Відэа

Першыя жанчыны-даішніцы з'явіліся на знакамітай рымскай плошчы – відэа

Падпісацца
Платформа дарожнай паліцыі на плошчы П’яцца Венецыя ў цэнтры Рыма зноў працуе, а знакамітыя жэстыкулюючыя даішнікі зноў разводзяць патокі машын. З новаўвядзенняў - подыум цяпер займаюць жанчыны. Глядзіце на відэа, як яны дырыжуюць рухам транспарта.

Знакамітыя жэстыкулюючыя даішнікі Рыма вярнуліся на гістарычную платформу ў цэнтры горада і ўпершыню іх рады папоўнілі жанчыны.

Афіцэры дарожнай паліцыі Крысціна Карбучы і Джой Валета прыступілі да сваёй новай пасады, якую традыцыйна займалі мужчыны.

"Людзі ўсхваляваныя. Яны натхняюць нас, яны рады нас бачыць. Таму што яны гэтага не чакалі", - сказала Валета.

"Жанчыны асабліва шчаслівыя і здзіўлены, убачыўшы жанчыну на платформе. Яны натхняюць нас, яны падтрымліваюць нас", - адзначыла Карбучы.

Працоўнае месца інспектараў - платформа на плошчы П’яцца Венецыя. Стоячы на подыуме, які высоўваецца, можна кіраваць рухам транспарта адразу на трох напрамках.

П’яцца Венецыя - гэта ажыўленая кальцавая развязка ў цэнтры горада, над якой узвышаецца вялізны нацыянальны помнік Віктару Эмануэлю, ён вядомы мясцовым жыхарам як "вясельны торт".

Подыум, які выкарыстоўваецца з канца 1920-х гадоў, быў аўтаматызаваны ў 2006 годзе. Ён палюбіўся як турыстам, так і мясцовым жыхарам. Платформа паказана ў кінакарціне Вудзі Алена "У Рым з любоўю", а таксама ў класічнай дзіцячай ілюстраванай кнізе "Гэта Рым".

Глядзіце таксама:

Стужка навiн
0