Мінтранс не будзе абмяжоўваць палёты ў Егіпет

© Sputnik / Алексей ПокровскийАллея сфинксов перед Карнакским храмом
Аллея сфинксов перед Карнакским храмом - Sputnik Беларусь
Падпісацца
У той жа час "Белавія" рэкамендавана ўзмацніць меры авіяцыйнай бяспекі.

МІНСК, ліс 10 — Sputnik. Міністэрства транспарту і камунікацый Беларусі прыняло рашэнне не абмяжоўваць авіязносіны з Егіптам, паведамілі Sputnik у транспартным ведамстве.

Пасля крушэння расійскага авіялайнера над Сінайскім паўвостравам Расія часова забараніла авіязносіны з Егіптам. МЗС Беларусі настойліва рэкамендаваў беларусам адмовіцца ад турпаездак у гэтую краіну, выключэнне складаюць толькі паездкі ў Каір з дзелавымі мэтамі. У панядзелак "Белавія" па выніках інспекцыі аэрапортаў Егіпта заявіла, што палічыла іх бяспечнымі для пасажыраў.

"Прынята рашэнне не абмяжоўваць палёты ў гэтым напрамку. У той жа час з улікам рэкамендацый Мінтранса ўзмоцнены меры авіяцыйнай бяспекі", — гаворыцца ў паведамленні ведамства.

Мінтранс адзначае, што ўвесь час вядзецца маніторынг сітуацыі, звязанай з бяспекай палётаў, якія выконваюцца авіякампаніяй "Белавія" у аэрапорты Хургады і Шарм-Эль-Шэйха.

Стужка навiн
0