Уразлівыя для каронавіруса: як жыве ў пандэмію дом састарэлых - відэа

17
(абноўлена 15:03 09.12.2020)
Вахта для супрацоўнікаў і змена ладу жыцця пастаяльцаў - з-за пандэміі COVID-19 у мінскім доме-інтэрнаце для пенсіянераў і інвалідаў сталі жыць інакш. Глядзіце на відэа, якія ва ўстанове новаўвядзенні і правілы.

Ад пачатку пандэміі дом-інтэрнат для пенсіянераў і інвалідаў стаў працаваць па новых правілах. Супрацоўнікі, якія цесна кантактуюць з пастаяльцамі, яшчэ вясной перайшлі на вахтавы метад працы.

"Наша адзіная ўстанова перайшла нават на вахту на тры тыдні, тры тыдні супрацоўнікі тут жылі адной сям'ёй. Ні адзін супрацоўніук не адмовіўся. Нават ніхто не спытаў, колькі ім заплацяць, ёсць слова "трэба", - распавяла дырэктар мінскага дома-інтэрната для пенсіянераў і інвалідаў Наталля Зычкова.
Супрацоўнікам дома-інтэрната стварылі камфортныя ўмовы: яны жывуць у пакоях па 2 чалавекі і працуюць суткі праз суткі. Акрамя таго, работнікаў падтрымліваюць матэрыяльна, некаторыя з іх атрымліваюць па 4-5 акладаў.

"Заробак плюс па ўказе прэзідэнта ідзе яшчэ 150% - гэта паўтара аклады, плюс мы выплачваем сутачныя, забяспечваем бясплатнае харчаванне і пражыванне. І плюс яшчэ ад ўстановы яны атрымліваюць ад 250 і вышэй адсоткаў. Гэта добрыя грошы. Людзі-санітары атрымліваюць 1200-1300 чыстымі за два тыдні", - дадае Зычкова.

У інтэрнаце пражывае самая слабая для каронавіруса катэгорыя, таму ва ўстанове дзейнічае "антывірусны рэжым". Супрацоўнікі ўстановы ходзяць у халатах, касцюмах, масках і пальчатках. Кожныя тры гадзіны праводзяць дэзінфекцыю, а таксама мераюць тэмпературу тым, хто тут пражывае, раніцай у абед і ўвечары. Абавязковую тэрмаметрыю праходзяць і супрацоўнікі ўстановы, а за два тыдні перад вахтай работнікі дома-інтэрната здаюць ПЦР-тэст.

Сёння ў інтэрнаце пражываюць 466 чалавек. Самаму сталаму жыхару - амаль 101 год. Аднак не абышлося ў інтэрнаце без страт. За час пандэміі не стала васьмі пастаяльцаў.

З-за змены ладу жыцця бабулі і дзядулі засталіся без прагулак у горадзе. Але самым складаным для пажылых аказалася змірыцца з адменай усіх спатканняў з роднымі. Ратуюць званкі па месенджарах і відэасувязь.

Забавы для пастаяльцаў арганізуюць супрацоўнікі - у сценах інтэрната, а навагодні настрой ва ўстанове ствараюць прадметамі інтэр'еру і мандарынамі.

17
Тэги:
Мінск

Гульня на выжыванне: атэль перарабілі ў пляцоўку для страйкбола відэа

17
(абноўлена 14:41 14.06.2021)
Атэль у Японіі перарабілі ў арэну для страйкбола. У пандэмію капсульны хостэл вымушана зачыніўся, а мясцовы бар не прыносіў прыбытку. Уладальнікі бізнесу аддалі атэль для страйкбольных спаборніцтваў на выжыванне.

Капсульны атэль New City ў Ёкагаме, які прыпыніў працу з-за пандэміі, зноў адкрыў свае дзверы, але ўжо для аматараў страйкбола.

На кадрах аматары ваеннай тэматыкі і мясцовыя жыхары праводзяць час за гульнёй у страйкбол у сценах пераабсталяванага атэля.

Па словах кіраўніка мясцовага бара ў стылі страйкбол Get City Ная Рудзі, асноўнымі напрамкамі бізнесу ў будынку былі саўна і капсульны атэль, якія моцна пацярпелі ў перыяд пандэміі і зачыніліся ў сакавіку.

Уладальнікі бізнесу змянілі курс: яны аддалі будынак для правядзення ў ім страйкбольных спаборніцтваў.

Аматары страйкбола адзначаюць, што гульня ў будынку нашмат цікавей звыклай стрэльбы на вуліцы.

Попыт на экстрэмальную забаву перавысіў чаканні. Калі ажыятаж не спадзе, арганізатары плануюць праводзіць новыя гульні.

Глядзіце таксама:

17
Тэги:
спаборніцтвы, бізнес, пандэмія, Японія, гульня, відэа

Што беларускія паралімпійцы чакаюць ад стартаў у Токіа - відэа

14
(абноўлена 13:42 15.06.2021)
У аўторак, 15 чэрвеня, у мультымедыйным прэс-цэнтры Sputnik Беларусь адбылася прэс-канферэнцыя на тэму: "Падрыхтоўка паралімпійцаў да гульняў у Токіа".

