Мінск у дзень пратэсту: упершыню з інтэрнэтам і адчыненым метро
(абноўлена 09:40 14.12.2020)
Глядзіце на відэа, як мінчане чацвёртыя выхадныя запар асвойваюць фармат дваровых маршаў і як выглядае горад у дзень пратэсту.У нядзелю ў розных раёнах Мінска можна было ўбачыць уздоўж дарогі аўтазакі і мікрааўтобусы з праваахоўнікамі, самі ж акцыі пратэсту праходзілі ўнутры двароў.
Станцыі метрапалітэна не зачыняліся, а мабільны інтэрнэт працаваў увесь дзень - такога па нядзелях не было яшчэ ні разу, пачынаючы з 9 жніўня.
Прыкладна месяц таму мінчане змянілі фармат пратэсту. Замест агульнага маршу, які стартаваў перш на цэнтральных вуліцах і праспектах, праціўнікі дзейнай улады арганізоўваюць мітынгі ва ўласных дварах.
Суседзі дамаўляюцца аб пункце збору ў месенджарах і выходзяць туды да прызначанага часу. Такую тактыку абралі, каб "ускладніць" працу сілавікам і пазбегнуць затрыманняў.
У мікрараёне Лебядзіны людзі выйшлі да ўсталяванай у двары ёлкі з дзецьмі. Супрацоўнікі міліцыі пасля размовы з жыхарамі адышлі ў бок. Міма праехалі з аўтапрабегам прыхільнікі дзейнага прэзідэнта Аляксандра Лукашэнкі, якія традыцыйна стартуюць ад аквапарку "Лебядзіны".
Без затрыманняў не абышлося і сёння. Дакладнай колькасці затрыманых удзельнікаў у МУС пакуль не называюць.
Тэги:
Відэафакт: ракета Falcon 9 з турэцкім спадарожнікам стартавала ў Фларыдзе
(абноўлена 13:01 15.01.2021)
Ракета-носьбіт Falcon 9 з камунікацыйным спадарожнікам стартавала з касмадрома на мысе Канаверал у ЗША. Глядзіце на відэа, як прайшоў пуск.Першы старт у гэтым годзе звязаны з адпраўкай турэцкага тэлекамунікацыйнага спадарожніка Turksat 5A, які будзе забяспечваць перадачу сігналу для грамадзянскіх і ваенных патрэб.
У запуску была выкарыстана першая ступень ракеты Falcon, якая ўжо тройчы лятала - падчас адпраўкі на арбіту спадарожніка GPS і двух "Старлікаў".
На гэты раз першая ступень пасля завяршэння сваёй місіі села на плывучую платформу ў Атлантычным акіяне.
Пакуль першая ступень ракеты вярталася пасля адстыкоўкі, другая ступень працягнула палёт на арбіту.
Тэги:
Відэафакт: Капчагайскае вадасховішча ў Казахстане пакрылася пластом лёду
(абноўлена 18:40 15.01.2021)
Дзіўныя кадры замерзлага Капчагайскага вадасховішча, аднаго з самых вялікіх у Казахстане, удалося зняць з вышыні птушынага палёту.Капчагайскае вадасховішча, размешчанае прыкладна ў 100 кіламетрах ад Алматы, прамерзла раней, чым звычайна, і пакрылася скарынкай лёду.
У некаторых месцах лёд падняўся і ператварыўся ў таросы - нагрувашчванні з абломкаў, якія ўзнікаюць з-за сціскання ледзянога покрыва.
Капчагайскае вадасховішча, якое распасціраецца на 180 кіламетраў, уяўляе сабой штучны вадаём, створаны ў 1970 годзе ў сярэднім цячэнні ракі Ілі. Пазней там жа былі пабудаваны плаціна і Капчагайская ГЭС.
Зараз дадзеная лакацыя стала карыстацца папулярнасцю ў турыстаў па-за залежнасці ад пары года: летам на ўзбярэжжы вадасховішча працуюць розныя базы адпачынку, а зімой месца прыцягвае аматараў рыбалкі.
Тэги: