Шведскую школьніцу намініравалі на Нобелеўскую прэмію міру

Падпісацца
Рух у абарону экалогіі, ініцыяваны ў Стакгольме, набыў папулярнасць ва ўсім свеце, а самую масавую падтрымку знайшоў у Бельгіі.

МІНСК, 14 сак - Sputnik. Шведскія і нарвежскія палітыкі намініравалі 16-гадовую шведскую школьніцу Грэту Тунберг на Нобелеўскую прэмію міру, паведамляе Aftonbladet.

Нобелеўская прэмія - Sputnik Беларусь
На Нобелеўскую прэмію міру - 2019 намінавана больш за 300 кандыдатаў

Чым вядомая юная шведка

Грэта Тунберг стала вядомая на ўвесь свет пасля таго, як у жніўні мінулага года пачала сваю адзіночную школьную забастоўку ў Стакгольме з заклікам да палітыкаў звярнуць увагу на праблему змены клімату.

Акцыя шведскай школьніцы натхніла падлеткаў па ўсім свеце на барацьбу з экалагічнымі праблемамі. У Бельгіі гэта вылілася ў маштабныя забастоўкі і мітынгі школьнікаў перад афіцыйнымі структурамі Еўрасаюза ў Брусэлі.

У лютым па ўсёй Бельгіі прайшоў "Марш за клімат", у якім узялі ўдзел больш за 12 тысяч школьнікаў. На акцыі прысутнічала і Грэта Тунберг, якая натхніла многіх устаць на абарону экалогіі.

Нобелеўская прэмія для школьніцы

"Вельмі ганарова і прыемна быць намініраванай на такую важную прэмію. Гэта неверагодна і крыху дзіўна", - пракаментавала навіну Тунберг.

Лаўрэат Нобелеўскай прэміі міру Надзя Мурад - Sputnik Беларусь
Нобелеўскую прэмію міру далі за барацьбу з сэксуальным гвалтам

Дзяўчыну намініравалі на прэмію шведскія палітыкі Енс Холм і Хакан Свенелінг і трое іх нарвежскіх калегаў Фрэдзі Андрэ Оўстэгар, Мона Фагерос і Ларс Халтбрекен з Сацыялістычнай левай партыі.

Скандынаўскія палітыкі лічаць, што рух, ініцыяваны юнай шведкай, важны для ўсёй сусветнай супольнасці. Усяго ў гэтым годзе 301 чалавек намініраваны на Нобелеўскую прэмію міру.

Стужка навiн
0