Уразлівыя для каронавіруса: як жыве ў пандэмію дом састарэлых - відэа

15
(абноўлена 15:03 09.12.2020)
Вахта для супрацоўнікаў і змена ладу жыцця пастаяльцаў - з-за пандэміі COVID-19 у мінскім доме-інтэрнаце для пенсіянераў і інвалідаў сталі жыць інакш. Глядзіце на відэа, якія ва ўстанове новаўвядзенні і правілы.

Ад пачатку пандэміі дом-інтэрнат для пенсіянераў і інвалідаў стаў працаваць па новых правілах. Супрацоўнікі, якія цесна кантактуюць з пастаяльцамі, яшчэ вясной перайшлі на вахтавы метад працы.

"Наша адзіная ўстанова перайшла нават на вахту на тры тыдні, тры тыдні супрацоўнікі тут жылі адной сям'ёй. Ні адзін супрацоўніук не адмовіўся. Нават ніхто не спытаў, колькі ім заплацяць, ёсць слова "трэба", - распавяла дырэктар мінскага дома-інтэрната для пенсіянераў і інвалідаў Наталля Зычкова.
Супрацоўнікам дома-інтэрната стварылі камфортныя ўмовы: яны жывуць у пакоях па 2 чалавекі і працуюць суткі праз суткі. Акрамя таго, работнікаў падтрымліваюць матэрыяльна, некаторыя з іх атрымліваюць па 4-5 акладаў.

"Заробак плюс па ўказе прэзідэнта ідзе яшчэ 150% - гэта паўтара аклады, плюс мы выплачваем сутачныя, забяспечваем бясплатнае харчаванне і пражыванне. І плюс яшчэ ад ўстановы яны атрымліваюць ад 250 і вышэй адсоткаў. Гэта добрыя грошы. Людзі-санітары атрымліваюць 1200-1300 чыстымі за два тыдні", - дадае Зычкова.

У інтэрнаце пражывае самая слабая для каронавіруса катэгорыя, таму ва ўстанове дзейнічае "антывірусны рэжым". Супрацоўнікі ўстановы ходзяць у халатах, касцюмах, масках і пальчатках. Кожныя тры гадзіны праводзяць дэзінфекцыю, а таксама мераюць тэмпературу тым, хто тут пражывае, раніцай у абед і ўвечары. Абавязковую тэрмаметрыю праходзяць і супрацоўнікі ўстановы, а за два тыдні перад вахтай работнікі дома-інтэрната здаюць ПЦР-тэст.

Сёння ў інтэрнаце пражываюць 466 чалавек. Самаму сталаму жыхару - амаль 101 год. Аднак не абышлося ў інтэрнаце без страт. За час пандэміі не стала васьмі пастаяльцаў.

З-за змены ладу жыцця бабулі і дзядулі засталіся без прагулак у горадзе. Але самым складаным для пажылых аказалася змірыцца з адменай усіх спатканняў з роднымі. Ратуюць званкі па месенджарах і відэасувязь.

Забавы для пастаяльцаў арганізуюць супрацоўнікі - у сценах інтэрната, а навагодні настрой ва ўстанове ствараюць прадметамі інтэр'еру і мандарынамі.

15
Тэги:
Мінск

Відэафакт: касманаўт зняў паўночнае ззянне з борта МКС

7
(абноўлена 10:38 22.01.2021)
Расійскі астранаўт паказаў, як выглядаюць нябесныя з'явы з космасу. Глядзіце на відэа кадры ў рэжыме таймлапс.

З борта МКС расійскі касманаўт Сяргей Кудзь-Свярчкоў зняў на відэа ў рэжыме таймлапс паўночнае ззянне. Ролік Сяргей апублікаваў у сваім акаўнце Instagram.

На знятых кадрах паўночнае ззянне выглядае як памяранцава-смарагдавая абалонка планеты са светлавымі пошугамі, якая быццам акружае ўсю Зямлю.

"Мы пачнем палёт над Ціхім акіянам, пралятаючы над гарадамі ЗША і Канады, а затым сустрэнем світанак над паўночнай Атлантыкай. Нават ноччу можна выразна бачыць акіян, аблокі і начныя горады, а з-за гарызонту выплывае Млечны Шлях", - напісаў касманаўт ў каментарыі да відэароліка.

Таксама Сяргей распавёў карыстальнікам сацсеткі, што памяранцавы арэол над Зямлёй утвараецца з-за яе ўласнага святлення. Акрамя таго, касманаўт патлумачыў, што прыкметныя з-за сонечнага святлення аб'екты, якія лётаюць  у пачатку першага кадра, з'яўляюцца спадарожнікамі.

