Пуцін распавёў, калі Расія можа выкарыстоўваць ядзерную зброю - відэа

22
(абноўлена 16:35 11.11.2020)
Прэзідэнт Расіі Уладзімір Пуцін напярэдадні абмеркаваў з прадстаўнікамі Мінабароны пытанні ядзернай бяспекі. Глядзіце на відэа, што расказаў кіраўнік дзяржавы.

"Неабходна прадоўжыць распрацоўку перспектыўных сістэм кіравання стратэгічнымі ядзернымі сіламі... Якімі б сучаснымі, перадавымі яны ні былі сёння, на месцы стаяць нельга. Мы з вамі гэта добра разумеем. Трэба думаць пра тое, што будзе заўтра і паслязаўтра", - заявіў Пуцін на нарадзе.

Ён адзначыў, што бяспека ядзернай трыяды напрамую залежыць ад устойлівай працы новых сістэм кіравання, перш за ўсё, стратэгічнымі ядзернымі сіламі, сістэмамі кіравання стратэгічнай ядзернай зброяй.

"Цалкам відавочна, што ад таго, наколькі ўстойліва, эфектыўна і надзейна ў любой сітуацыі будуць працаваць гэтыя сістэмы, увесь шлях кіравання, наўпрост залежыць боегатоўнасць ядзернай трыяды, у цэлым здольнасць арміі і флоту адэкватна і хутка адказаць на патэнцыйныя ваенныя пагрозы", - падкрэсліў Пуцін.

Ён удакладніў, што Расія можа выкарыстаць ядзерную зброю толькі ў атветным выпадку.

Прэзідэнт таксама адзначыў пашырэнне ваеннай прысутнасці НАТА ў Еўропе і раскрытыкаваў альянс за ігнараванне прапановы Расіі - знізіць ваенную актыўнасць на час пандэміі. Таксама расійскі лідар нагадаў пра дэструктыўную ролю ЗША ў пытаннях захавання дамоўленасцяў паміж Масквой і Вашынгтонам па кантролі над узбраеннямі і распавёў пра спробы пасадзіць амерыканскі бок за стол перамоваў.

22
Тэги:
ядзерная зброя, Міністэрства абароны РФ, Уладзімір Пуцін
(1:25 / 10.42Mb / просмотров видео: 3491)

Як выглядае алімпійская вёска ў Токіа за месяц да пачатку гульняў відэа

14
(абноўлена 15:58 22.06.2021)
Арганізатары Токіа-2020 паказалі прадстаўнікам прэсы алімпійскую вёску за месяц да пачатку гульняў. Глядзіце на відэа экскурсію па яшчэ пустым жылым раёне спартсменаў.

За месяц да цырымоніі адкрыцця Алімпійскіх гульняў у Токіа арганізатары паказалі журналістам алімпійскую вёску. Яе плошча - пяць тысяч квадратных метраў, а размясціцца ў ёй могуць да 18 тысяч спартсменаў і супрацоўнікаў.

У алімпійскім мястэчку пабудавалі 23 шматкватэрныя дамы. У склад вёскі таксама ўваходзяць банк, сталовая, кафэ, пошта і універсальны магазін. На тэрыторыі таксама ёсць клініка і спецыялізаваны амбулаторны цэнтр па лячэнні ліхаманкі.

Будаўніцтва жылога квартала і іншай інфраструктуры ў агульнай складанасці абыйшлося звыш 430 млн еўра. Пасля Алімпіяды гарадок стане жылым мікрараёнам, а кватэры прададуць у прыватную ўласнасць.

Алімпійская вёска афіцыйна адкрыецца 13 ліпеня. Чакаецца, што ўдзельнікі Гульняў прыбудуць на аб'екты за пяць дзён да спаборніцтваў і з’едуць на працягу двух дзён пасля іх завяршэння, у той час як спартсмены-паралімпійцы могуць прыбыць за сем дзён да спаборніцтваў.

Спартсменам у перыяд Алімпіяды прыйдзецца штодня здаваць тэсты і перасоўвацца толькі на спецыяльным транспарце. Акрамя таго, алімпійцам прыйдзецца ўвесь час насіць ахоўныя маскі, якія дазволена здымаць толькі падчас ежы, трэніровак, спаборніцтваў і сну.

Алімпійскія гульні 2020 года, адкладзеныя ў мінулым годзе, павінны пачацца 23 ліпеня, нягледзячы на ​​серыю пратэстаў насельніцтва Японіі супраць правядзення гульняў падчас пандэміі каронавіруса.

Глядзіце таксама:

14
Тэги:
экскурсія, Алімпійская вёска, відэа, Токіа

У Наваполацку ўзвялі пантонны мост відэа

16
(абноўлена 16:11 22.06.2021)
Калі мост праз Заходнюю Дзвіну зачынілі на рамонт, жыццё горада фактычна спынілася: адлегласць да цэнтра Наваполацка для жыхароў некаторых раёнаў павялічылася ў 10 разоў.

Пантонны 130-метровы мост праз Заходнюю Дзвіну ўсталявалі ў Наваполацку, узвядзеннем канструкцыі займаліся работнікі Пінскага цэнтра рэспубліканскага атрада спецыяльнага прызначэння "ЗУБР" МНС Беларусі.

За суткі ратавальнікі ўстанавілі 20 пантонаў, вагой у сем тон кожны. Па дадзеных прэс-службы МНС, ва ўзвядзенні маста было задзейнічана 30 чалавек, 18 машын пантонна-маставога парку і цягач ЗІЛ-131 з катэрам БМК 150.

Акрамя таго, дарожныя службы працуюць над добраўпарадкаваннем пад'язных шляхоў.

18 чэрвеня адзіны ў Наваполацку мост праз Заходнюю Дзвіну зачынілі на рэканструкцыю. Мост быў пабудаваны ў 1962 годзе і ўжо двойчы рамантаваўся - у 2000-м і 2018-м.

Глядзіце на відэа, як выратавальнікі ўзводзілі мост у Наваполацку.

Глядзіце таксама:

16
Тэги:
жыхар, відэа, мост, Наваполацк
Які сёння дзень: 24 чэрвеня 2021 года

Які сёння дзень: 24 чэрвеня 2021 года

0
(абноўлена 19:32 21.06.2021)
Гэты дзень з'яўляецца сто семдзесят пятым па грыгарыянскім календары, да канца года засталося 190 дзён.

Якія падзеі адбыліся 24 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 24 чэрвеня

  • У 1989 годзе ў Вільнюсе пачаўся I Устаноўчы з’езд Беларускага народнага фронту "Адраджэнне".

Хто нарадзіўся 24 чэрвеня

  • 1777: Ян Ходзька, пісьменнік, публіцыст, грамадскі дзеяч.
  • 1796: Ян Чачот, беларускі паэт і фалькларыст.
  • 1900: Кузьма Чорны, беларускі пісьменнік.
  • 1907: Язэп Зазека, беларускі пісьменнік, навуковец, педагог.
  • 1949: Уладзімір Тоўсцік, беларускі мастак.

Таксама сёння нарадзіліся польскі мастак Ян Матэйка і англійскі астраном і пісьменнік Фрэд Хойл.

24 чэрвеня ў народным календары

Сёння праваслаўныя вернікі шануюць памяць апосталаў Варфаламея і Варнавы. Апостал Варфаламей быў адным з 12 вучняў Ісуса, Варнава – вучнем апостала Паўла, апосталам ад 70-ці.

Апостала ў народзе празвалі Варнава Сунічнік, бо ў лесе да гэтага часу ўжо выспяваюць суніцы. Іх хадзілі збіраць у лес, а вось ірваць у гэты дзень траву было забаронена, каб не прынесці з ёй у хату нячыстую сілу. Верылі нават, што лекавыя зёлкі на Варнаву становяцца ядавітымі.

Калі 24 чэрвеня туманна, будзе добры ўраджай грыбоў, а цёплая ноч прадвяшчае мноства садавіны.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей