(1:09 / 9.72Mb / просмотров видео: 2692)

З хуткасцю 70 км: як катаюцца на амерыканскіх горках ў Гродне

19
(абноўлена 09:45 11.07.2017)
Амерыканскія горкі афіцыйна адкрыліся напярэдадні ў Гродне ў парку Жылібера. Глядзіце на відэа, як наведвальнікі адчуваюць свабоднае падзенне ў ваганетцы з хуткасцю 70 кіламетраў у гадзіну.

Гараджане ўжо параўналі новы атракцыён з "Палётам" і Hammer, якія ў Гродне ўваходзяць у спіс самых экстрэмальных.

"На горках страшней, але хочацца паўтарыць. На Hammer мы віселі ўверх нагамі на вышыні каля 15 метраў, смяяліся і рабілі сэлфі. А на горках крычалі, як вар'яты", — распавёў адзін з наведвальнікаў пасля паездкі.

Вастрыні адчуванням надае тое, што ў вагончыках рамяні бяспекі надзяваюць толькі дзецям, а дарослыя павінны моцна трымацца рукамі за парэнчы. Сумачкі, дробныя рэчы рэкамендуюць не браць. Даставаць тэлефон або камеру падчас паездкі рызыкова.

У адміністрацыі парка кажуць, што аматарам вострых адчуванняў варта паспрабаваць пракаціцца пасля дажджу. Калі рэйкі яшчэ не высахлі, ваганетка лётае нашмат хутчэй. Яшчэ адзін сакрэт для павелічэння хуткасці — ехаць у цалкам запоўненым вагончыку і выбіраць суседзяў у целе. Больш вага — мацней разгон.

"Гэтую горку мы чакалі пяць гадоў. Чэргі на выраб такіх атракцыёнаў вельмі вялікія. Наша горка спецыяльна прызначаная для невялікіх паркаў", — распавёў адміністратар Гродзенскага парку атракцыёнаў Павел Кавалевіч.

Вышыня канструкцыі — 11 метраў, даўжыня шляху — 335 метраў. Ёсць участкі са свабодным падзеннем ваганеткі. Максімальная хуткасць — не менш за 70 кіламетраў у гадзіну. Катацца на ёй могуць не толькі дарослыя, але і дзеці ростам вышэй за 135 см.

Амерыканскую горку пару тыдняў таму прывезлі з Італіі, дзе яна была выраблена па замове гродзенскага прыватнага парка атракцыёнаў. Мантажом і ўстаноўкай займалася фірма-вытворца, якая ўваходзіць у спіс лепшых сусветных вытворцаў атракцыёнаў.

У бліжэйшы час дызайнеры зоймуцца дэкорам новага збудавання. Яго аснову аформяць ў выглядзе руін старажытнага Карфагена, з якіх будуць вырастаць амерыканскія горкі.

19
Тэги:
атракцыёны, Гродна

Пуцін правёў нараду па рэалізацыі прынятых мер барацьбы з COVID

47
(абноўлена 16:58 06.05.2020)
На парадку дня было паэтапнае зняцце абмежаванняў і арганізацыя выхаду расійскіх грамадзян з рэжыму самаізаляцыі.

Прэзідэнт РФ Уладзімір Пуцін правёў у сераду нараду па пытаннях рэалізацыі раней прынятых рашэнняў па барацьбе з каронавірусам, а таксама заслухаў рэкамендацыі.

Сусветная арганізацыя аховы здароўя 11 сакавіка абвясціла ўспышку новай каронавіруснай інфекцыі COVID-19 пандэміяй. Большасць рэгіёнаў РФ увялі рэжым самаізаляцыі або іншыя абмежаванні для прафілактыкі каронавіруса.

Пуцін раней заявіў, што перыяд непрацоўных дзён у Расіі з-за каронавіруса працягнецца да 11 мая ўключна. Такім чынам, 6-8 мая ў РФ - непрацоўныя дні з захаваннем заробку.

Асноўныя тэзісы нарады:

  • Адмену абмежавальных мер у сувязі з каронавірусам трэба ўводзіць толькі на падставе меркаванняў навукоўцаў
  • Змякчэнне жорсткіх мер магчыма ў залежнасці ад сітуацыі ў канкрэтным рэгіёне
  • Адказнасць кіраўнікоў рэгіёнаў па барацьбе з каронавірусам вельмі высокая
  • Вельмі важны абмен інфармацыяй па барацьбе з COVID-19 з іншымі краінам

Паэтапная адмена абмежаванняў

Пяскоў раней заявіў, што меры засцярогі на фоне пандэміі каронавіруса нельга адмяніць адразу, "за адну ноч ці за адну секунду росчыркам пяра". Нейкія абмежаванні яшчэ некаторы час будуць захоўвацца, казаў ён.

Пры гэтым Пяскоў раіў не забягаць наперад у пытанні адмены абмежаванняў з 12 мая, сказаўшы, што "заўсёды трэба спадзявацца на лепшае, але быць гатовым да любога развіцця падзей".

Кіраўнік Расспажыўнагляду Ганна Папова раней не выключыла магчымасці падаўжэння абмежавальных мер да чэрвеня, калі расіяне будуць парушаць рэжым самаізаляцыі ў майскія святы.

47
Тэги:
каронавірус, Расія, Уладзімір Пуцін
(2:07 / 17.50Mb / просмотров видео: 4471)

Як прыгатаваць велікодны куліч

96
(абноўлена 07:43 11.04.2020)
Вялікае хрысціянскае свята Вялікдзень адзначаецца ў нядзелю, 16 красавіка. Глядзіце на відэа працэс прыгатавання смачнага велікоднага куліча.

Каб прыгатаваць велікодны куліч, спатрэбяцца немудрагелістыя інгрэдыенты: 700 г мукі, 160 г малака, 15 г разрыхляльніка, 160 г цукру, шэсць яек, чатыры жаўткі, 200 г масла, дзве гарбатныя лыжкі солі, цэдра аднаго лімона, 200 г разынак, ¼ г. л. мускатнага арэха і ½ г. л. кардамона, падзялілася са Sputnik Грузія кулінар Нація Мантгомеры.

Спачатку трэба прыгатаваць дрожджы. Для гэтага замешваюць 200 г мукі, малако і разрыхляльнік. Такую сумесь трэба пакінуць падымацца на працягу 45 хвілін пры пакаёвай тэмпературы. Далей змешваюцца 500 г мукі, соль, цукар і цэдра лімона — сюды трэба паступова дадаваць яйкі пакаёвай тэмпературы, а таксама загадзя падрыхтаваныя дрожджы.

Дзве хвіліны неабходна змешваць, каб утварыўся глютен і цеста набыло клейкасць. Затым у яго дадаецца размякчанае масла, разынкі, мускатны арэх і кардамон. Пасля гэтага сумесь трэба змясціць у цёплае месца на 30 хвілін.

Атрыманае цеста размяркоўваюць па формах такім чынам, каб яны запоўніліся на адну траціну. Затым цеста трэба пакінуць на дзве гадзіны, каб яно паднялося. І толькі пасля гэтага яго можна адправіць у нагрэтую да 180 градусаў печ на 40 хвілін. Па жаданні прыгатаваныя кулічы можна пасыпаць цукровай пудрай і грэцкімі арэхамі.

96
Тэги:
свята, Кулінарыя, Рэлігіёзныя святы, Вялікдзень, Грузія
Тэмы:
Сустракаем Вялікдзень

Тыгр навучыўся спяваць, каб прыцягваць да сябе ўвагу - відэа

0
(абноўлена 20:29 06.03.2021)
Глядзіце на відэа, як драпежнік з Барнаульскага заапарка бярэ высокія ноты. І ўсё гэта дзеля аднаго - увагі.

Паласатыя драпежнікі могуць не толькі рыкаць, яны здольныя яшчэ і да "спеваў". Гэта даказвае тыгр Шэрхан. На кадрах можна ўбачыць, як тыгр, ходзячы па вальеры або знаходзячыся на ўзвышшы, якое, мусіць, лічыць сваёю сцэнай, бярэ высокія ноты.

"З самага нараджэння ён такім чынам прыцягвае ўвагу шматдзетнай мамы. Спецыяльна сыходзіў у далёкі кут, калі яна была занятая іншымі дзецьмі, і крычаў, пакуль яна не кіне ўсё і не прыйдзе да яго", - распавялі супрацоўнікі заапарка на старонцы ў сацыяльнай сетцы.

Рэпертуар узыходзячай зоркі Барнаульскага заапарка пакуль невялікі, аднак у яго арсенале ўжо ёсць некалькі хітоў, якія нагадалі некаторыя кампазіцыі ў выкананні расійскага спевака Вітаса. Іншыя прыхільнікі творчасці Шэрхана выказалі здагадку, што тыгр прастудзіўся, аднак супрацоўнікі заапарка запэўнілі, што са здароўем у драпежніка ўсё ў парадку.

Глядзіце таксама:

0
Тэги:
ноты, драпежнік, заапарк, тыгр