У цяперашні час на борце МКС знаходзяцца расійскія касманаўты Сяргей Рыжыкаў і Сяргей Кудзь-Свярчкоў, спецыялісты з НАСА Кэтлін Рубінс, Майкл Хопкінс, Віктар Гловер, Шэнан Уокер і японская астранаўт Саіці Нагуці.

Глядзіце таксама:

7
Тэги:
Паўночнае ззянне, МКС

Самую доўгую ў свеце канатную дарогу адкрылі ў Сербіі - відэа

12
(абноўлена 10:12 22.01.2021)
У сербскім гарналыжным цэнтры Злацібор адкрылі самую доўгую ў свеце канатную дарогу. Глядзіце на відэа кадры, знятыя з кабінкі.

Горны масіў Злацібор, размешчаны ў 200 кіламетрах ад Белграда, з'яўляецца адным з найбуйнейшых турцэнтраў краіны.

Працягласць канатнай дарогі Gold gondola - 8950 метраў, што робіць яе самай доўгай у свеце. За гадзіну яна можа перавозіць 600 пасажыраў, а верхняя яе кропка знаходзіцца на гары Торнік на вышыні 1496 метраў, адкуль спускаюцца лыжныя трасы.

Глядзіце таксама:

12
Тэги:
Сербія
Працаўнікі прадпрыемства Беларуськалій выйшлі на забастоўку

Кампанія Yara выступіла з заявай пасля саступак "Беларуськалія"

0
(абноўлена 14:41 22.01.2021)
Нарвежскія партнёры беларускага гіганта гарнаруднай прамысловасці выказвалі занепакоенасць у сувязі з парушэннямі правоў шахцёраў у Салігорску, якія, на іх погляд, былі.

МІНСК, 22 сту – Sputnik. Галоўным клопатам Yara застаецца здароўе, бяспека і дабрабыт работнікаў "Беларуськалія", гаворыцца ў афіцыйнай заяве нарвежскай кампаніі.

Раней стала вядома, што "Беларуськалій" заявіў аб гатоўнасці вярнуць на працу супрацоўнікаў, якія былі звольненыя за ўдзел у стачцы, і зняць з іх дысцыплінарныя спагнанні. Для гэтага былым шахцёрам трэба толькі падаць заявы, а нарвежскія партнёры былі запрошаны ажыццяўляць маніторынг сітуацыі на прадпрыемстве.

З клопатам аб шахцёрах

У сваю чаргу, "будучы доўгатэрміновым партнёрам адной з найбуйнейшых кампаній Беларусі, Yara ў апошнія месяцы імкнулася да пазітыўных змяненняў з дапамогай цеснага і рэгулярнага дыялогу з кіраўніцтвам БКК і Беларуськалія".

Кіраўніцтва нарвежскай кампаніі наведвала Салігорск, каб данесці сваю пазіцыю ў дачыненні да правоў працоўных да менеджменту Беларускай калійнай кампаніі і непасрэдна найбуйнейшай гарнаруднай вытворчасці ў рэспубліцы. Для гэтага Yara таксама актыўна супрацоўнічае з беларускімі і нарвежскімі прафсаюзамі.

"Yara працягвае ўзаемадзейнічаць з шэрагам зацікаўленых бакоў унутры і за межамі Беларусі, у тым ліку лідэра беларускай дэмакратычнай апазіцыі Святлану Ціханоўскую, каб ацаніць, як гэта можа аказаць найбольш станоўчы ўплыў", - напісана ў заяве кампаніі.

Пры гэтым нарвежцы сцвярджаюць, што галоўным для іх застаецца здароўе, бяспека і дабрабыт работнікаў Беларуськалія, які ў сваю чаргу пацвярджае сваю гатоўнасць супрацоўнічаць.

Найбуйнейшы замежны партнёр Беларуськалія лічыць усе гэтыя крокі пазітыўным знакам, але абяцае і надалей сачыць за сітуацыяй у Салігорску.

Стачка на "Беларуськаліі"

Пасля прэзідэнцкіх выбараў у Беларусі на прадпрыемстве быў створаны стачачны камітэт, які выказваў нязгоду з іх вынікамі.

Забастоўкі на "Беларуськаліі" праходзілі 17 і 18 жніўня 2020 года: у тыя дні супрацоўнікі адмовіліся выходзіць на працу. Вярхоўны суд прызнаў забастоўку на прадпрыемстве незаконнай.

0
Тэги:
Святлана Ціханоўская, Беларусь, Беларуськалій
Тэмы:
Пратэсты пасля выбараў у Беларусі