Як у Беларусі пякуць асяцінскія пірагі

25
(абноўлена 09:51 28.03.2017)
Асяцінскі пірог - самы шчодры, у адрозненне ад іншых, у ім роўна пяцьдзесят адсоткаў начынкі. Глядзіце на відэа, як ствараецца кулінарны шэдэўр.

У кафэ L'Абрус беларусы пякуць сапраўдныя асяцінскія пірагі. Вучыліся гэтаму майстэрству ў карэнных асецін. Спецыялісты прыязджалі ў Беларусь і паўгода навучалі кухараў кафэ, як гатаваць начынку і цеста.

"У звычайных пірагах трыццаць, а то і дваццаць пяць працэнтаў начынкі. У асецінскіх — роўна палова, гэта галоўнае правіла", — распавёў Sputnik шэф-повар кафэ Аляксандр Віцько.

А вось прыгатаваць такі пірог дома, без спецыяльнай печкі, не атрымаецца. Кухар распавёў, што ў звычайнай духоўцы пірог атрымаецца сырым унутры і чэрствым звонку.

Усяго дзве ўстановы ў Мінску гатуюць сапраўдныя асяцінскія пірагі, і ў L'Абрус прызналі, што гэта выдатная альтэрнатыва нават піцы. Да таго ж, начынне можна выбраць на свой густ — ад ялавічыны і свініны да сыру з тварагом (фірмовы рэцэпт дырэктара кафэ, самі асеціны кладуць толькі сыр) і яблыка з гарбузом для тых, хто трымаецца посту.

"Пірагы рыхтуюцца ўручную. Яны тонкія — як аладкі. Начынка размяркоўваецца раўнамерна, пірог абавязкова павінен быць свежым, сакавітым. Ніякая хімія недапушчальная — і таму тэрмін прыдатнасці невялікі. Пірог з мясам згодна сертыфікату можа захоўвацца каля шасці гадзін", — распавяла дырэктар кафэ Святлана Кавалёва.

Сюды за пірагамі прыходзілі і карэнныя асеціны — супрацоўнікі распавялі, што водгукі былі пазітыўныя, а раз пірог спадабаўся асецінам, то ў беларусаў ёсць магчымасць паспрабаваць нацыянальную кухню Асеціі, не выязджаючы з Мінска.

25
Тэги:
Кухня, Нацыянальная кухня, Мінск

Пуцін правёў нараду па рэалізацыі прынятых мер барацьбы з COVID

41
(абноўлена 16:58 06.05.2020)
На парадку дня было паэтапнае зняцце абмежаванняў і арганізацыя выхаду расійскіх грамадзян з рэжыму самаізаляцыі.

Прэзідэнт РФ Уладзімір Пуцін правёў у сераду нараду па пытаннях рэалізацыі раней прынятых рашэнняў па барацьбе з каронавірусам, а таксама заслухаў рэкамендацыі.

Сусветная арганізацыя аховы здароўя 11 сакавіка абвясціла ўспышку новай каронавіруснай інфекцыі COVID-19 пандэміяй. Большасць рэгіёнаў РФ увялі рэжым самаізаляцыі або іншыя абмежаванні для прафілактыкі каронавіруса.

Пуцін раней заявіў, што перыяд непрацоўных дзён у Расіі з-за каронавіруса працягнецца да 11 мая ўключна. Такім чынам, 6-8 мая ў РФ - непрацоўныя дні з захаваннем заробку.

Асноўныя тэзісы нарады:

  • Адмену абмежавальных мер у сувязі з каронавірусам трэба ўводзіць толькі на падставе меркаванняў навукоўцаў
  • Змякчэнне жорсткіх мер магчыма ў залежнасці ад сітуацыі ў канкрэтным рэгіёне
  • Адказнасць кіраўнікоў рэгіёнаў па барацьбе з каронавірусам вельмі высокая
  • Вельмі важны абмен інфармацыяй па барацьбе з COVID-19 з іншымі краінам

Паэтапная адмена абмежаванняў

Пяскоў раней заявіў, што меры засцярогі на фоне пандэміі каронавіруса нельга адмяніць адразу, "за адну ноч ці за адну секунду росчыркам пяра". Нейкія абмежаванні яшчэ некаторы час будуць захоўвацца, казаў ён.

Пры гэтым Пяскоў раіў не забягаць наперад у пытанні адмены абмежаванняў з 12 мая, сказаўшы, што "заўсёды трэба спадзявацца на лепшае, але быць гатовым да любога развіцця падзей".

Кіраўнік Расспажыўнагляду Ганна Папова раней не выключыла магчымасці падаўжэння абмежавальных мер да чэрвеня, калі расіяне будуць парушаць рэжым самаізаляцыі ў майскія святы.

41
Тэги:
каронавірус, Расія, Уладзімір Пуцін
(2:07 / 17.50Mb / просмотров видео: 4470)

Як прыгатаваць велікодны куліч

92
(абноўлена 07:43 11.04.2020)
Вялікае хрысціянскае свята Вялікдзень адзначаецца ў нядзелю, 16 красавіка. Глядзіце на відэа працэс прыгатавання смачнага велікоднага куліча.

Каб прыгатаваць велікодны куліч, спатрэбяцца немудрагелістыя інгрэдыенты: 700 г мукі, 160 г малака, 15 г разрыхляльніка, 160 г цукру, шэсць яек, чатыры жаўткі, 200 г масла, дзве гарбатныя лыжкі солі, цэдра аднаго лімона, 200 г разынак, ¼ г. л. мускатнага арэха і ½ г. л. кардамона, падзялілася са Sputnik Грузія кулінар Нація Мантгомеры.

Спачатку трэба прыгатаваць дрожджы. Для гэтага замешваюць 200 г мукі, малако і разрыхляльнік. Такую сумесь трэба пакінуць падымацца на працягу 45 хвілін пры пакаёвай тэмпературы. Далей змешваюцца 500 г мукі, соль, цукар і цэдра лімона — сюды трэба паступова дадаваць яйкі пакаёвай тэмпературы, а таксама загадзя падрыхтаваныя дрожджы.

Дзве хвіліны неабходна змешваць, каб утварыўся глютен і цеста набыло клейкасць. Затым у яго дадаецца размякчанае масла, разынкі, мускатны арэх і кардамон. Пасля гэтага сумесь трэба змясціць у цёплае месца на 30 хвілін.

Атрыманае цеста размяркоўваюць па формах такім чынам, каб яны запоўніліся на адну траціну. Затым цеста трэба пакінуць на дзве гадзіны, каб яно паднялося. І толькі пасля гэтага яго можна адправіць у нагрэтую да 180 градусаў печ на 40 хвілін. Па жаданні прыгатаваныя кулічы можна пасыпаць цукровай пудрай і грэцкімі арэхамі.

92
Тэги:
свята, Кулінарыя, Рэлігіёзныя святы, Вялікдзень, Грузія
Тэмы:
Сустракаем Вялікдзень
Які сёння дзень: 26 верасня 2020 года

Які сёння дзень: 26 верасня 2020 года

0
(абноўлена 09:56 21.09.2020)
Гэты дзень з'яўляецца дзвесце сямідзясятым па грыгарыянскім календары, да канца года застаецца 96 дзён.

У 1788 годзе нарадзіўся беларускі філолаг Іван Насовіч, аўтар "Слоўніка беларускай мовы". Якія яшчэ падзеі адбыліся 26 верасня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 26 верасня

  • У 1629 годзе было падпісана перамір'е паміж Рэччу Паспалітай і Швецыяй, якім скончылася вайна 1600-29 гадоў.
  • У 1655 годзе расійскія войскі спалілі Пінск.
  • У 1964 годзе быў утвораны курортны пасёлак Нарач.
  • У 1990 годзе было заснавана Беларускае таварыства архівістаў.

Хто нарадзіўся 26 верасня

  • 1788 год: Іван Насовіч, беларускі філолаг, этнограф і фалькларыст, стваральнік "Слоўніка беларускай мовы".
  • 1910 год: Уладзімір Агіевіч, беларускі літаратурны крытык.
  • 1925 год: Навум Кіслік, беларускі пісьменнік.

Таксама сёння нарадзіліся нямецкі філосаф Марцін Хайдэгер і прэзідэнт Ураіны Пётр Парашэнка.

26 верасня ў народным календары

Сёння праваслаўныя вернікі шануюць памяць Карнілія – рымскага сотніка, які прыняў хрысціянства дзякуючы апосталу Пятру.

У народзе святога Карнілія называлі Карней, і па сугуччы з яго імём казалі, што настаў час прыбіраць апошнія карняплоды з агародаў. Лічылася, што з гэтага дня ўсе расліны спыняюць рост.

Напярэдадні іншага вялікага царкоўнага свята – Узвіжання – казалі: "Узвіжання чакай, а рэпу вырывай".

26 верасня звярталі ўвагу на птушак: калі ўсе гракі ўжо паляцелі ў вырай, хутка выпадзе снег. А калі з дамашняй птушкі пер'е так і ляціць – зіма будзе цёплай, але снежнай.

0
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей