У гэты дзень маладая гаспадыня, як правіла, частавала радню смачнымі пірагамі: лічылася, што гэта забяспечыць дабрабыт на ўвесь год.

Падыйшла пара нарыхтоўваць дровы – пакуль не пайшлі яшчэ моцныя дажджы і дрэва не адсырэла. У гэты час надэходзіць другое "бабіна лета" – трэба спяшацца, каб закончыць усе гаспадарчыя справы ў час.

Назіралі за прыродай: калі ў паветры лётае павуцінне, надвор'е будзе добрым, але зіма – халоднай. Калі раптам выпаў снег – ураджаю не будзе. Калі пладовыя дрэвы яшчэ не скінулі лісце – у бліжэйшыя тыдні будзе цёпла.

0
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей