Пандэмія COVID-19: як ідуць справы ў краінах блізкага замежжа - відэа

7
(абноўлена 09:39 17.09.2020)
У свеце зафіксаваны чарговы рэкорд па колькасці выяўленых выпадкаў заражэння COVID-19 за суткі. Агульная колькасць выпадкаў ужо перавысіла 29 мільёнаў чалавек. Падрабязна пра тое, як ідуць справы з каронавірусам на постсавецкай прасторы - у відэа Sputnik.

З надыходам восені пачалі спраўджвацца прагнозы навукоўцаў: у шэрагу дзяржаў ужо заявілі пра пачатак другой хвалі пандэміі. Краіны блізкага замежжа таксама працягваюць змагацца з COVID-19. Сітуацыя неаднародная: пакуль у адных змякчаюць абмежаванні, уведзеныя з-за пандэміі, у іншых яны застаюцца ў сіле.

У Арменіі на змену шасцімесячнаму рэжыму НЗ прыйшоў каранцін. Прычым улады пайшлі на беспрэцэдэнтны крок і працягнулі яго адразу да 2021 года.Так званыя локдаўны выхаднога дня захоўваюцца ў Казахстане, хоць у астатнія дні абмежавання змякчылі. А вось у Баку з 14 верасня аднавіла працу метро, але пакуль толькі ў будні: як і астатні грамадскі транспарт, у выхадныя падземка працаваць не будзе.

У суседнім Кыргызстане з 14 верасня пачалі працаваць музеі і бібліятэкі. Але медыкі не раяць расслабляцца і заклікаюць рыхтавацца да другой хвалі. Пра яе пачатак ужо абвясцілі ўлады Грузіі. Колькасць дыягнаставаных выпадкаў заражэння COVID-19 у краіне ўжо не першы дзень б'е рэкорды.

У гэтай сітуацыі надзея толькі на вакцыну - і яна ўжо ёсць Першай у свеце яе зарэгістравала Расія. Пра жаданне набыць расійскую распрацоўку заявілі ўжо некалькі дзясяткаў краін, сярод іх - Беларусь.

Захворванне на каронавірус расце па ўсёй рэспубліцы: зарэгістравана амаль 75 тысяч чалавек з станоўчым тэстам на COVID-19. Ахвярамі інфекцыі ў Беларусі ад пачатку пандэміі сталі 767 чалавек.

7
Тэги:
СНД, каронавірус
Тэмы:
Каронавірус COVID-19 (1187)

У Кітаі робатаў навучылі іграць на музычных інструментах - відэа

11
(абноўлена 18:47 12.06.2021)
У выніку атрымаўся сапраўдны аркестр, які назвалі MOJA. Робаты ўжо правялі некалькі выступленняў на аніміраванай сцэне - глядзіце відэа.

Тэхнікі калібруюць і настройваюць інструменты для робатаў, якія затым ужо выступаюць на сцэне. У наборы ў робамузыкантаў - бамбукавая флейта, кітайская арфа, пайгу, а таксама барабаны.

Стварылі такі незвычайны музычны калектыў студэнты і выкладчыкі пекінскага Універсітэта Цінхуа. Як яны кажуць, каб паказаць сувязь паміж гісторыяй і тэхналогіямі. Аказваецца, гэта цалкам спалучальна.

У мінулым аркестр робатаў разам са студэнтамі ўніверсітэта ставіў спектаклі ва ўніверсітэце. І гэта таксама мела вялікі поспех.

Глядзіце таксама:

11
Тэги:
сцэна, выступленне, аркестр, відэа, музычны інструмент, робат, Кітай

Як ахоўваюць водны рубеж Беларусі - відэа

9
(абноўлена 18:47 12.06.2021)
На беларуска-ўкраінскай мяжы ёсць камендатура "Лоеў". Асабовы склад ахоўвае тут кардон па рэках Днепр і Сож. Глядзіце на відэа, што такое пагранічны рачны флот, а таксама застава, якую можна перамясціць з месца на месца.