Алімпійскія гульні ў Токіа ў 2020 годзе былі перанесены з-за пандэміі. Яны пройдуць з 23 ліпеня па 8 жніўня 2021, Паралімпійскія - з 24 жніўня па 5 верасня. Пры гэтым будзе захавана назва "Токіа-2020".

На што зробіць стаўку трэнерскі штаб паралімпійскай зборнай? У якіх відах спорту беларусы плануюць заваяваць залатыя медалі?

Удзел у прэс-канферэнцыі прынялі:

  • генеральны сакратар Паралімпійскага камітэта Беларусі Мікалай ШУДЗЕЙКА;
  • дырэктар Рэспубліканскага цэнтра алімпійскай падрыхтоўкі па інваспорту Ігар ЛАПШЫН;
  • старшы трэнер нацыянальнай каманды па плаванні Генадзь ВІШНЯКОЎ;
  • шматразовы чэмпіён Паралімпійскіх гульняў па плаванні Ігар БОКІЙ.
14
Тэги:
Токіа, прэс-канферэнцыя, Мультымедыйны прэс-цэнтр Sputnik Беларусь, Sputnik Беларусь, відэа, Паралімпійцы
На занятках у Цэнтры дапрызыўнай падрыхтоўкі Маскоўскага раёна

Кіраўнікі ваенна-патрыятычнага выхавання з'явяцца ў школах

6
(абноўлена 12:39 16.06.2021)
У краіне для пасады ваенрука ўводзіцца дзве тысячы ставак, да падрыхтоўкі школьнікаў змогуць прыцягваць кадравых вайскоўцаў.

МІНСК, 15 чэр - Sputnik. Новая пасада кіраўніка ваенна-патрыятычнага выхавання будзе ўведзена ў школах з 1 верасня гэтага года, пра гэта паведаміў міністр адукацыі Беларусі Ігар Карпенка.

Гэтая заява была зроблена на пашыраным пасяджэнні прэзідыума верхняй палаты парламента, дзе абмяркоўвалася тэма па паляпшэнню падрыхтоўкі прызыўнікоў да службы ва Узброеных сілах краіны.

"З 1 верасня гэтага года ў школах ўводзіцца пасада кіраўніка ваенна-патрыятычнага выхавання - усяго каля 2 тысяч ставак", - прыводзяцца словы Карпенкі на сайце ведамства.

Ён адзначыў, што сістэма адукацыі - гэта, перш за ўсё, інстытут сацыялізацыі і выхаваўчая работа павінна быць укаранёна ў навучальны працэс.

Супрацоўніцтва з Мінабароны

У ведамстве нагадалі, што ваенна-патрыятычныя лагеры і змены для дзяцей і падлеткаў арганізуюцца з міністэрствам абароны рэгулярна. Акрамя таго, ведамствамі праводзяцца тэматычныя віктарыны і конкурсы.

Міністр абароны Віктар Хрэнін на пасяджэнні таксама прапанаваў арганізаваць у школах навучанне і павышэнне кваліфікацыі выкладчыкаў па прадмеце "Дапрызыўная падрыхтоўка". Да падрыхтоўкі школьнікаў будуць прыцягваць вайскоўцаў.

Як паведаміла прэс-служба Мінадукацыі, праграма патрыятычнага выхавання насельніцтва ўжо распрацавана, у цяперашні час праводзіцца падрыхтоўка па стварэнні Рэспубліканскага цэнтра патрыятычнага выхавання. Нагадаем, што ў красавіку міністар адукацыі заявіў аб падрыхтоўцы дзяржаўнай праграмы патрыятычнага выхавання насельніцтва і паведаміў, што яна павінна будзе прайсці грамадскае абмеркаванне.

"Гэта трэба, каб моладзь усведамляла свой доўг перад Айчынай і не думала, што служба ў арміі - гэта страта часу. Акрамя іншага, гэта магчымасць набыць вайсковую спецыяльнасць, выхаваць у сабе якасці сапраўднага мужчыны і грамадзяніна", - растлумачыў кіраўнік Мінабароны.

Вярнуць ваенрукоў

Гаворка пра тое, што ў школы могуць вярнуць ваенрукоў, ішла ўжо два гады таму. Карпенка тады заявіў, што формы работы ў гэтым кірунку могуць быць разнастайнымі, у тым ліку гэта клопат пра ветэранаў, добраўпарадкаванне пахаванняў і воінскіх магіл, вывучэнне гісторыі воінскіх частак і злучэнняў, партызанскіх атрадаў і падпольных груп у гады Вялікай Айчыннай вайны на тэрыторыі рэгіёнаў, арганізацыя "зорных паходаў".

Міністр адукацыі лічыць, што браць удзел у працы, якая "нясе ў сабе зарад патрыятызму і гонару за краіну", павінен кожны школьнік.

Чытайце таксама:

6
Тэги:
вайскоўцы, школа, выхаванне, кіраўнік