Кітай выдзеліў паўтара мільёна гектараў леапардам на мяжы з РФ

© Sputnik / Виталий Аньков / Перайсці ў медыябанкДалёкаўсходні леапард
Далёкаўсходні леапард - Sputnik Беларусь
Падпісацца
Пастанову аб стварэнні запаведніка падпісаў старшыня КНР Сі Цзіньпін, вылучыўшы на гэта каля двух мільярдаў долараў.

МІНСК, 22 сне — Sputnik. Улады КНР выдзелілі 1,5 мільёна гектараў для стварэння нацыянальнага парка для тыграў і леапардаў, парк будзе межаваць з расійскай "Зямлёй леапарда", паведаміла прэс-служба нацпарка.

Кацяня леапарда - Sputnik Беларусь
Дзесяць новых кацянят леапарда заўважана ў нацпарку Прымор'я

Чакаецца, што вясной будучага года ў Пекіне прадстаўнікі міністэрства па ахове навакольнага асяроддзя Кітая, Дзяржкіравання лясной гаспадаркі краіны і кіраўнікі адміністрацый правінцый, тэрыторыі якіх выдзелены для парку, абмяркуюць галоўныя пытанні яго стварэння. На сустрэчу запрошаны і прадстаўнікі "Зямлі леапарда".

"Рашэнне аб стварэнні новага нацпарка можна без перабольшання лічыць гістарычнай падзеяй, бо яно азначае, што адразу ў дзвюх краінах на тэрыторыі ў амаль 18 тысяч квадратных кіламетраў змогуць жыць у бяспецы рэдкія буйныя кошкі планеты", — пракаментавала гэтую інфармацыю дырэктар ФГБУ "Зямля леапарда" Таццяна Бараноўская.

Таксама паведамляецца, што пастанова аб стварэнні нацпарка ў КНР падпісаў кіраўнік краіны Сі Цзіньпін, вылучыўшы на развіццё тэрыторыі 13 мільярдаў юаняў (каля двух мільёнаў долараў). Паводле інфармацыі кітайскага боку, частка сродкаў пойдзе на ўзмацненне барацьбы з браканьерамі і ачысткі тэрыторыі ад пастак. Гаспадаркі, размешчаныя на выдзеленай для запаведніка тэрыторыі, будуць перамешчаныя ў іншыя месцы, а жыхары населеных пунктаў будуць адселеныя.

Па дадзеных навукоўцаў, у свеце засталося каля 80 далёкаўсходніх леапардаў і 540 амурскіх тыграў, пры гэтым вялікая частка папуляцыі жывёл знаходзііцца ў Расіі.

Больш падрабязна пра далёкаўсходніх леапардаў чытайце на сайце праекта.

Стужка навiн
0