Мясцовыя пагранічнікі лічаць, што нічога звышнезвычайнага ў нясенні службы на рачным участку няма. Задачы па забеспячэнні надзейнай аховы дзяржмяжы ўсюды аднолькавыя.

На ўзбраенні стаяць не толькі звыклыя катэры, але і амфібіі, здольныя перамяшчацца па вадзе і сушы.

На змену першым "Аистам", якія сваё адслужылі, прыйшла зусім новая тэхніка: хуткасная, з вялікім запасам ходу, зручная ў абслугоўванні і эксплуатацыі. Італьянскія катэры паступілі па лініі міжнароднай тэхнічнай дапамогі. Закуплены таксама судны расійскай і беларускай вытворчасці.

Лоеўскія пагранічнікі не толькі ахоўваюць водны рубеж, але і дапамагаюць прыродаахоўным органам змагацца з браканьерамі.

Ёсць тут і застава "Дзяражычы" - цалкам новага тыпу. Гэта не капітальная пабудова з цэглы і бетону, а 23 модулі, якія, у выпадку неабходнасці, можна перамясціць у іншае месца.

Непасрэдна з заставы і днём, і ноччу аператары адсочваюць абстаноўку на мяжы: аўтаматызаваны пост тэхнічнага назірання дазваляе распазнаваць любую жывую істоту.

На заставе імя Героя Савецкага Саюза Мікалая Сушанава пагранічнікі заўсёды ў баявой гатоўнасці: калі што, гатовыя хутка падняцца па трывозе і спыніць любую спробу парушыць мяжу.

Чытайце таксама:

9
Тэги:
застава, флот, Сож, Днепр, рэкі, кардон, камендатура, мяжа, відэа, Беларусь, рубеж
Надзвычайны і паўнамоцны пасол Расіі ў Беларусі Яўген Лук'янаў

Пасол РФ у Беларусі: разам мы моцныя, а паасобку слабей

2
(абноўлена 11:57 14.06.2021)
Кіраўнік дыпмісіі падкрэсліў, што гісторыя Беларусі і Расіі аб'яднана агульным разуменнем каштоўнасцей і сэнсу быцця.

МІНСК, 14 чэр – Sputnik. Надзвычайны і паўнамоцны пасол Расіі ў Беларусі Яўген Лук'янаў у панядзелак сустрэўся са старшынёй Савета Рэспублікі Наталляй Качанавай. Пра гэта паведаміла прэс-служба Савета Рэспублікі.

У час сустрэчы кіраўнік расійскай дыпмісіі адзначыў, што робяцца "агрэсіўныя спробы" супрацьпаставіць РФ і Беларусь адзін аднаму. Ён таксама дадаў, што абедзве краіны не забываюць сваю гісторыю.

"Таму што народ, які забыў сваю гісторыю, не будзе мець будучыні. Гэта перш за ўсё гісторыя нашых брацкіх народаў, аб'яднаных агульным разуменнем каштоўнасцей, сэнсу быцця. Таму і ўжываюцца гэтак агрэсіўныя спробы нас развесці, супрацьпаставіць адзін аднаму. Разам мы моцныя, а паасобку слабей", - заявіў пасол.

Старшыня Савета Рэспублікі Беларусі падчас сустрэчы з кіраўніком расійскай дыпмісіі адзначыла, што "няма ў свеце такіх аналагаў, каб было такое яднанне паміж народамі, добрасуседства, сяброўства, братэрства". Пры гэтым Беларусь і Расію чакае яшчэ шмат працы над больш эфектыўным рашэннем існуючых пытанняў "на карысць нашых народаў і нашых краін".

"Расія - наш стратэгічны партнёр. Мы гатовы да супрацоўніцтва па ўсіх напрамках", - падкрэсліла Качанава.

Чытайце таксама:

2
Тэги:
гісторыя, дыпмісія, кіраўнік, Беларусь, Расія, пасол
Тэмы:
Саюзная дзяржава Беларусі і Расіі